Chandrayaan-3 ના સફળ પ્રક્ષેપણ પર દુનિયા ભારત પર ઓળઘોળ..!

ભારત (India )નું ચંદ્રયાન-3 (Chandrayaan-3) શુક્રવારે શ્રીહરિકોટા (Sriharikota)ના સતીશ ધવન સ્પેસ સેન્ટરથી સફળતાપૂર્વક લોન્ચ કરવામાં આવ્યું હતું. લગભગ 42 દિવસની મુસાફરી પછી, ચંદ્રયાન-3 આગામી 23-24 ઓગસ્ટના રોજ ચંદ્રના દક્ષિણ ધ્રુવ પર ઉતરશે. ચંદ્રયાન-3ના સફળ પ્રક્ષેપણ પર ભારતને ઘણા દેશો તરફથી અભિનંદન સંદેશો મળી રહ્યા છે. આ સફળતા માટે જાપાન, બ્રિટનની સ્પેસ એજન્સીઓએ ભારતને અભિનંદન પાઠવ્યા છે. ચીનના સત્તાવાર અખબાર ગ્લોબલ ટાઈમ્સે પણ ભારત માટે અભિનંદન સંદેશ જારી કર્યો છે.

બ્રિટનની સ્પેસ એજન્સી UK સ્પેસ એજન્સીએ ભારતને અભિનંદન પાઠવ્યા અને ટ્વિટર પર લખ્યું, 'ફ્લોર- મૂન... ચંદ્રયાનના સફળ પ્રક્ષેપણ માટે ISROને અભિનંદન.'

ચીનના અખબાર ગ્લોબલ ટાઈમ્સ, જે હંમેશા ભારતની સફળતાઓની ટીકા કરે છે, તેણે તેના એક ટ્વિટમાં ચંદ્રયાન-3ના સફળ પ્રક્ષેપણ માટે ભારતને અભિનંદન પાઠવ્યા છે.

અખબારે લખ્યું, 'અભિનંદન! ભારતે શુક્રવારે તેનું ચંદ્ર મિશન ચંદ્રયાન-3 સફળતાપૂર્વક ભ્રમણકક્ષામાં લોન્ચ કર્યું છે. એવી અપેક્ષા છે કે અવકાશયાન ઓગસ્ટમાં ચંદ્ર પર સોફ્ટ લેન્ડિંગ કરશે. જો ભારત આ પ્રયાસમાં સફળ થાય છે, તો તે ચંદ્ર પર નિયંત્રિત ઉતરાણ કરનાર વિશ્વનો ચોથો દેશ બની જશે.

ચંદ્રયાન-3 LVM3-M4 રોકેટથી લોન્ચ કરવામાં આવ્યું હતું. આ રોકેટનો ઉપયોગ કરીને ભારતની સ્પેસ એજન્સી ઈસરોએ ચંદ્ર મિશન ચંદ્રયાન-2 પણ લોન્ચ કર્યું હતું. ઈસરોએ જાન્યુઆરી 2020માં જ જાહેરાત કરી હતી કે ચંદ્રયાન-3 વર્ષ 2021માં લોન્ચ કરવામાં આવશે. પરંતુ કોવિડને કારણે તેનું લોન્ચિંગ મોકૂફ રાખવામાં આવ્યું હતું.

ISRO એ વર્ષ 2008 માં તેના ચંદ્ર મિશન માટે પ્રથમ ચંદ્રયાન-1 લોન્ચ કર્યું હતું જેમાં માત્ર એક ઓર્બિટર હતું. ISRO એ વર્ષ 2019 માં ચંદ્રયાન-2 લોન્ચ કર્યું હતું જેમાં ઓર્બિટર તેમજ લેન્ડર અને રોવર હતું. બીજી તરફ જો આપણે ચંદ્રયાન-3 વિશે વાત કરીએ તો તેમાં માત્ર લેન્ડર અને રોવર છે, ઓર્બિટર નથી. ઈસરોએ લેન્ડરને 'વિક્રમ' અને રોવરને 'પ્રજ્ઞાન' નામ આપ્યું છે. રોવર એ છ પૈડાવાળો રોબોટ છે જે લેન્ડરની અંદર છે. તે ઉતરાણ પછી બહાર આવે છે.

આ પણ વાંચો---ACTUALLY SIR…અને પછી ISRO ના કન્ટ્રોલ રુમમાં ઠહાકા લાગ્યા..જુઓ VIDEO