Hardik Pandya: હાર્દિકે તોડ્યો વિરાટ કોહલીનો આ રેકોર્ડ, ખેલાડીએ મેળવ્યો નંબર-1નો તાજ
- ભારતીય ટીમે પ્રથમ T20માં શાનદાર જીત
- હાર્દિક પંડ્યાએ એક ખાસ રેકોર્ડ બનાવ્યો
- સૌથી વધુ સિક્સ ફટકારી નંબર-1નો તાજ હાંસલ કર્યો
Hardik Pandya:ભારતીય ટીમે પ્રથમ T20 મેચમાં બાંગ્લાદેશને 7 વિકેટે હરાવ્યું હતું. આ સાથે ટીમ ઈન્ડિયાએ શ્રેણીમાં 1-0ની લીડ મેળવી લીધી છે. બાંગ્લાદેશે ભારતને જીતવા માટે 128 રનનો ટાર્ગેટ આપ્યો હતો, જેને ટીમ ઈન્ડિયાએ સરળતાથી હાંસલ કરી લીધો હતો. ભારતીય ટીમ માટે વરુણ ચક્રવર્તી, અર્શદીપ સિંહ, હાર્દિક પંડ્યા (Hardik pandya)અને નીતિશ રેડ્ડીએ શાનદાર પ્રદર્શન કર્યું હતું. આ ખેલાડીઓના કારણે જ ટીમ ઈન્ડિયા વિજય નોંધાવવામાં સફળ રહી હતી.
હાર્દિક પંડ્યાએ એક ખાસ રેકોર્ડ બનાવ્યો છે
ટીમ ઈન્ડિયા માટે હાર્દિક પંડ્યાએ 16 બોલમાં પાંચ ચોગ્ગા અને બે છગ્ગાની મદદથી 39 રન બનાવ્યા હતા. તેણે તસ્કીન અહેમદની ઓવરમાં સિક્સર ફટકારીને ટીમ ઈન્ડિયાને જીત અપાવી હતી. હાર્દિકે અત્યાર સુધી T20 ઈન્ટરનેશનલ ક્રિકેટમાં 5 વખત સિક્સ મારીને ટીમ ઈન્ડિયાને જીત અપાવી છે. જ્યારે વિરાટ કોહલીએ T20 ઈન્ટરનેશનલ ક્રિકેટમાં 4 વખત સિક્સ મારીને મેચ જીતી હતી. હવે હાર્દિકે કોહલીનો રેકોર્ડ (Virat Kohli record) તોડી નાખ્યો છે. તે સિક્સ ફટકારીને સૌથી વધુ વખત T20I મેચ જીતનાર ભારતીય ખેલાડી બન્યો છે અને નંબર-1નો તાજ હાંસલ કર્યો છે. આ યાદીમાં મહેન્દ્ર સિંહ ધોની અને ઋષભ પંત પણ સામેલ છે. આ બંને ખેલાડીઓએ ત્રણ-ત્રણ વખત સિક્સર મારીને T20I મેચ જીતી છે.
આ પણ વાંચો -INDvBAN માં પ્રથમ મેચમાં ભારતે 7 વિકેટથી બાંગ્લાદેશને આપી શિકસ્ત
T20I ક્રિકેટમાં સૌથી વધુ સિક્સર મારનાર ભારતીય ખેલાડીઓ
- હાર્દિક પંડ્યા- 5 છગ્ગા
- વિરાટ કોહલી- 4 છગ્ગા
- એમએસ ધોની- 3 છગ્ગા
- રિષભ પંત- 3 છગ્ગા
- શિવમ દુબે- 1 સિક્સ
બેટિંગ પહેલા હાર્દિક પંડ્યાએ બોલિંગમાં સારું પ્રદર્શન કર્યું હતું. તેણે 4 ઓવરમાં 26 રન આપીને 1 વિકેટ લીધી હતી. આ સિવાય તે ફિલ્ડિંગમાં પણ પાછળ ન રહ્યો અને તૌહીદ હૃદય અને રિયાદ હુસૈનનો કેચ પકડ્યો. તેની ચપળતા મેદાન પર દેખાઈ આવે છે.
આ પણ વાંચો -ભારતે પાકિસ્તાનને 6 વિકેટે હરાવ્યું, બોલર-બેટ્સમેનોનો આક્રમક પ્રહાર
હાર્દિક પંડ્યાની કારકિર્દી આવી રહી છે
હાર્દિક પંડ્યા એ ટીમનો સભ્ય છે જેણે ભારત માટે T20 વર્લ્ડ કપ 2024નો ખિતાબ જીત્યો હતો. તેણે વર્ષ 2016માં T20 ઈન્ટરનેશનલમાં ભારતીય ટીમ માટે ડેબ્યૂ કર્યું હતું. ત્યારથી, તેણે કુલ 103 T20I મેચોમાં 87 વિકેટ લીધી છે. આ સિવાય 1562 રન પણ બનાવ્યા છે. વનડે ક્રિકેટમાં તેના નામે 84 અને ટેસ્ટમાં 17 વિકેટ છે. મીડિયા રિપોર્ટ્સમાં એવા પણ સમાચાર આવ્યા છે કે ઓસ્ટ્રેલિયા પ્રવાસ પર હાર્દિકને ભારતીય ટેસ્ટ ટીમમાં સામેલ કરવામાં આવી શકે છે અને આ માટે તે ઘરેલુ ક્રિકેટમાં રમી શકે છે. હાર્દિકના નામે આંતરરાષ્ટ્રીય ક્રિકેટમાં માત્ર એક જ સદી છે અને તેણે તે માત્ર ટેસ્ટમાં જ ફટકારી છે.