Cyclone Dana : કેટલું ખતરનાક છે ચક્રવાત વાવાઝોડું 'દાના', હાઈ એલર્ટ પર આ રાજ્યો
- 24 ઓક્ટોબરે દરિયાકિનારે પહોંચશે Cyclone Dana
- પશ્ચિમ બંગાળમાં 14 અને ઓડિશામાં 11 ટીમો બચાવ માટે તૈનાત
- માછીમારોને 22 થી 25 ઓક્ટોબરે દરિયાકિનારે ન જવાની અપીલ
દેશમાં એક તરફ ઠંડી ધીમે ધીમે વધી રહી છે તો બીજી તરફ ચક્રવાતી તોફાન પણ દસ્તક આપવા જઈ રહ્યું છે. આંદામાન સમુદ્રમાંથી ઉદ્દભવતું ચક્રવાતી તોફાન ઓડિશા અને પશ્ચિમ બંગાળના દરિયાકાંઠે અથડાશે, જેના કારણે ઘણા રાજ્યોમાં ભારે વરસાદ થશે. હવામાન વિભાગે આ અંગે એલર્ટ જાહેર કર્યું છે. તમને જણાવી દઈએ કે, ચક્રવાત 'દાના' (Cyclone Dana) ક્યારે ત્રાટકશે અને કયા રાજ્યોમાં જોવા મળશે?
ભારતીય હવામાન વિભાગ (IMD) એ જણાવ્યું હતું કે પૂર્વીય મધ્ય બંગાળની ખાડી અને નજીકના ઉત્તર આંદામાન સમુદ્ર પર નીચા દબાણનો વિસ્તાર રચાયો છે. તે પશ્ચિમ-ઉત્તરપશ્ચિમ તરફ આગળ વધશે. 22 ઓક્ટોબરે દબાણયુક્ત વિસ્તારમાં અને 23 ઓક્ટોબરે બંગાળની ખાડીમાં ચક્રવાતી તોફાન બનવાની શક્યતા છે. આ ચક્રવાતી તોફાનની સૌથી વધુ અસર ઓડિશા અને પશ્ચિમ બંગાળમાં જોવા મળશે, જ્યાં 24-25 ઓક્ટોબરે ભારે વરસાદની શક્યતા છે. આ ચક્રવાતનું નામ 'દાના' (Cyclone Dana) છે.
Pre Cyclone Watch: A Depression lay over Eastcentral Bay of Bengal. It is very likely to move westnorthwestwards and intensify into a Cyclonic Storm by 23rd over same region.
It is very likely to intensify into a Severe Cyclonic Storm over northwest Bay of Bengal by morning of… pic.twitter.com/GO2Er6BJ6F
— India Meteorological Department (@Indiametdept) October 22, 2024
આ પણ વાંચો : Bihar માં મોટા ફેરફાર, સાત વરિષ્ઠ IAS અધિકારીઓની બદલી કરાઈ...
માછીમારો માટે પણ ચેતવણી જારી...
પૂર્વ મધ્ય બંગાળની ખાડી અને નજીકના ઉત્તર આંદામાન સમુદ્ર પર પણ લો પ્રેશરનું ક્ષેત્ર બન્યું છે. 23 ઓક્ટોબરના રોજ પૂર્વ મધ્ય બંગાળની ખાડી પર ચક્રવાતી વાવાઝોડામાં પરિવર્તિત થયા પછી, તે 24 ઓક્ટોબરના રોજ ઓડિશા-પશ્ચિમ બંગાળના દરિયાકાંઠે અથડાશે, જેના કારણે સમુદ્ર પર 100 થી 120 કિલોમીટર પ્રતિ કલાકની ઝડપે પવન ફૂંકાશે. IMD એ માછીમારોને 22-25 ઓક્ટોબર સુધી દરિયાકિનારાની નજીક ન જવાની સલાહ આપી છે.
120 KM ની ઝડપે પવન ફૂંકાશે...
ચક્રવાતી વાવાઝોડાને કારણે, 21 ઓક્ટોબરના રોજ પૂર્વ-મધ્ય બંગાળની ખાડી પર પવનની ઝડપ 35-45 થી 65 કિમી પ્રતિ કલાક, 22 ઓક્ટોબરની સાંજ સુધી 55-65 થી 75 કિમી પ્રતિ કલાક, 23 ઓક્ટોબરની સાંજથી 24 ઓક્ટોબરની સવાર સુધી 70-90 કિમી પ્રતિ કલાકની ઝડપે પવન ફૂંકાવાની શક્યતા છે. 23-24 ઓક્ટોબરના રોજ પશ્ચિમ મધ્ય બંગાળની ખાડીની આસપાસના વિસ્તારોમાં 45-55 થી 65 કિમી પ્રતિ કલાકની ઝડપે પવન ફૂંકાશે. ઉત્તર બંગાળની ખાડી પર પવનની ઝડપ વધીને 100-110 થી 120 કિમી પ્રતિ કલાક થવાની શક્યતા છે. 24 ઓક્ટોબરની રાતથી 25 ઓક્ટોબરની સવાર સુધી પવનની ઝડપ 120 કિમી પ્રતિ કલાકની રહેશે.
#WATCH | Odisha: On cyclonic storm Dana, Bhubaneswar, Director IMD, Manorama Mohanty says, "...It has intensified into a depression...It is lying over the east-central bay of Bengal...It is likely to move northwestward and intensify into a cyclonic storm by October 23 by the east… pic.twitter.com/3CRELhlvfO
— ANI (@ANI) October 22, 2024
આ પણ વાંચો : Bengaluru માં મોટી દુર્ઘટના, ભારે વરસાદના કારણે ઈમારત ધરાશાયી, અનેક લોકો ફસાયા
આ રાજ્યોમાં વરસાદનું એલર્ટ...
IMD અનુસાર, ઓડિશા અને પશ્ચિમ બંગાળમાં 22 થી 26 ઓક્ટોબર વચ્ચે ભારેથી અતિ ભારે વરસાદની સંભાવના છે. 24 ઓક્ટોબરે ઝારખંડમાં પણ વરસાદ પડશે. ચક્રવાતી તોફાનની અસર તમિલનાડુ, પુડુચેરી, આંધ્રપ્રદેશ, કેરળ અને કર્ણાટકમાં જોવા મળશે. આગામી એક સપ્તાહ દરમિયાન પૂર્વોત્તર, મધ્ય અને ઉત્તર-પશ્ચિમ ભારતમાં વરસાદની કોઈ શક્યતા નથી.
ગુજરાતમાં શું થશે અસર...
જો કે, આ વાવાઝોડાની અસર ગુજરાત રાજ્યમાં નહીં થાય. ગુજરાતના હવામાનની લેટેસ્ટ સ્થિતિની વાત કરીએ તોરાજ્યના 33 પૈકી 17 જિલ્લાના છુટાછવાયા સ્થળો પર આજે ગાજવીજ સાથે હળવાથી મધ્યમ વરસાદની હવામાન વિભાગે આગાહી કરી છે. સૌરાષ્ટ્ર, મધ્ય અને દક્ષિણ ગુજરાતના જિલ્લામાં હળવો વરસાદ વરસી શકે છે.
આ પણ વાંચો : Bomb Threats : વધુ એક ફ્લાઈટમાં બોમ્બ! એરપોર્ટ પર કરાયું ઈમરજન્સી લેન્ડિગ...