ફૂટબોલ લેજેન્ડ મેસ્સી એ આઠમી વખત બેલોન ડી'ઓર એવોર્ડ જીત્યો, દિગ્ગજ મેરાડોનાને સમર્પિત કરી ટ્રોફી
ફૂટબોલ લેજેન્ડ લિયોનેલ મેસ્સી એ ફરી એકવાર પ્રતિષ્ઠિત બેલોન ડી'ઓર એવોર્ડ જીત્યો છે. મેસ્સીને આઠમી વખત બેલોન ડી'ઓર એવોર્ડ એનાયત કરવામાં આવ્યો છે. મેસ્સી બેલોન ડી'ઓર એવોર્ડ જીતનાર પ્રથમ SLS ખેલાડી બન્યો છે. ઇન્ટર મિયામીના માલિક અને ફૂટબોલ લેજેન્ડ ડેવિડ બેકહામે મેસ્સીને આ સન્માન આપ્યું છે. લિયોનેલ મેસ્સી અગાઉ 2009, 2010, 2011, 2012, 2015, 2019 અને 2021માં બેલોન ડી'ઓર એવોર્ડ જીતી ચૂક્યો છે.
LIONEL MESSI IS THE 2023 MEN’S BALLON D’OR!
Eight Ballon d’Or for Argentina hero! 🖐🤟#ballondor pic.twitter.com/1slOJ6EoKj
— Ballon d'Or #ballondor (@ballondor) October 30, 2023
તમને જણાવી દઈએ કે, બેલોન ડી'ઓર ફૂટબોલનો સૌથી પ્રતિષ્ઠિત પુરસ્કાર છે. તે દર વર્ષે ફૂટબોલ ક્લબ અને રાષ્ટ્રીય ટીમના ખેલાડીને તેના શ્રેષ્ઠ પ્રદર્શનના આધારે આપવામાં આવે છે.
- વિશ્વના શ્રેષ્ઠ પુરુષ અને મહિલા ફૂટબોલ ખેલાડીઓ જ તેને લાયક છે.
- 1956 થી દર વર્ષે પુરુષોને તેમના શ્રેષ્ઠ પ્રદર્શન માટે આ એવોર્ડથી સન્માનિત કરવામાં આવે છે.
- શ્રેષ્ઠ મહિલા ખેલાડીઓને બેલોન ડી'ઓર આપવાની પરંપરા 2018થી શરૂ કરવામાં આવી છે.
- 2020 માં કોવિડ રોગચાળાને કારણે એવોર્ડ આપી શકાયો ન હતો.
મેસ્સી એ આર્જેન્ટિનાના દિગ્ગજ ડિએગો મેરાડોનાને સમર્પિત કરી ટ્રોફી
🌕 Lionel Messi pays tribute to Diego Maradona
💬"Wherever you are, happy birthday Diego! This trophy is also for you."#ballondor pic.twitter.com/mcx9V0Hqyz
— Ballon d'Or #ballondor (@ballondor) October 30, 2023
મેસ્સીએ આ ટ્રોફી આર્જેન્ટિનાના દિવંગત દિગ્ગજ ડિએગો મેરાડોનાને સમર્પિત કરી છે. મેરાડોના 25 નવેમ્બર , 2020 ના રોજ મૃત્યુ પામ્યા હતા. પરંતુ આજે પણ ફૂટબોલ જગતમાં તેમનું માન સમ્માન ખૂબ જ છે. મેરાડોના જો હાલ હયાત હોટ તો તેઓ 30 ઓક્ટોબરના રોજ પોતાનો જન્મદિવસ ઉજવી રહ્યા હોત, એટલા માટે મેસ્સી એ મેરાડોનાને આ એવાર્ડ સમર્પિત કરતા કહ્યું હતું કે "હેપ્પી બર્થડે ડિએગો. આ તમારા માટે છે"
રોનાલ્ડો કરતાં મેસ્સી આગળ
મેસ્સી 36 વર્ષનો છે અને તેણે 2009માં તેનો પ્રથમ બેલોન ડી'ઓર જીત્યો હતો. આઠ બેલોન ડી'ઓર સાથે, તે હવે તેના જૂના હરીફ ક્રિસ્ટિયાનો રોનાલ્ડો કરતાં ત્રણ એવાર્ડ વધારે જીત્યો છે.
આ પણ વાંચો -- Pakistan : વર્લ્ડ કપ વચ્ચે જ પાકિસ્તાન ક્રિકેટમાં હડકંપ, આ દિગ્ગજે આપી દીધું રાજીનામું
ગુજરાત ફર્સ્ટ તમને સમાચારોથી હંમેશા અવગત રાખશે