Israel-Hamas યુદ્ધ બન્યું વધુ આક્રમક, ગાઝાની હોસ્પિટલ પર થયો હવાઈ હુમલો, 500 લોકોના મોતનો દાવો
ઈઝરાયેલ અને પેલેસ્ટાઈન આતંકવાદી સંગઠન હમાસ વચ્ચે ચાલી રહેલું યુદ્ધ હવે વધુ આક્રમક બનતું જઇ રહ્યું છે. કહેવાય છે કે, યુદ્ધની શરૂઆત હમાસ દ્વારા કરવામાં આવી હતી અને હવે ઈઝરાયેલ વળતો પ્રહાર કરતું જોવા મળી રહ્યું છે. હમાસ સાથેની અથડામણો વચ્ચે ઇઝરાયેલે દક્ષિણ ગાઝામાં ખાન યુનિસ અને રફાહમાં ભારે બોમ્બમારો કર્યો છે. દરમિયાન, ગાઝાના આરોગ્ય મંત્રાલયે દાવો કર્યો હતો કે, ઈઝરાયેલે એક હોસ્પિટલ પર હુમલો કર્યો હતો, જેમાં અંદાજે 500 લોકો માર્યા ગયા છે.
હવાઈ હુમલામાં ઓછામાં ઓછા 500 લોકોના મોત
ઈઝરાયેલ અને હમાસ યુદ્ધમાં બંને તરફથી સતત રોકેટ છોડવામાં આવી રહ્યા છે. બંને તરફથી થયેલા હુમલામાં અત્યાર સુધીમાં 4000 થી વધુ લોકોએ જીવ ગુમાવ્યા છે. આ બધાની વચ્ચે હમાસે દાવો કર્યો છે કે ગાઝા સિટીની એક હોસ્પિટલ પર ઈઝરાયેલી સેના દ્વારા કરવામાં આવેલા હવાઈ હુમલામાં ઓછામાં ઓછા 500 લોકોના મોત થયા છે. જોકે, ઈઝરાયલે આ આરોપને નકારી કાઢ્યો અને કહ્યું કે આ દુર્ઘટના હમાસ દ્વારા છોડવામાં આવેલી મિસાઇલને કારણે થઈ છે. આ હુમલો મધ્ય ગાઝામાં અલ અહલી હોસ્પિટલ પર થયો હોવાનું સામે આવ્યું છે. ઈઝરાયેલી સૈન્યએ જણાવ્યું હતું કે, પેલેસ્ટિનિયન ઇસ્લામિક જેહાદ આતંકવાદી જૂથ દ્વારા નિષ્ફળ રોકેટ પ્રક્ષેપણ દ્વારા હોસ્પિટલ પર હુમલો કરવામાં આવ્યો હતો. IDF ની આમાં કોઈ સંડોવણી નથી. જોકે આખી દુનિયા હોસ્પિટલ પરના હુમલાની નિંદા કરી રહી છે. અમેરિકી રાષ્ટ્રપતિ જો બાઈડેનથી લઈને સંયુક્ત રાષ્ટ્ર અને વિશ્વ સ્વાસ્થ્ય સંગઠને તેની નિંદા કરી છે. બાઈડેને કહ્યું છે કે, તેણે ઈઝરાયેલના વડાપ્રધાન બેન્જામિન નેતન્યાહુ સાથે વાત કરી છે.
Israel Prime Minister Benjamin Netanyahu tweets, "...Intelligence from multiple sources indicates that Islamic Jihad is responsible for the failed rocket launch which hit the Al Ahli hospital in Gaza." pic.twitter.com/6SHTBPnVb6
— ANI (@ANI) October 17, 2023
હુમલા બાદ હોસ્પિટલની ઘણી તસવીરો સોશિયલ મીડિયા પર વાયરલ
હમાસ દ્વારા સંચાલિત ગાઝા આરોગ્ય મંત્રાલયે કહ્યું કે, જ્યારે હુમલો થયો ત્યારે સેંકડો લોકો હોસ્પિટલમાં આશ્રય લઈ રહ્યા હતા. આ હુમલો સેન્ટ્રલ ગાઝાની અલ અહલી હોસ્પિટલ પર થયો હતો. હુમલા બાદ હોસ્પિટલની ઘણી તસવીરો સોશિયલ મીડિયા પર વાયરલ થઈ રહી છે, જેમાં ઈમારતને આગ લાગતી જોઈ શકાય છે. આ ઉપરાંત તૂટેલા કાચ પણ અહીં-તહીં વિખરાયેલા જોવા મળે છે. વર્લ્ડ હેલ્થ ઓર્ગેનાઈઝેશન (WHO) એ મંગળવારે ગાઝા પટ્ટીમાં એક હોસ્પિટલ પરના જીવલેણ હુમલાની નિંદા કરી અને પેલેસ્ટિનિયન પ્રદેશમાં નાગરિકો માટે તાત્કાલિક સુરક્ષા અને આરોગ્ય સંભાળની હાકલ કરી. યુએન હેલ્થ એજન્સીના ડાયરેક્ટર-જનરલ ટેડ્રોસ અધાનમ ઘેબ્રેયસસે સોશિયલ મીડિયા પ્લેટફોર્મ X પર કહ્યું, 'WHO અલ અહલી અરબ હોસ્પિટલ પરના હુમલાની સખત નિંદા કરે છે.'
We just eliminated Ayman Nofal, a senior Hamas operative.
Nofal was the Commander of Hamas’ Central Brigade in Gaza and the former Head of Military Intelligence.
Nofal directed many attacks against Israeli civilians and besides being one of the most dominant figures in the… pic.twitter.com/t686L6gSuN
— Israel Defense Forces (@IDF) October 17, 2023
'હમાસ' મિસફાયરનું પરિણામ'
બીજી તરફ ઈઝરાયેલે કહ્યું છે કે, આ હમાસ દ્વારા કરવામાં આવેલી મિસફાયરનું પરિણામ છે. ઈઝરાયેલના વોર રૂમે ટ્વિટ કર્યું, 'અહેવાલમાં જાણવા મળ્યું છે કે ગાઝાની હોસ્પિટલમાં સામૂહિક મૃત્યુ અને ઈજાની ઘટના હમાસ દ્વારા ભૂલથી કરવામાં આવેલા રોકેટના પ્રક્ષેપણનું પરિણામ હતું. તે વધુમાં જણાવે છે કે તે સમયે IDF (ઈઝરાયેલ ડિફેન્સ ફોર્સીસ) ની કોઈ હવાઈ પ્રવૃત્તિની જાણ કરવામાં આવી ન હતી, ન તો સમય ઈઝરાયેલમાં છોડવામાં આવેલા રોકેટના બોમ્બમારા સાથે સુસંગત હતો. ઈઝરાયેલના વોર રૂમે કહ્યું છે કે ધ્યાનમાં રાખો, હમાસના 30 થી 40 % રોકેટ મિસ ફાયર થયા અને ગાઝા પટ્ટીમાં જ પડ્યા છે.
આ પણ વાંચો - Israel ની યુવતીને બંધક બનાવી હમાસે જાહેર કર્યો Video
આ પણ વાંચો - Israel Hamas War : જમીન, આકાશ, સમુદ્ર… દરેક જગ્યાએ ઇઝરાયલનું નિયંત્રણ છે, છતાં ગાઝા શા માટે પહોંચની બહાર…
ગુજરાત ફર્સ્ટ તમને સમાચારોથી હંમેશા અવગત રાખશે