Ajit Doval એ નાઈજીરિયાના NSA સાથે મુલાકાત કરી, આતંકવાદના મુદ્દાઓ પર કરી ચર્ચા
- આંતરરાષ્ટ્રીય ક્ષેત્રે સહયોગને મજબૂત કરવા સંમત થયા
- છેલ્લા 60 વર્ષોમાં રાજકીય સંપર્કો ઉચ્ચ સ્તરે જાળવાયા
- G20 સમિટ દરમિયાન વડાપ્રધાન નરેન્દ્ર મોદી ટીનુબુને મળ્યા
India-Nigeria Terrorism : રાષ્ટ્રીય સુરક્ષા સલાહકાર Ajit Doval એ તેમના Nigeria ના સમકક્ષ Nuhu Ribadu સાથે મુલાકાત કરી છે. Nuhu Ribadu 4-5 નવેમ્બર 2024 દરમિયાન India અને Nigeria વચ્ચે 2જી વ્યૂહાત્મક અને આતંકવાદ વિરોધી સંવાદ માટે નવી દિલ્હીમાં છે. વિદેશ મંત્રાલય (MEA) ના એક નિવેદન અનુસાર, બંને NSA એ વ્યૂહાત્મક India-Nigeria ભાગીદારીના માળખામાં આતંકવાદ, ઉગ્રવાદ, કટ્ટરવાદ, જેમ કે આંતરરાષ્ટ્રીય ગુના, શસ્ત્રો અને ડ્રગ્સ જેવા જોખમો પર ઊંડાણપૂર્વક ચર્ચા કરી હતી.
આંતરરાષ્ટ્રીય ક્ષેત્રે સહયોગને મજબૂત કરવા સંમત થયા
MEA એ નિવેદનમાં જણાવ્યું હતું કે બંને પક્ષોએ તમામ સ્વરૂપોમાં આતંકવાદ સામેની તેમની લડાઈને વધારવા માટે સહયોગના ચોક્કસ ક્ષેત્રોની ઓળખ કરી છે. તેમના દૃઢ વિશ્વાસને પુનરોચ્ચાર કર્યો કે કોઈપણ સ્વરૂપ અથવા અભિવ્યક્તિમાં આતંકવાદ માટે કોઈ વાજબી હોઈ શકે નહીં. તેઓ દ્વિપક્ષીય ક્ષમતા નિર્માણમાં સહયોગ વધારવા અને આંતરરાષ્ટ્રીય ક્ષેત્રે સહયોગને મજબૂત કરવા સંમત થયા હતા. તેમની મુલાકાત દરમિયાન નાઈજિરિયન NSA એ માનેસરમાં નેશનલ સિક્યુરિટી ગાર્ડ સંકુલની પણ મુલાકાત લીધી હતી.
આ પણ વાંચો: જો ટ્રમ્પ અને હેરિસને સરખા મત મળે તો વિજેતા આ રીતે નક્કી થશે?
છેલ્લા 60 વર્ષોમાં રાજકીય સંપર્કો ઉચ્ચ સ્તરે જાળવાયા
આફ્રિકન દેશ આઝાદ થયો તેના બે વર્ષ પહેલા નવેમ્બર 1958 માં India એ Nigeria ની રાજધાની લાગોસમાં તેની રાજદ્વારી હાજરીની સ્થાપના કરી હતી. વિદેશ મંત્રાલયે કહ્યું કે છેલ્લા 60 વર્ષો દરમિયાન રાજકીય સંપર્કો સર્વોચ્ચ સ્તરે જાળવવામાં આવ્યા છે. મંત્રાલયના જણાવ્યા અનુસાર, Nigeria માં 50,000 ભારતીયો રહે છે, જે બંને દેશ વચ્ચે લાંબા સમયથી ચાલતા સંબંધોનું મહત્વ વધારે છે.
G20 સમિટ દરમિયાન વડાપ્રધાન નરેન્દ્ર મોદી ટીનુબુને મળ્યા
ગત વર્ષે નાઇજિરીયાના રાષ્ટ્રપતિ બોલા અહેમદ ટીનુબુ જી20 લીડર્સ સમિટ 2023 માં ભાગ લેવા માટે નવી દિલ્હીની મુલાકાતે આવ્યા હતા. નવી દિલ્હીમાં G20 સમિટ દરમિયાન વડાપ્રધાન નરેન્દ્ર મોદી ટીનુબુને મળ્યા હતા. અધિકારીઓએ જણાવ્યું હતું કે, India અને Nigeria ના યુવાનોનું એક જૂથ સાંસ્કૃતિક વિનિમય, ઉદ્યોગસાહસિકતા, મહિલા સશક્તિકરણ અને બંને દેશો વચ્ચેના ઐતિહાસિક બંધનને મજબૂત કરવા અંગે ચર્ચા કરવા માટે 5 ઓક્ટોબરે મળ્યા હતા.