જામનગર ખંભાળિયા હાઇવે પર ગમખ્વાર અકસ્માત, 3ના મોત, 3 ગંભીર રીતે ઘાયલ

જામનગર નજીક ખંભાળિયા હાઇવે પર ગમખ્વાર અકસ્માત સર્જાયો છે. મોટી ખાવડી નજીક બે કાર વચ્ચે અકસ્માત સર્જાયો છે. જેમાં બે કાર વચ્ચે સર્જાયેલ અકસ્માતમાં 3 લોકોના મોત થયા છે. જ્યારે અન્ય 3 જેટલા ઇજાગ્રસ્તોને હોસ્પિટલે ખસેડાયા છે. જો કે, અકસ્માત કેવી રીતે સર્જાયો તેની માહિતી સામે આવી નથી.

પ્રાપ્ત વિગતો અનુસાર આ ઘટના જામનગર ખંભાળિયા હાઈવે પર ખટીયાના પાટીયા પાસેની છે. જ્યાં પુરપાટ ઝડપે આવતી કારે બીજી કારને અડફેટે લેતા એકસાથે ત્રણ લોકોના કમકમાટી ભર્યા મોત થયા હતા. અકસ્માતના દ્રશ્યો એટલા ભયંકર છે કે જોતા તમારું હૃદય પણ કંપી જશે.

આ અકસ્માતને પગલે ઘટના સ્થળે ટોળા ઉમટી પડ્યા હતા અને પોલીસને જાણ કરવામાં આવી હતી. આ બાબતની જાણ થતાં ઘટના સ્થળે દોડી આવેલી પોલીસની ટીમે ઈજાગ્રસ્તોને બહાર કાઢીને 108ની મદદથી તેમને સારવાર અર્થે જામનગરની હોસ્પિટલમાં ખસેડ્યા છે. જ્યારે મૃતકોના મૃતદેહને પોસ્ટમોર્ટમ અર્થે મોકલીને આગળની કાર્યવાહી હાથ ધરી છે.

આ પણ વાંચો : પાકિસ્તાનની જેલમાંથી 198 ભારતીય માછીમારો મુક્ત થશે, આ તારીખે પહોંચશે ગુજરાત