Hardik Pandya Birthday: લગ્ન તૂટ્યા, શાનદાર કમબેક કરીને જીતાડ્યો વિશ્વકપ

• ઓલરાઉન્ડર હાર્દિક પંડ્યાનો 31મો જન્મદિવ
• હાર્દિક પંડયા અફેરને કારણે પણ ચર્ચામાં રહ્યો
• T20 વર્લ્ડ કપ 2024માં શાનદાર પુનરાગમન કર્યું

Hardik Pandya Birthday:ટીમ ઈન્ડિયાનો સ્ટાર ઓલરાઉન્ડર હાર્દિક પંડ્યા આજે પોતાનો 31મો જન્મદિવસ(Hardik Pandya Birthday) ઉજવી રહ્યો છે. હાર્દિકનો જન્મ 11 ઓક્ટોબર 1993ના રોજ સુરતમાં થયો હતો. ક્રિકેટ ઉપરાંત હાર્દિક તેના મોંઘા શોખ અને અફેરને કારણે પણ ચર્ચામાં છે. હાર્દિકે એકલા હાથે ટીમ ઈન્ડિયા માટે ઘણી શાનદાર મેચો જીતી છે. આજે હાર્દિકના જન્મદિવસના અવસર પર ચાહકો તેને અભિનંદન આપી રહ્યા છે. હાલમાં, હાર્દિક બાંગ્લાદેશ સાથે રમાઈ રહેલી ત્રણ મેચની T20 શ્રેણીમાં રમતા જોવા મળી રહ્યો છે. જેમાં પંડ્યા તેની બેટિંગ, બોલિંગ અને ફિલ્ડિંગથી અદ્દભૂત પ્રદર્શન કરી રહ્યો છે. પહેલી મેચમાં હાર્દિકે લીધેલો નો લૂક શોટ અને બીજી મેચમાં લીધેલો શાનદાર કેચ અત્યારે સમાચારોમાં છે.

IPL 2024માં ઘણી ટ્રોલ થઈ હતી

IPL 2024માં હાર્દિક પંડ્યાને મુંબઈ ઈન્ડિયન્સનો નવો કેપ્ટન બનાવવામાં આવ્યો હતો. જે બાદ મુંબઈ ઈન્ડિયન્સ અને રોહિત શર્માના ફેન્સ ખૂબ નારાજ થઈ ગયા હતા. આ આખી સિઝનમાં હાર્દિક પંડ્યા બેટ અને બોલ બંનેથી ફ્લોપ સાબિત થયો હતો, એટલા માટે હાર્દિકની કેપ્ટનશિપ પર સવાલો ઉઠી રહ્યા હતા. IPLની આખી સિઝન દરમિયાન હાર્દિકને મેદાનથી લઈને સોશિયલ મીડિયા પર ટ્રોલ કરવામાં આવ્યો હતો.

આ પણ  વાંચો -Retirement: 22 વખતના ગ્રાન્ડ સ્લેમ ચેમ્પિયન નડાલે નિવૃત્તિની કરી જાહેરાત

T20 વર્લ્ડ કપ 2024માં શાનદાર પુનરાગમન કર્યું

IPL 2024ના ખરાબ સમયને ભૂલીને હાર્દિક પંડ્યાએ T20 વર્લ્ડ કપ 2024માં શાનદાર વાપસી કરી હતી. IPL 2024 પછી એવું લાગી રહ્યું હતું કે T20 વર્લ્ડ કપ માટે હાર્દિકની ટીમ ઈન્ડિયામાં પસંદગી નહીં થાય, પરંતુ પસંદગીકારોએ ફરી એકવાર તેમના સૌથી શાનદાર ઓલરાઉન્ડર પર વિશ્વાસ વ્યક્ત કર્યો. હાર્દિક પંડ્યાએ પણ પસંદગીકારોના વિશ્વાસ પર ખરા ઉતરવું જોઈએ. હાર્દિકે સમગ્ર T20 વર્લ્ડ કપ 2024 દરમિયાન શાનદાર પ્રદર્શન કર્યું હતું. વર્લ્ડ કપ ફાઇનલમાં બોલિંગ કરીને ટીમ ઇન્ડિયાને ચેમ્પિયન બનાવવામાં હાર્દિકે જે રીતે ભૂમિકા ભજવી હતી તે કોઇ ભૂલી શકે તેમ નથી.