Putin એ અજીત ડોભાલને એવું કંઇક કહ્યું કે...
- રશિયાના રાષ્ટ્રપતિ વ્લાદિમીર પુતિને આવતા મહિને રશિયામાં યોજાનારી બ્રિક્સ સંમેલનમાં પીએમ મોદીને વ્યક્તિગત રીતે આમંત્રણ આપ્યું
- વડાપ્રધાન મોદી સાથે દ્વિપક્ષીય બેઠકનો પ્રસ્તાવ
- અમે અમારા સારા મિત્ર મોદીની રાહ જોઈ રહ્યા છીએ
Russian President Vladimir Putin : દુનિયા જાણે છે કે રશિયાના રાષ્ટ્રપતિ વ્લાદિમીર પુતિન (Russian President Vladimir Putin)અને ભારતના વડાપ્રધાન નરેન્દ્ર મોદી વચ્ચેના સંબંધો ઘણા સારા છે. રશિયાએ હંમેશા ભારતને સારો મિત્ર ગણાવ્યો છે. હવે રશિયા વિશ્વના સૌથી ભયાનક યુદ્ધને રોકવા માટે ભારત પર વિશ્વાસ કરી રહ્યું છે. પુતિન અને અજીત ડોભાલ મોસ્કોમાં મળ્યા હતા ત્યારે આનો પુરાવો ફરી એકવાર જોવા મળ્યો. આ દરમિયાન પુતિને ડોભાલ સમક્ષ પોતાની લાગણી વ્યક્ત કરી હતી.
તેઓ ફરીથી પીએમ મોદીની રાહ જોઈ રહ્યા છે
પુતિને કહ્યું કે તેઓ ફરીથી પીએમ મોદીની રાહ જોઈ રહ્યા છે. રશિયાના રાષ્ટ્રપતિ વ્લાદિમીર પુતિને આવતા મહિને રશિયામાં યોજાનારી બ્રિક્સ સંમેલનમાં પીએમ મોદીને વ્યક્તિગત રીતે આમંત્રણ આપ્યું છે. એટલું જ નહીં, તેમણે ડોભાલ દ્વારા સંદેશ મોકલ્યો છે કે તેઓ બ્રિક્સ સિવાય પીએન મોદી સાથે દ્વિપક્ષીય વાતચીત કરવા માંગે છે.
આ પણ વાંચો----PM Modi એ રશિયાના રાષ્ટ્રપતિ વ્લાદિમીર પુતિન સાથે વાત કરી, યુક્રેનની મુલાકાત અંગે થઇ ચર્ચા
બંને વચ્ચે શું થયું?
અજિત ડોભાલે ગુરુવારે રશિયાના રાષ્ટ્રપતિ વ્લાદિમીર પુતિનને યુક્રેનના સંઘર્ષનો શાંતિપૂર્ણ ઉકેલ શોધવાના નવા પ્રયાસો વચ્ચે કિવમાં યુક્રેનના રાષ્ટ્રપતિ વોલોદિમીર ઝેલેન્સકી સાથે વડા પ્રધાન નરેન્દ્ર મોદીની મંત્રણા વિશે માહિતી આપી હતી.
વડાપ્રધાન મોદી સાથે દ્વિપક્ષીય બેઠકનો પ્રસ્તાવ
દરમિયાન, પુતિને આવતા મહિને કાઝાનમાં યોજાનારી બ્રિક્સ સમિટ દરમિયાન વડાપ્રધાન મોદી સાથે દ્વિપક્ષીય બેઠકનો પ્રસ્તાવ મૂક્યો છે. પુતિને ગુરુવારે સેન્ટ પીટર્સબર્ગમાં ડોભાલ સાથેની મુલાકાત દરમિયાન આ પ્રસ્તાવ મૂક્યો હતો. વડા પ્રધાને તેમની ટેલિફોન વાતચીત દરમિયાન તમને કહ્યું હતું, તેઓ તમને તેમની યુક્રેનની મુલાકાત અને રાષ્ટ્રપતિ ઝેલેન્સ્કી સાથેની તેમની મુલાકાત વિશે માહિતી આપવા માટે ઉત્સુક છે. ડોભાલે રશિયન મીડિયા દ્વારા જાહેર કરાયેલા એક વીડિયોમાં પુતિનને કહ્યું. તેઓ (વડાપ્રધાન મોદી) ઈચ્છતા હતા કે હું અંગત રીતે આવીને તમને આ વાતચીત વિશે જાણ કરું. આ બેઠક સેન્ટ પીટર્સબર્ગમાં BRICS (બ્રાઝિલ-રશિયા-ભારત-ચીન-દક્ષિણ આફ્રિકા) દેશોના રાષ્ટ્રીય સુરક્ષા સલાહકારોની કોન્ફરન્સ દરમિયાન થઈ હતી.
બ્રિક્સ પરિષદ ક્યારે છે?
પુતિન-ડોવલની બેઠક મોદી યુક્રેનની રાજધાની કિવની મુલાકાતે ગયા અને રાષ્ટ્રપતિ વોલોદિમીર ઝેલેન્સ્કી સાથે વાતચીત કર્યાના લગભગ ત્રણ અઠવાડિયા પછી યોજાઇ રહી છે. બ્રિક્સ સમિટ રશિયાના કઝાન શહેરમાં 22-24 ઓક્ટોબરે યોજાશે. વડાપ્રધાન મોદી આ સમિટમાં ભાગ લઈ શકે છે.
આ પણ વાંચો----Russia Ukraine war : પુતિનને છૂટ્યો પરસેવો, યુક્રેનનો રશિયન જમીન પર કબજો
પીએમ મોદીએ જુલાઈમાં રશિયાની મુલાકાત લીધી હતી
રશિયન મીડિયાના અહેવાલ મુજબ પુતિને ડોભાલ સાથેની મુલાકાતમાં જણાવ્યું હતું કે અમે અમારા સારા મિત્ર મોદીની રાહ જોઈ રહ્યા છીએ અને તેમને શુભેચ્છા પાઠવીએ છીએ.
ઝેલેન્સકી સાથે મોદીની વાતચીતનો મુદ્દો પણ બંને NSA વચ્ચેની વાતચીતમાં સામેલ
NSAએ બુધવારે તેમના રશિયન સમકક્ષ સેરગેઈ શોઇગુ સાથે વ્યાપક વાટાઘાટો કરી અને 'પરસ્પર હિત'ના મહત્વપૂર્ણ મુદ્દાઓ પર ચર્ચા કરી. 23 ઓગસ્ટે કિવમાં યુક્રેનના રાષ્ટ્રપતિ વોલોડીમિર ઝેલેન્સકી સાથે મોદીની વાતચીતનો મુદ્દો પણ બંને NSA વચ્ચેની વાતચીતમાં સામે આવ્યો હતો. ડોભાલ અને શોઇગુ વચ્ચેની વાતચીત પર, રશિયામાં ભારતીય દૂતાવાસે કહ્યું, "બંને પક્ષોએ દ્વિપક્ષીય સહયોગમાં પ્રગતિની સમીક્ષા કરી અને પરસ્પર હિતના મહત્વપૂર્ણ મુદ્દાઓ પર ચર્ચા કરી."
ભારત આ ક્ષેત્રમાં શાંતિ પુનઃસ્થાપિત કરવા માટે 'સક્રિય ભૂમિકા' ભજવવા માટે તૈયાર
ઝેલેન્સ્કી સાથેની વાતચીતમાં મોદીએ કહ્યું હતું કે યુક્રેન અને રશિયા બંનેએ યુદ્ધનો અંત લાવવા માટે કોઈ સમય બગાડ્યા વિના સાથે બેસવુ જોઈએ અને ભારત આ ક્ષેત્રમાં શાંતિ પુનઃસ્થાપિત કરવા માટે 'સક્રિય ભૂમિકા' ભજવવા માટે તૈયાર છે.
આ પણ વાંચો----Russia-Ukraine war ને લઈને સૌથી મોટા સમાચાર, યુદ્ધમાં મધ્યસ્થીની ભૂમિકા નિભાવી શકે છે 'India'