Israel ના PM ની મુશ્કેલીમાં વધારો, ઇન્ટરનેશનલ ક્રિમિનલ કોર્ટે આપ્યો મોટો ઝટકો?

1. Israel ના PM બેન્જામિન નેતન્યાહુની મુશ્કેલીઓ વધી
2. બેન્જામિન નેતન્યાહુ વિરુદ્ધ ધરપકડ વોરંટ જારી
3. ઇન્ટરનેશનલ ક્રિમિનલ કોર્ટ દ્વારા વોરંટ જારી કરાયું

ઈઝરાયેલ (Israel)ના PM બેન્જામિન નેતન્યાહુની મુશ્કેલીઓ વધી ગઈ છે. તેની સામે ધરપકડ વોરંટ જારી કરવામાં આવ્યું છે. ઇન્ટરનેશનલ ક્રિમિનલ કોર્ટ (ICC) એ ગુરુવારે નેતન્યાહુની ધરપકડ માટે વોરંટ જારી કર્યું હતું. આ આદેશ યુદ્ધ અને માનવતા વિરુદ્ધ અપરાધોના આરોપોને લઈને જારી કરવામાં આવ્યો છે. નેતન્યાહુ ઉપરાંત પૂર્વ રક્ષા મંત્રી યોવ ગાલાંટ અને હમાસ નેતા મોહમ્મદ દેઈફ સામે પણ ધરપકડ વોરંટ જારી કરવામાં આવ્યું છે. જો કે અહેવાલો અનુસાર ઈઝરાયેલે મોહમ્મદ દેઈફની હત્યા કરી છે.

જો તમે વિદેશ પ્રવાસ કરો તો તમારી ધરપકડ થઈ શકે...

વોરંટ અનુસાર, નેતન્યાહુ અને ગેલન્ટ જો વિદેશ પ્રવાસ કરે તો તેમની ધરપકડ થઈ શકે છે. તમને જણાવી દઈએ કે, કોર્ટના મુખ્ય વકીલ કરીમ ખાને મે મહિનામાં ધરપકડ વોરંટની માંગણી કરી હતી. તેમણે કહ્યું કે, ગાઝામાં સામૂહિક ભૂખમરો કરવા માટે નેતન્યાહુ અને ગેલન્ટ દોષિત હતા તે માનવા માટે વાજબી કારણો છે. આ યુદ્ધ અપરાધ અને માનવતા વિરુદ્ધ છે.

આ પણ વાંચો : Pakistan : ખૈબર પખ્તુનખ્વામાં ફરી આતંકી હુમલો, 30 થી વધુ લોકોના મોત

માનવતાવાદી સહાય અટકાવવા દોષિત જાહેર...

ગુરુવારે કોર્ટે એમ પણ કહ્યું હતું કે, આ બાબત આંતરરાષ્ટ્રીય સમુદાયમાં ઘણી ચર્ચાનો વિષય બની રહી છે. ઉપરાંત, ઈઝરાયેલી સેનાએ દાવો કર્યો હતો કે જુલાઈમાં ગાઝા પર કરવામાં આવેલા હવાઈ હુમલામાં મોહમ્મદ દેઈફ માર્યો ગયો હતો. રિપોર્ટ અનુસાર, ICC એ PM નેતન્યાહુ અને ઈઝરાયેલ (Israel)ના સંરક્ષણ મંત્રીને ઈરાદાપૂર્વક પેલેસ્ટિનિયન નાગરિકોને મારવા અને આંતરરાષ્ટ્રીય માનવતાવાદી સહાયને ગાઝા સુધી પહોંચતા અટકાવવા માટે દોષિત ઠેરવ્યા હતા, જેના કારણે ત્યાં ભૂખમરો સર્જાયો હતો.

આ પણ વાંચો : US Parliamentમાં ટ્રાન્સજેન્ડર વુમન એમપી મુદ્દે સર્જાયો ચોંકાવનારો વિવાદ

ન્યાયાધીશોએ શું કહ્યું?

ઇન્ટરનેશનલ ક્રિમિનલ કોર્ટના ત્રણ ન્યાયાધીશોની પેનલે નેતન્યાહુ અને ગેલન્ટ માટે વોરંટ જારી કર્યું હતું. તેણે પોતાના નિર્ણયમાં લખ્યું – “એ માનવા માટે પૂરતા આધાર છે કે બંનેએ ગાઝાની નાગરિક વસ્તીને તેમના અસ્તિત્વ માટે જરૂરી સામાનથી જાણીજોઈને વંચિત રાખ્યું છે. "જેમાં ખોરાક, પાણી અને દવા તેમજ તબીબી પુરવઠો, બળતણ અને વીજળીનો સમાવેશ થાય છે."

આ પણ વાંચો : Big Breaking : ગૌતમ અદાણી ન્યૂયોર્કમાં લાંચ આપવા બદલ દોષિત