Madhya Pradesh : આદિવાસી યુવકે આત્મહત્યા કરી, પોલીસે મૃતદેહને કચરાના વાહનમાં હોસ્પિટલમાં મોકલ્યો
આબેર ગામના રહેવાસી ગુડ્ડુ કોલે વીજળીના થાંભલા સાથે લટકીને આત્મહત્યા કરી
07:49 AM Mar 20, 2025 IST
|
SANJAY
Madhya Pradesh, Tribal youth, Police, Hospital, GarbageTruck @ GujaratFirst
- ગોલામઠ વિસ્તારમાં પોલીસ અમાનવીયતાનો એક ગંભીર કિસ્સો પ્રકાશમાં આવ્યો
- પોલીસે મૃતદેહને મ્યુનિસિપલ કચરાના વાહનમાં મૂકીને હોસ્પિટલમાં મોકલી આપ્યો
- સ્થાનિક લોકો ગુસ્સે ભરાયા અને પોલીસની બેદરકારી પર સવાલ ઉઠાવવા લાગ્યા
Madhya Pradesh : સતનાના મૈહર પોલીસ સ્ટેશન વિસ્તારના ગોલામઠ વિસ્તારમાં પોલીસ અમાનવીયતાનો એક ગંભીર કિસ્સો પ્રકાશમાં આવ્યો છે. આબેર ગામના રહેવાસી ગુડ્ડુ કોલ (40-45 વર્ષ) એ વીજળીના થાંભલા સાથે લટકીને આત્મહત્યા કરી હતી. પરંતુ આ દુ:ખદ ઘટના પછી પોલીસના અસંવેદનશીલ વલણથી લોકો ગુસ્સે ભરાયા છે.
પોલીસે મૃતદેહને મ્યુનિસિપલ કચરાના વાહનમાં મૂકીને હોસ્પિટલમાં મોકલી આપ્યો
ઉલ્લેખનીય છે કે મૃતદેહને હોસ્પિટલમાં લઈ જવા માટે કોઈ શબવાહિનીની વ્યવસ્થા કરવામાં આવી ન હતી. તેના બદલે, પોલીસે મૃતદેહને મ્યુનિસિપલ કચરાના વાહનમાં મૂકીને હોસ્પિટલમાં મોકલી આપ્યો હતો. આ જોઈને સ્થાનિક લોકો ગુસ્સે ભરાયા અને પોલીસની બેદરકારી પર સવાલ ઉઠાવવા લાગ્યા છે.
ગુડ્ડુ કોલ માનસિક રીતે બીમાર હતો
પરિવારના સભ્યોના જણાવ્યા પ્રમાણે, ગુડ્ડુ કોલ માનસિક રીતે અસ્વસ્થ હતો અને બુધવારે બપોરે અચાનક ઘરેથી ગુમ થઈ ગયો હતો. થોડા કલાકો પછી, તેમનો મૃતદેહ ગોલમઠ મંદિર પાસે વીજળીના થાંભલા પર લટકતો મળી આવ્યો હતો. માહિતી મળતા જ પોલીસ ઘટનાસ્થળે પહોંચી ગઈ અને મૃતદેહને કબજે લીધો હતો તથા આગળની કાર્યવાહી હાથધરી હતી.
પોલીસની બેદરકારીથી લોકોમાં રોષ ફેલાયો
લોકો કહે છે કે જો શબવાહિની ઉપલબ્ધ ન હોત તો પણ પોલીસે કોઈ બીજો વિકલ્પ શોધવો જોઈતો હતો. મૃતદેહને કચરાપેટીમાં ફેંકી દેવો એ અમાનવીયતાની પરાકાષ્ઠા છે. આ કેસમાં પોલીસ પ્રશાસન પર ગંભીર પ્રશ્નો ઉભા થઈ રહ્યા છે. પોલીસ ચોકીના ઇન્ચાર્જ મહેન્દ્ર ગૌતમે જણાવ્યું હતું કે મૃતક માનસિક રીતે બીમાર હતો અને તેણે આત્મહત્યા કરી હતી. મૃતદેહને હોસ્પિટલ લઈ જવા માટે બીજું કોઈ વાહન ઉપલબ્ધ ન હતું, તેથી મ્યુનિસિપલ વાહનનો ઉપયોગ કરવામાં આવ્યો હતો.
આ પણ વાંચો : 1 એપ્રિલથી આ મોબાઈલ નંબરો પર Google Pay, PhonePe, Paytm કામ નહીં કરે, જાણો શું કારણ છે?