Lebanon ની આજીજી...પ્લીઝ..ભારત..હેલ્પ કરે....

• ઇઝરાયેલના લેબનોન પર સતત હુમલાઓ
• મૃત્યુઆંક 2 હજારને વટાવી ગયો
• લેબનાસના રાજદૂતે ઈઝરાયેલના હુમલા અંગે ગંભીર ચિંતા વ્યક્ત કરી
• લેબનાસના રાજદૂત રેબી નરશેએ ભારતની મદદ માગી

Israel-Lebanon War : ઇઝરાયેલ લેબનોન પર સતત હુમલાઓ (Israel-Lebanon War)કરી રહ્યું છે. જેથી મૃત્યુઆંક 2 હજારને વટાવી ગયો છે અને ઘાયલોની સંખ્યા 11 હજાર પર પહોંચી ગઈ છે. આવી સ્થિતિમાં લેબનોને ભારતની મદદ માગી છે.

લેબનાસના રાજદૂતે ઈઝરાયેલના હુમલા અંગે ગંભીર ચિંતા વ્યક્ત કરી

લેબનાસના રાજદૂત રેબી નરશે ગાઝા અને લેબનોન પર ઈઝરાયેલના હુમલા અંગે ગંભીર ચિંતા વ્યક્ત કરી છે અને તેને વિનાશક ગણાવ્યા છે. તેમણે કહ્યું કે ઈઝરાયેલના હુમલાના પરિણામે હજારો લોકો માર્યા ગયા છે અને લાખો લોકો વિસ્થાપિત થયા છે. આ સંઘર્ષ સમગ્ર પ્રદેશમાં અસ્થિરતા પેદા કરી રહ્યો છે. નરશે આશા વ્યક્ત કરી કે ભારત શાંતિ પ્રક્રિયામાં મહત્વની ભૂમિકા ભજવશે, કારણ કે ભારતના ઇઝરાયેલ અને લેબનોન બંને સાથે સારા સંબંધો છે અને વૈશ્વિક સ્તરે મજબૂત હાજરી ધરાવે છે.

આ પણ વાંચો---Israel Lebanon War : હિઝબુલ્લાએ કર્યું એવું કે ઈઝરાયેલ હચમચી ગયું... Video

નરશે એ ભારતને અપીલ કરી

લેબનીઝ રાજદૂત રેબી નરશે ભારતને અપીલ કરી હતી કે તેઓ ઇઝરાયેલના વડા પ્રધાન નેતન્યાહૂ પર તેમની આક્રમક નીતિઓ પર પુનર્વિચાર કરવા દબાણ કરે જેથી સંઘર્ષનો શાંતિપૂર્ણ ઉકેલ શોધી શકાય. નરશે પણ હિઝબોલ્લાહ સામે ઇઝરાયેલના આરોપોને નકારી કાઢ્યા અને તેને લેબનીઝ સરકાર અને સંસદમાં પ્રતિનિધિત્વ ધરાવતા કાયદેસર લેબનીઝ રાજકીય પક્ષ તરીકે વર્ણવ્યું. તેમણે કહ્યું કે "રાજ્ય આતંકવાદ" માં ઇઝરાયેલની સંડોવણી તેને કોઈપણ સંગઠનને આતંકવાદી તરીકે લેબલ કરવાનો નૈતિક અથવા કાનૂની અધિકાર આપતી નથી.

આરબ જમીન પર ઇઝરાયેલના કબજાની વાત

રાજદૂત રબી નરશે પેલેસ્ટાઈન અને આરબ ભૂમિ પર ઈઝરાયેલના કબજાને પશ્ચિમ એશિયામાં અસ્થિરતા અને હિંસાનું મૂળ કારણ ગણાવ્યું હતું. તેમણે કહ્યું કે આ સંઘર્ષ તાજેતરની ઘટનાઓ સાથે સંબંધિત નથી પરંતુ 75 વર્ષ પહેલા શરૂ થયેલા ઈઝરાયેલના કબજા સાથે જોડાયેલો છે, જે આજે પણ સંઘર્ષનું કારણ છે.

લેબનોનમાં જાનહાનિના આંકડા

ઇઝરાયેલે થોડા દિવસો પહેલા લેબનોનની અંદર ગ્રાઉન્ડ ઓપરેશન શરૂ કર્યું છે. જેના કારણે ત્યાં સ્થિતિ વણસી રહી છે. હિઝબુલ્લાના વડાની હત્યા કર્યા બાદ તેઓએ આ હુમલો તેજ કર્યો છે. આ સમયગાળા દરમિયાન, હુમલામાં અત્યાર સુધીમાં 2100 લોકોના મોત થયા છે અને 11 હજારથી વધુ લોકો ઘાયલ થયા છે.

આ પણ વાંચો---ઇઝરાયલે 60 મિનિટમાં હિઝબુલ્લાના 120 ઠેકાણા કર્યા નષ્ટ