શરદ પવારનું ચોંકાવનારું નિવેદન..રોટલી ફેરવવાનો સમય આવી ગયો છે

મહારાષ્ટ્રમાં ચાલી રહેલી રાજકીય હલચલ વચ્ચે એનસીપીના વડા શરદ પવારે ચોંકાવનારું નિવેદન આપતાં કહ્યું છે કે રોટલી ફેરવવાનો સમય હવે આવી ગયો છે. તેમણે મુંબઈના યુવા મંથન કાર્યક્રમમાં કહ્યું, મને કોઈએ કહ્યું કે રોટલી યોગ્ય સમયે ફેરવવી પડે છે અને જો તેને યોગ્ય સમયે ન ફેરવવામાં આવે તો તે કડવી બની જાય છે. હવે રોટલી ફેરવવાનો યોગ્ય સમય આવી ગયો છે, તેમાં કોઈ વિલંબ ન કરવો જોઈએ. આ સંદર્ભે હું પાર્ટીના વરિષ્ઠ નેતાઓને તેના પર કામ કરવા વિનંતી કરીશ.

પૂર્વ મુખ્યમંત્રી શરદ પવારનું આ નિવેદન એવા સમયે આવ્યું છે જ્યારે તેમના ભત્રીજા અને NCP નેતા અજિત પવારના આગામી રાજકીય પગલાને લઈને અનેક અટકળો લગાવવામાં આવી રહી છે. દાવો કરવામાં આવી રહ્યો છે કે તેઓ ભાજપ સાથે હાથ મિલાવશે. જોકે અજિત પવાર અને શરદ પવાર આ દાવાઓને નકારી રહ્યા છે.

તાજેતરમાં અજિત પવાર એનસીપીની બેઠકમાં પણ હાજર રહ્યા ન હતા. આ અંગે તેમણે કહ્યું કે મારા વિશે ઘણી અટકળો અને અફવાઓ ફેલાવવામાં આવી હતી. કોઈપણ કારણ વગર મારી આસપાસ શંકા પેદા કરવામાં આવી હતી, પરંતુ કોઈપણ અફવામાં ફસાયા વિના હું મારું કામ ચાલુ રાખું છું.

અજિત પવારે શનિવારે (22 એપ્રિલ) કહ્યું હતું કે તેમની પાર્ટી 2024 માં યોજાનારી રાજ્ય વિધાનસભાની ચૂંટણીની રાહ જોયા વિના મહારાષ્ટ્રના મુખ્ય પ્રધાન પદ માટે હજુ પણ દાવો કરી શકે છે. એમ પૂછવામાં આવ્યું કે શું એનસીપી આગામી વર્ષની વિધાનસભા ચૂંટણીમાં મુખ્ય પ્રધાન પદ માટે દાવો કરશે

શરદ પવાર સતત આવા નિવેદનો આપી રહ્યા છે જેને લઈને ઘણી ચર્ચા થઈ રહી છે. તાજેતરમાં, કોંગ્રેસ સહિત અન્ય વિપક્ષી પક્ષોથી અલગ અભિપ્રાય રાખતા તેમણે કહ્યું હતું કે અદાણી જૂથના કેસમાં જેપીસી તપાસની કોઈ જરૂર નથી. તેના પર કોંગ્રેસે કહ્યું હતું કે આ તેમનો અંગત અભિપ્રાય છે. આ મુદ્દે 19 પક્ષો અમારી સાથે છે.

ઉલ્લેખનિય છે કે  હાલમાં મહારાષ્ટ્રમાં શરદ પવારની પાર્ટી એનસીપીનું કોંગ્રેસ અને શિવસેના સાથે ગઠબંધન છે.

આ પણ વાંચો---મુંબઈ-પુણે એક્સપ્રેસ વે પર થયો એક ભયાનક માર્ગ અકસ્માત, VIDEO રૂંવાટા ઉભા કરી દેશે