PM મોદીએ અલ-હકીમ મસ્જિદની લીધી મુલાકાત, મેમોરિયલ ખાતે ભારતીય સૈનિકોને આપી શ્રધાંજલિ

અમેરિકા બાદ ઇજિપ્ત પહોંચેલા પીએમ મોદીનું શનિવારે ત્યાં ઉષ્માભર્યું સ્વાગત કરવામાં આવ્યું હતું. પોતાના ઈજિપ્ત પ્રવાસના બીજા દિવસે પીએમ મોદી આજે દાઉદી બોહરા સમુદાયની મસ્જિદ 'અલ હકીમ' પણ પહોંચ્યા અને મસ્જિદનું નિરીક્ષણ કર્યું. અહીં દાઉદી બોહરા સમુદાયના લોકોએ વડાપ્રધાનનું ઉષ્માભર્યું સ્વાગત કર્યું.

PM Modi visits Heliopolis War Cemetery in Egypt's Cairo

Read @ANI Story | https://t.co/W1gd1EiaRt#PMModi #PMModiEgyptVisit #Egypt #India #HeliopolisWarCemetery pic.twitter.com/aFbwyzKDQF

— ANI Digital (@ani_digital) June 25, 2023

શહીદોને શ્રદ્ધાંજલિ અર્પણ કરી હતી

આ પછી, વડા પ્રધાન મોદીએ હેલિયોપોલિસ કોમનવેલ્થ યુદ્ધ કબર ખાતેના યુદ્ધ સ્મારકની મુલાકાત લીધી અને પ્રથમ વિશ્વ યુદ્ધ દરમિયાન સર્વોચ્ચ બલિદાન આપનારા ભારતીય સૈનિકોને શ્રદ્ધાંજલિ આપી. ત્યારબાદ તેમણે વિઝિટર બુક પર સહી કરી. આ સ્મારક પ્રથમ વિશ્વ યુદ્ધમાં ઇજિપ્ત અને પેલેસ્ટાઇનમાં શહીદ થયેલા 4000 ભારતીય સૈનિકોના સ્મારક તરીકે ઓળખાય છે.

#PMModiEgyptVisit | PM Narendra Modi visits Heliopolis War Cemetery in Egypt's Cairo and pays tribute to Indian soldiers who made supreme sacrifices during the First World War.#Egypt #PMModi #PMModiEgyptVisit #India #Cairo #AlHakimMosque #PMModiInEgypt #gujaratfirst @PMOIndia… pic.twitter.com/3mwGZcunbB

— Gujarat First (@GujaratFirst) June 25, 2023

કબ્રસ્તાનના પ્રવેશદ્વાર પર હેલિયોપોલિસ પોર્ટ તૌફિક મેમોરિયલ છે જે બહાદુર ભારતીય સૈનિકોને શ્રદ્ધાંજલિ આપવાના ભાગ રૂપે બાંધવામાં આવ્યું છે. જો કે, 1970 ના દાયકામાં ઇઝરાયેલ-ઇજિપ્તીયન સંઘર્ષ દરમિયાન તૌફિક ખાતેનું મૂળ સ્મારક નાશ પામ્યું હતું.

મસ્જિદનો ભારત સાથે ખાસ સંબંધ છે

11મી સદીની ઐતિહાસિક અલ-હકીમ મસ્જિદનું પણ ભારત સાથે વિશેષ જોડાણ છે અને તેના પુનરુત્થાનમાં ભારતે મહત્વની ભૂમિકા ભજવી છે. યુનેસ્કો વર્લ્ડ હેરિટેજ સાઈટમાં સમાવિષ્ટ આ મસ્જિદનું જીર્ણોદ્ધાર બોહરા સમુદાય દ્વારા કરવામાં આવ્યું હતું અને દાઉદી બોહરા સમુદાયના 52મા ધાર્મિક નેતા સૈયદ મોહમ્મદ બુરહાનુદ્દીને તેની જવાબદારી લીધી હતી. બુરહાનુદ્દીન, જે ભારતના છે, ભારત સાથે જોડાણ ધરાવે છે અને તેમને મરણોત્તર પદ્મશ્રી એનાયત કરવામાં આવ્યા હતા.

#PMModiEgyptVisit | Prime Minister Narendra Modi visits the Historic Al-Hakim Mosque in Cairo, Egypt.#PMModi #PMModiEgyptVisit #India #Cairo #AlHakimMosque #PMModiInEgypt #gujaratfirst @narendramodi @PMOIndia @MEAIndia pic.twitter.com/UeJJc3grC8

— Gujarat First (@GujaratFirst) June 25, 2023

આજે પીએમનો આ કાર્યક્રમ છે

રાષ્ટ્રપતિ અબ્દેલ ફત્તાહ અલ-સીસીના આમંત્રણ પર પીએમ મોદીની ઇજિપ્તની બે દિવસીય રાજ્ય મુલાકાત એ 1997 પછી ભારતીય વડા પ્રધાનની પ્રથમ દ્વિપક્ષીય મુલાકાત છે. પોતાના ઈજીપ્તના અંતિમ દિવસે પીએમ મોદી આજે વિવિધ કાર્યક્રમોમાં ભાગ લેશે.

વડાપ્રધાન આજે ઇજિપ્તના રાષ્ટ્રપતિ અલ-સીસીને મળશે. આ દરમિયાન ઘણા કરારો પર પણ હસ્તાક્ષર કરવામાં આવશે. રાષ્ટ્રપતિ સાથે પીએમ મોદીનો લંચનો કાર્યક્રમ પણ છે, ત્યારબાદ સંયુક્ત પ્રેસ સ્ટેટમેન્ટ પણ જારી કરવામાં આવી શકે છે. આ પહેલા ગઈકાલે મોટી સંખ્યામાં ઈજિપ્તવાસીઓ પણ પીએમ મોદીના સ્વાગત માટે પહોંચ્યા હતા. આ પ્રસંગે ઇજિપ્તની એક યુવતીએ પીએમ મોદી માટે ફિલ્મ શોલેનું ગીત ગાયું હતું.

આ પણ વાંચો : ઓસ્ટ્રેલિયાની આ કંપનીએ તૈયાર કર્યું ‘Titanic II’ જહાજ, મુસાફરી કરવા લોકો કરોડો પણ ખર્ચવા તૈયાર, Photos