Omar Abdullah ભાજપ સાથે સરકાર બનાવશે...? આ રહ્યા કારણો...

• જમ્મુ-કાશ્મીરમાં એનસી-કોંગ્રેસ ગઠબંધનને સ્પષ્ટ બહુમતી મળી
• જો કે સોશિયલ મીડિયામાં એવી અટકળો છે કે ઓમર અબ્દુલ્લા જમ્મુ અને કાશ્મીરમાં હજું પણ નવા જૂની કરી શકે
• ફારુક અબ્દુલ્લાએ જયશંકરની પ્રશંસા કરી હતી
• જો અબ્દુલ્લાની પાર્ટી જમ્મુ-કાશ્મીરમાં ભાજપની સાથે જશે તો તેમને ઘાટીમાં ઘણો ફાયદો થશે

Omar Abdullah : જમ્મુ-કાશ્મીર વિધાનસભા ચૂંટણીના પરિણામો પરથી ચિત્ર લગભગ સ્પષ્ટ થઈ ગયું છે. ઘાટીમાં નેશનલ કોન્ફરન્સ (NC) અને કોંગ્રેસની ગઠબંધન સરકાર બનવા જઈ રહી છે. રાજ્યમાં એનસી-કોંગ્રેસ ગઠબંધનને સ્પષ્ટ બહુમતી મળી છે. આ સાથે જ ભારતીય જનતા પાર્ટી વિધાનસભા ચૂંટણીમાં બીજા નંબરની સૌથી મોટી પાર્ટી તરીકે ઉભરી આવી છે. નોંધનીય છે કે રાજ્યમાં 10 વર્ષ પહેલા કલમ 370 નાબૂદ થયા બાદ પહેલીવાર વિધાનસભાની ચૂંટણીઓ યોજાઈ હતી. જો કે સોશિયલ મીડિયામાં એવી અટકળો છે કે ઓમર અબ્દુલ્લા (Omar Abdullah) જમ્મુ અને કાશ્મીરમાં હજું પણ નવા જૂની કરી શકે

જમ્મુ-કાશ્મીરમાં લાંબા સમયથી ગઠબંધનની સરકારો

જમ્મુ-કાશ્મીરમાં લાંબા સમયથી ગઠબંધનની સરકારો છે. ફારુક અબ્દુલ્લાએ પણ કોંગ્રેસના સમર્થનથી ઘાટીમાં સરકાર બનાવી હતી. પરંતુ, બાદમાં તેમણે પક્ષ બદલી નાખ્યો. 1999માં જ્યારે કેન્દ્રમાં અટલ બિહારી વાજપેયીની સરકાર બની ત્યારે નેશનલ કોન્ફરન્સ ભાજપ સાથે આવી ગઇ હતી. નેશનલ કોન્ફરન્સના પ્રમુખ અને પૂર્વ સીએમ ફારૂક અબ્દુલ્લાના પુત્ર ઓમર અબ્દુલ્લાને પણ વાજપેયીના નેતૃત્વવાળી એનડીએ સરકારમાં મંત્રી બનાવવામાં આવ્યા હતા. જોકે, બાદમાં તેમના સંબંધોમાં ખટાશ આવી ગઈ હતી.

આ પણ વાંચો---Farooq Abdullah ની મોટી જાહેરાત, આ હશે જમ્મુ કાશ્મીરના નવા CM

ફારુક અબ્દુલ્લાએ જયશંકરની પ્રશંસા કરી હતી

આવી સ્થિતિમાં એમ કહી શકાય કે અબ્દુલ્લા પરિવાર અને ભારતીય જનતા પાર્ટી વચ્ચેના સંબંધો ક્યારેય અછૂત રહ્યા નથી. ફારુક અબ્દુલ્લાની નેશનલ કોન્ફરન્સ એવી પાર્ટી છે જે કોંગ્રેસ અને ભાજપ બંને સાથે સંબંધ ધરાવે છે. થોડા દિવસો પહેલા તેમણે મોદી સરકારના વખાણ પણ કર્યા હતા. તાજેતરમાં, જ્યારે વિદેશ પ્રધાન એસ જયશંકરે SCO સમિટ માટે પાડોશી દેશ પાકિસ્તાનની મુલાકાત લેવાનું નક્કી કર્યું, ત્યારે NC વડા ફારુક અબ્દુલ્લાએ તેની ખૂબ પ્રશંસા કરી હતી.

શું ઓમર અબ્દુલ્લા રાજ્યમાં નવા જૂની કરવા જઈ રહ્યા છે?

તે જ સમયે, સોશિયલ મીડિયા પર એવી અટકળો ચાલી રહી છે કે તે જમ્મુ અને કાશ્મીરમાં હજું પણ નવા જૂની કરી શકે છે. તેની પાછળનું કારણ એ છે કે જો અબ્દુલ્લાની પાર્ટી જમ્મુ-કાશ્મીરમાં ભાજપની સાથે જશે તો તેમને ઘાટીમાં ઘણો ફાયદો થશે. જો જમ્મુ અને કાશ્મીરમાં એનસી ગઠબંધન સરકાર રચાય છે, તો રાજ્ય સરકારની ઘણી મુખ્ય સત્તાઓ લેફ્ટનન્ટ ગવર્નર હેઠળ રહેશે. જેમાં પોલીસ અને સિવિલ સર્વિસના અધિકારીઓની નિમણૂકથી લઈને બદલી સુધીના નિર્ણયો એલજીના હાથમાં રહેશે.

ભાજપ સાથે ગઠબંધન કરી શકે છે!

આ સાથે મંત્રીઓના કાર્યક્રમો અને બેઠકોનો એજન્ડા લેફ્ટનન્ટ ગવર્નરની ઓફિસમાં અગાઉથી જમા કરાવવાનો રહેશે. એટલે કે, તે સ્પષ્ટ છે કે સરકાર ગમે તે બનાવે, સત્તા ફક્ત LG પાસે જ રહેશે. દરેક વસ્તુ માટે તેણે લેફ્ટનન્ટ ગવર્નર પાસે જવું પડશે. જેના કારણે કેન્દ્ર અને રાજ્ય સરકારો વચ્ચે સંઘર્ષની સ્થિતિ સર્જાઈ શકે છે. તેથી જો તેઓ કેન્દ્ર સરકાર સાથે રહેશે તો તેમને ઘણા નિર્ણયો લેવામાં સગવડ મળશે.

નેશનલ કોન્ફરન્સને પણ કેન્દ્રમાં લાભ મળી શકે છે

આ ઉપરાંત નેશનલ કોન્ફરન્સને પણ કેન્દ્રમાં લાભ મળી શકે છે. એનસી ચીફ અને ભૂતપૂર્વ સીએમ ફારૂક અબ્દુલ્લા ઘણીવાર જમ્મુ અને કાશ્મીરના વિકાસની હિમાયત કરે છે. આવી સ્થિતિમાં મોદી સરકાર રાજ્ય માટે વર્તમાન બજેટ આપી શકે છે.

આ પણ વાંચો---Haryana :"નામ...જલેબી બાઇ " કામ થઇ ગયું BJPનું..જાણો માતુરામની જલેબીનો ભાવ