Record : Asia Cup પહેલા આ ખેલાડીએ બનાવ્યો વર્લ્ડ રેકોર્ડ, ક્રિકેટના 146 વર્ષના ઈતિહાસમાં આવું ક્યારેય થયું નથી...

આજ સુધી ક્રિકેટના મેદાન પર ઘણા રેકોર્ડ બન્યા અને તૂટ્યા. કેટલાક એવા રેકોર્ડ છે, જેને તોડવું લગભગ અશક્ય છે. આવો જ એક વર્લ્ડ રેકોર્ડ બુધવારે બન્યો જ્યારે પાકિસ્તાનના એક ખેલાડીએ પોતાના બેટના જોરે 146 વર્ષનો ક્રિકેટ ઈતિહાસ બદલી નાખ્યો.

બીજી ટેસ્ટ મેચમાં પાકિસ્તાન મજબૂત

શ્રીલંકા અને પાકિસ્તાન વચ્ચે કોલંબોમાં શ્રેણીની બીજી ટેસ્ટ મેચ રમાઈ રહી છે. આ મેચમાં ત્રીજા દિવસે પાકિસ્તાની ખેલાડી સઈદ શકીલે પોતાના બેટના દમ પર ઈતિહાસ રચી દીધો હતો. આ મેચમાં તેણે 110 બોલમાં 6 ચોગ્ગાની મદદથી 57 રનની શાનદાર ઇનિંગ રમી હતી. પાકિસ્તાને ત્રીજા દિવસે સ્ટમ્પ સુધી 5 વિકેટે 563 રન બનાવી લીધા છે અને હવે તેની પાસે 397 રનની લીડ છે. ઓપનર અબ્દુલ્લા શફીકે બેવડી સદી ફટકારી હતી. તેણે 326 બોલમાં 19 ચોગ્ગા અને 4 છગ્ગા ફટકાર્યા હતા.

First batter in Test history to make a 5️⃣0️⃣+ score in each of his first 7️⃣ matches 🤩

Mr Consistent @saudshak 🫡#SLvPAK pic.twitter.com/BKDPYOMIO6

— Pakistan Cricket (@TheRealPCB) July 26, 2023

PAK ખેલાડીએ ઇતિહાસ રચ્યો

શ્રેણીની આ બીજી ટેસ્ટ મેચમાં સઈદ શકીલે અડધી સદી ફટકારી હતી. આ સાથે એક વર્લ્ડ રેકોર્ડ તેમના નામે થયો. તે હવે ટેસ્ટ ક્રિકેટના ઈતિહાસમાં પ્રથમ 7 ટેસ્ટ મેચમાં સતત અડધી સદી ફટકારનાર પ્રથમ ક્રિકેટર બની ગયો છે. તેની પહેલા કોઈ બેટ્સમેન આ કારનામું કરી શક્યો ન હતો. 27 વર્ષીય સઈદ શકીલે તેની ટેસ્ટ કારકિર્દીમાં તમામ સાત ટેસ્ટ મેચોમાં 50 કે તેથી વધુ રન બનાવ્યા છે.

સલમાને પણ સદી ફટકારી હતી

આ મેચમાં અબ્દુલ્લા શફીકની બેવડી સદી સિવાય આગા સલમાને પણ સદી ફટકારી હતી. તે ત્રીજા દિવસે 132 રન બનાવીને અણનમ પરત ફર્યો હતો. સલમાને અત્યાર સુધી 148 બોલમાં 15 ચોગ્ગા અને એક છગ્ગો ફટકાર્યો છે. પ્રથમ દાવમાં શ્રીલંકાની ટીમ માત્ર 166 રનમાં ઓલઆઉટ થઈ ગઈ હતી. વરસાદના કારણે બીજા દિવસે માત્ર 10 ઓવર જ રમાઈ શકી હતી.

આ પણ વાંચો : World Cup INDvsPAK : અમદાવાદમાં રમાનારી ભારત-પાકિસ્તાનની મેચની તારીખ બદલાઈ શકે છે, જાણો કારણ