વિશ્વની સૌથી લોકપ્રિય લીગ IPL ને ખરીદવા માગે છે સાઉદી અરેબિયા! જાણો શું છે યોજના

ઈન્ડિયન પ્રીમિયર લીગ (IPL) વિશ્વની સૌથી ધનિક લીગ છે. આ લીગ સમગ્ર વિશ્વમાં ખૂબ જ પસંદ કરવામાં આવે છે. એક અહેવાલ અનુસાર, સાઉદી અરેબિયાને પણ આ લીગ પસંદ આવી છે, આ જ કારણ છે કે, અહીંના પ્રિન્સ મોહમ્મદ બિન સલમાને વિશ્વની સૌથી મોટી ક્રિકેટ લીગમાં શેર ખરીદવાની ઇચ્છા વ્યક્ત કરી છે. અહેવાલો અનુસાર, સાઉદી અરેબિયા BCCI સાથે મળીને આ T20 લીગ શરૂ કરવા માંગે છે, અને આ માટે તે BCCI સાથે પણ ચર્ચા કરી રહ્યું છે.

સાઉદી અરેબિયા IPL માં અબજો ડોલરનો હિસ્સો ખરીદવામાં રસ દાખવ્યો

સાઉદી અરેબિયા હવે આંતરરાષ્ટ્રીય રમતગમતમાં પોતાને સ્થાપિત કરવાનો પ્રયાસ કરી રહ્યું છે. જી હા, સાઉદી અરેબિયાએ ગોલ્ફ અને ફૂટબોલ બાદ ક્રિકેટની ટોચની ક્લબમાં પ્રવેશવાની યોજના બનાવી છે. સાઉદી અરેબિયાએ ભારતની ક્રિકેટ ટુર્નામેન્ટ ઈન્ડિયન પ્રીમિયર લીગ એટલે કે IPL માં અબજો ડોલરનો હિસ્સો ખરીદવામાં રસ દાખવ્યો છે. બ્લૂમબર્ગના રિપોર્ટ અનુસાર, સાઉદી અરેબિયાના ક્રાઉન પ્રિન્સ મોહમ્મદ બિન સલમાન IPL માં હિસ્સો માંગી રહ્યા છે. આ સંદર્ભમાં, ભારત સરકાર અને ક્રાઉન પ્રિન્સ મોહમ્મદ બિન સલમાનના સલાહકારો વચ્ચે ચર્ચા થઈ છે. સલાહકારોએ તેમની રોકાણ યોજનાઓ સરકારી અધિકારીઓને સમજાવી છે. આ મુજબ, IPL એવી કંપનીને ટ્રાન્સફર કરી શકાય છે જેનું મૂલ્ય 30 અબજ ડોલર હોઈ શકે છે. સાઉદી અરેબિયા આ કંપનીમાં મોટો હિસ્સો લેવાનું વિચારી રહ્યું છે.

સપ્ટેમ્બરમાં થઈ હતી ચર્ચા

બ્લૂમબર્ગના એક રિપોર્ટમાં સૂત્રોને ટાંકીને કહેવામાં આવ્યું છે કે ક્રાઉન પ્રિન્સ મોહમ્મદ બિન સલમાન ગયા સપ્ટેમ્બરમાં ભારતની મુલાકાતે આવ્યા હતા. આ દરમિયાન દરખાસ્ત પર ચર્ચા કરવામાં આવી હતી. આ સમય દરમિયાન, IPLમાં $5 બિલિયનનું રોકાણ કરવા અને તેને ઇંગ્લિશ પ્રીમિયર લીગ અથવા યુરોપિયન ચેમ્પિયન્સ લીગની જેમ અન્ય દેશોમાં વિસ્તરણ કરવામાં મદદ કરવાનો પ્રસ્તાવ મૂકવામાં આવ્યો હતો. સાઉદી સરકાર સમજૂતી માટે દબાણ કરવા આતુર છે. વળી, ભારત સરકાર અને BCCI આવતા વર્ષે ચૂંટણી પછી આ પ્રસ્તાવ પર નિર્ણય લઈ શકે છે. જણાવી દઈએ કે BCCIનું નેતૃત્વ ભારતના ગૃહમંત્રી અમિત શાહના પુત્ર જય શાહ કરે છે. તેઓ વડાપ્રધાન નરેન્દ્ર મોદીના નજીકના સહયોગી છે. જો કે હજુ સુધી કોઈ અંતિમ નિર્ણય લેવાયો નથી. દરમિયાન, BCCI અને સાઉદી સરકારના સેન્ટર ફોર ઈન્ટરનેશનલ કોમ્યુનિકેશનના પ્રતિનિધિઓએ ટિપ્પણી માટેની વિનંતીઓનો જવાબ આપ્યો ન હતો.

IPL વિશ્વની સૌથી ધનાઢ્ય લીગમાંથી એક છે

IPL વિશ્વની સૌથી ધનાઢ્ય લીગમાંની એક છે અને તેનું ઉદ્ઘાટન 2008 માં થયું હતું. IPL એ તેના ઉદ્ઘાટનથી જ વિશ્વના ખેલાડીઓ અને કોચને ભારત તરફ આકર્ષિત કર્યા છે.

BCCI આ રીતે IPL માંથી કમાણી કરે છે

મીડિયા અને પ્રસારણ અધિકારો, એટલે કે IPL મેચો ટેલિકાસ્ટ કરવાનો અધિકાર. મેચના લાઈવ ટેલિકાસ્ટ સિવાય, મીડિયા અધિકારો ધરાવતી કંપની જ હાઈલાઈટ્સ બતાવી શકે છે. તેમાંથી જ BCCI ને મહત્તમ આવક થાય છે.

શીર્ષક સ્પોન્સરશિપ

2008 માં, ટાઇટલ સ્પોન્સરશિપ માટે વાર્ષિક ₹50 કરોડ આપવામાં આવ્યા હતા. 2023માં આ આંકડો વાર્ષિક ₹300 કરોડને વટાવી જશે. ટાટા અને BCCI વચ્ચે બે વર્ષની ડીલ પર હસ્તાક્ષર કરવામાં આવ્યા છે, જેના માટે કુલ ₹600 કરોડ આપવામાં આવ્યા હતા.

ફ્રેન્ચાઇઝ ફી

જ્યારે કોઈપણ નવી ટીમ IPL નો ભાગ બને છે ત્યારે તેને ફ્રેન્ચાઈઝી ફી ચૂકવવી પડે છે. આ સમગ્ર પ્રક્રિયા બિડિંગ દ્વારા કરવામાં આવે છે, જેમાં ટીમ ખરીદવા માટે વિવિધ કંપનીઓ અથવા જૂથો બિડિંગ પ્રક્રિયાનો ભાગ બને છે. વર્ષ 2022માં, જ્યારે ગુજરાત ટાઇટન્સ અને લખનૌ સુપરજાયન્ટ્સ લીગનો ભાગ બન્યા, ત્યારે BCCI ના ખાતામાં ₹12500 કરોડ ઉમેરવામાં આવ્યા.

આ પણ વાંચો - IND vs SL : ટીમ ઈન્ડિયાએ ભુકા બોલાવી દીધા, શ્રીલંકા સામે 302 રને મેળવી જીત

આ પણ વાંચો - T20 World Cup 2024 માં આ બે નવી ટીમોની થશે એન્ટ્રી, આ ટીમને 9 વર્ષ બાદ ટૂર્નામેન્ટમાં મળી જગ્યા

ગુજરાત ફર્સ્ટ તમને સમાચારોથી હંમેશા અવગત રાખશે