Kolkata Case મામલે રાષ્ટ્રપતિ Droupadi Murmu નું નિવેદન, કહ્યું- આવી વિકૃતિનો સામનો કરવો પડશે...

1. સમાજને પ્રમાણિક આત્મનિરીક્ષણની જરૂર છે - રાષ્ટ્રપતિ
2. નિર્ભયાની ઘટના પછી પણ કંઈ બદલાયું નથી - રાષ્ટ્રપતિ
3. આ વિકૃતિનો વ્યાપક રીતે સામનો કરવો પડશે : રાષ્ટ્રપતિ

કોલકાતા (Kolkata)માં મહિલા ડૉક્ટર પર બળાત્કાર અને હત્યાના મામલાને લઈને દેશવાસીઓમાં ગુસ્સો છે. સોશિયલ મીડિયા પર હજારો લોકો તેમની દીકરી માટે ન્યાયની માંગ કરી રહ્યા છે. પ્રદર્શનકારીઓ વિવિધ રાજ્યોમાં સતત 'માર્ચ' કરી રહ્યા છે. આ દરમિયાન આ મામલે પહેલીવાર રાષ્ટ્રપતિ દ્રૌપદી મુર્મૂ (Droupadi Murmu)નું નિવેદન આવ્યું છે. તેમણે કહ્યું કે, દીકરીઓ અને બહેનો પર જે અત્યાચાર થઈ રહ્યો છે તે ખૂબ વધી ગયો છે. આ સમગ્ર ઘટનાથી હું ખૂબ જ નિરાશ અને ડરી ગઈ છું.

સમાજને પ્રમાણિક આત્મનિરીક્ષણની જરૂર છે...

સમાચાર એજન્સી 'PTI' સાથે વાત કરતી વખતે રાષ્ટ્રપતિ મુર્મૂ (Droupadi Murmu)એ કહ્યું કે કોઈ પણ સંસ્કારી સમાજ દીકરીઓ અને બહેનો પર આવા અત્યાચારની મંજૂરી આપી શકે નહીં. તેમણે કહ્યું કે સમાજને 'પ્રામાણિક, પૂર્વગ્રહ રહિત આત્મનિરીક્ષણ'ની જરૂર છે. જો તેઓ દીકરીઓ અને બહેનોને ત્રાસ આપે છે, તો પહેલા તેઓએ પોતાને કેટલાક અઘરા પ્રશ્નો પૂછવા જોઈએ.

આ પણ વાંચો : કેન્દ્રીય કેબિનેટે 12 ઔદ્યોગિક Smart Cities બનાવવાની મંજૂરી આપી, સરકાર કરશે જંગી રોકાણ...

રાષ્ટ્રપતિએ કહ્યું- નિર્ભયાની ઘટના પછી પણ કંઈ બદલાયું નથી...

તેણીએ કહ્યું, ઘણી વખત 'વિકૃત માનસિકતા' મહિલાઓને ઓછા માનવી, ઓછા શક્તિશાળી, ઓછી સક્ષમ, ઓછી બુદ્ધિશાળી તરીકે જુએ છે. નિર્ભયા કેસ પછી છેલ્લા 12 વર્ષમાં સમાજ બળાત્કારની અસંખ્ય ઘટનાઓને ભૂલી ગયો છે. આ 'સામૂહિક સ્મૃતિ ભ્રંશ' સારી નથી. રાષ્ટ્રપતિ મુર્મૂ (Droupadi Murmu)એ કહ્યું - જે સમાજ ઇતિહાસનો સામનો કરવાથી ડરતા હોય છે તેઓ સામૂહિક સ્મૃતિ ભ્રંશનો આશરો લે છે. હવે ભારતે ઈતિહાસનો સામનો કરવાનો સમય આવી ગયો છે.

આ પણ વાંચો : ભગવાન શિવની સાક્ષીનો અનુભવ કરાવતા ઓમ પર્વત ઉપરથી 'ૐ'ની છબી અચાનક જ થઈ ગાયબ!

આપણે આ વિકૃતિનો વ્યાપક રીતે સામનો કરવો પડશે : રાષ્ટ્રપતિ

'PTI' સાથે વાત કરતા રાષ્ટ્રપતિ મુર્મૂ (Droupadi Murmu)એ કહ્યું કે ચાલો આપણે આ વિકૃતિને શરૂઆતમાં જ રોકવા માટે વ્યાપક રીતે તેનો સામનો કરીએ. આપણે બધાને હવે પ્રામાણિક અને નિષ્પક્ષ આત્મનિરીક્ષણની જરૂર છે. આ સમયે, રાષ્ટ્રપતિની આ ટિપ્પણી પશ્ચિમ બંગાળની મમતા સરકારના શાસન પર જોરદાર પ્રહાર છે.

આ પણ વાંચો : Bengal Bandh : કાર પર 7 રાઉન્ડ ફાયરિંગ, BJP નેતાએ શેર કર્યો આ ખતરનાક Video