Ram Katha: ઋષિ સુનકે કહ્યું, હું PM તરીકે નહીં પણ હિન્દુ તરીકે આવ્યો છું..!

મોરારી બાપુ (Mori Bapu) યુકે( UK)ની કેમ્બ્રિજ યુનિવર્સિટી (Cambridge University) ખાતે તેમના 921મા માનસ વિશ્વવિદ્યાલયનું આયોજન કરી રહ્યા છે. બ્રિટિશ વડાપ્રધાન ઋષિ સુનક (Rishi Sunak) પણ 15મી ઓગસ્ટે ત્યાં પહોંચ્યા હતા. આ દરમિયાન સુનકે કહ્યું કે તેમને બ્રિટિશ હોવાનો જેટલો ગર્વ છે તેટલો જ તેને હિંદુ હોવાનો પણ ગર્વ છે. કેમ્બ્રિજ યુનિવર્સિટીમાં યોજાયેલી મોરારીબાપુની રામ કથામાં બ્રિટનના વડાપ્રધાન ઋષિ સુનકે પણ હાજરી આપી હતી. ઋષિ સુનકે આ તબક્કે કહ્યું કે તેઓ હિન્દુ તરીકે રામકથામાં આવ્યા છે.

બ્રિટનના વડાપ્રધાન ઋષિ સુનકે મોરારી બાપુની કથામાં પહોંચીને વ્યાસપીઠ પર નમન કર્યા હતા. આ પછી સુનકે સ્ટેજ પર 'જય શ્રી રામ'ના નારા પણ લગાવ્યા. પોતાના વક્તવ્યની શરૂઆત કરતા સુનકે કહ્યું કે આ સન્માનની વાત છે. મોરારી બાપુની રામ કથામાં આજે અહીં આવીને આનંદ થયો.

ઋષિ સુનકે પોતાના સંબોધનમાં કહ્યું કે હું આજે અહીં વડાપ્રધાન તરીકે નહીં પરંતુ એક હિન્દુ તરીકે ઊભો છું. તે મારા માટે અંગત વિશ્વાસની વાત છે. આ વિશ્વાસ મને જીવનના દરેક પાસામાં માર્ગદર્શન આપે છે. તેમણે કહ્યું કે વડા પ્રધાન બનવું એ ખૂબ જ સન્માનની વાત છે, પરંતુ અહીં કોઈ કામ સરળ નથી. મારો વિશ્વાસ મને દરેક મુશ્કેલ નિર્ણયમાં હિંમત, શક્તિ આપે છે.

ઋષિ સુનકે કહ્યું કે દિવાળીના દિવસે દીવા પ્રગટાવવા એ મારા માટે ખૂબ જ ખાસ છે. સુનકે કહ્યું કે જેમ બાપુના સ્ટડી હોલની પાછળ હનુમાનજી છે, તેવી જ રીતે જ્યારે હું ચાન્સેલર હતો ત્યારે મારી પાસે પણ 11 ડાઉનિંગ સ્ટ્રીટમાં હનુમાનજી હતા. આજે 10 ડાઉનિંગ સ્ટ્રીટમાં મારા ટેબલ પર ગણેશજી સ્થાપિત છે. ભગવાન હનુમાનની તસવીર તરફ ઈશારો કરતા સુનકે કહ્યું કે તે હંમેશા મને યાદ અપાવે છે કે કોઈ પણ કામ કરતા પહેલા કેવી રીતે વિચારવું અને પછી તેના પર પ્રતિક્રિયા કેવી રીતે કરવી.

આ દરમિયાન સુનકે તેના બાળપણને યાદ કરતા કહ્યું કે, કેવી રીતે સાઉથમ્પટનમાં ઉછર્યા બાદ તે પડોશના મંદિરોમાં જતા હતા. ત્યાં તેઓ તેમના પરિવાર સાથે હવન, પૂજા, આરતી અને પ્રસાદ વિતરણમાં ભાગ લેતા હતા.

આ પણ વાંચો---CHANDRAYAAN-3 MISSION: ચંદ્ર પર સોફ્ટ લેન્ડિગ માટે હવે એક કદમ દૂર ચન્દ્રયાન-3