Kutch: અદાણીની કંપનીમાં કર્મચારીઓ પર અત્યાચાર? જાણો કેમ કર્યો હોબાળો
કચ્છનાં અબડાસા વિસ્તારમાં આવેલ અદાણી સિમેન્ટ હસ્તકની સાંઘી ઈન્ડસ્ટ્રીઝ લિમિટેડનાં કર્મચારીઓ હડતાલ પર ઉતર્યા છે. કર્મચારીઓ દ્વારા અદાણી સિમેન્ટ સામે આક્ષેપો કરવામાં આવ્યા છે.
04:29 PM Apr 17, 2025 IST
|
Vishal Khamar
adani kutch gujarat first
- કચ્છમાં સાંઘી ઇન્ડસ્ટ્રીઝના કર્મચારીઓ હડતાળ પર
- કાયમી કર્મીઓને હંગામી તરીકે લેવાના નિર્ણયનો વિરોધ
- અદાણી સિમેન્ટ દ્વારા શોષણ કરાતું હોવાનો લગાવ્યો આરોપ
કચ્છનાં અબડાસામાં આવેલ અદાણી હસ્તક (Kutch Adani Cement) ની સાંઘી સિમેન્ટ લિમિટેડ (Sanghi Cement Limited) નાં કર્મચારીઓ હડતાળ પર ઉતર્યા છે. અબડાસામાં આવેલ અદાણી સંચાલિત (Sanghi Industries Limited) સાંઘી સિમેન્ટ એકમમાં કર્મચારીઓએ હડતાળ પર ઉતરી વિરોધ નોંધાવ્યો હતો. સાંધી ઈન્ડસ્ટ્રીઝ લિમિટેડ (Sanghi Industries Limited)નાં કાયમી કર્મચારીઓને હંગામી કર્મચારી તરીકે લેવા અંગેનાં નિર્ણયનો વિરોધ કરાયો હતો.
કર્મચારીઓને પરત કાયમી કર્મચારી તરીકે લેવા માંગ
તેમજ અદાણી સિમેન્ટ દ્વારા કર્મચારીઓનું શોષણ કરાતું હોવાનો આક્ષેપ પણ કર્યો હતો. તેમજ અબડાસા વિસ્તારમાં આવેલ સાંઘી સિમેન્ટ પ્લાન્ટ અદાણી હસ્તક થયા બાદ યોગ્ય સંચાલન ન થતું હોવાનો આક્ષેપ કરવામાં આવ્યો છે. કર્મચારીઓએ અદાણી સિમેન્ટ (Adani Cement) સામે નારાઓ સાથે રેલી યોજી વિરોધ નોંધાવ્યો હતો. અદાણી સિમેન્ટ (Adani Cement)એ કર્મચારીઓને ગેરકાયદેસર રીતે છૂટા અને બદલી કર્યાનો આક્ષેપ પણ કર્મચારીઓ દ્વારા કર્યો છે. કર્મચારીઓ દ્વારા માંગ કરવામાં આવી છે કે, કર્મચારીઓને પરત કાયમી કર્મચારી તરીકે લેવા.
આ બાબતે કર્મચારી ભગીરથ વૈષ્ણવે જણાવ્યું હતું કે, અમે બધા સાંઘીમાં કાયમી કર્મચારીઓ તરીકે કામ કરીએ છીએ. જ્યારથી અદાણી સિમેન્ટ દ્વારા સાંઘી સિમેન્ટ હસ્તકગત કરી છે. ત્યારથી અમારૂ શૌષણ કરવામાં આવી રહ્યું છે. તેમજ અદાણી સિમેન્ટ દ્વારા અમારા જે કાયમી કર્મચારીઓ છે. તેમજ કોન્ટ્રાક્ટ હેઠળ ટ્રાન્સફર કરવાનો પ્રયત્ન કર્યો છે. તેમજ અમને બધાને ધમકી આપવામાં આવી રહી છે. તેમજ અમને થર્ડ પાર્ટીમાં નાંખવાનો પ્રયત્ન કર્યો છે.
