ન્યુઝીલેન્ડમાં રાતભર સળગેલી હોસ્ટેલમાં 6ના મોત, મૃત્યુંઆંક વધવાની આશંકા

ન્યુઝીલેન્ડની રાજધાની વેલિંગ્ટનની એક હોસ્ટેલ આખી રાત સળગતી રહી હતી જેમાં ઓછામાં ઓછા 6 લોકોના મોત થયા હતા. આગના સમાચાર ફાયર વિભાગને મળતાની સાથે જ હોસ્ટેલના લોકોને ચાર માળની બિલ્ડીંગમાંથી ઝડપથી બહાર કાઢવામાં આવ્યા હતા.

વેલિંગ્ટન ફાયર અને ઇમરજન્સી ડિસ્ટ્રિક્ટ મેનેજર નિક પ્યાટે જણાવ્યું હતું કે વેલિંગ્ટનમાં લોફર્સ લોજ હોસ્ટેલમાંથી 52 લોકોને બહાર કાઢવામાં આવ્યા હતા, પરંતુ અગ્નિશામકો હજુ પણ વધુ લોકોને શોધી રહ્યા છે. તેમણે કહ્યું કે તેમને સવારે 12.30 વાગ્યે હોસ્ટેલમાં આગની માહિતી મળી હતી.  વડા પ્રધાન ક્રિસ હિપકિન્સે એએમ મોર્નિંગ ન્યૂઝ પ્રોગ્રામમાં જણાવ્યું હતું કે તેમને જાણવા મળ્યું છે કે 6 લોકોના મૃત્યુની પુષ્ટિ થઈ છે અને મૃત્યુઆંક વધી શકે છે. પીએમ હિપકિન્સે જણાવ્યું હતું કે પોલીસ માટે આ બિલ્ડિંગ હાલમાં સુરક્ષિત નથી અને અધિકારીઓને મૃત્યુઆંકની પુષ્ટિ કરવામાં થોડો સમય લાગશે.

પોલીસે જણાવ્યું હતું કે તેમની પાસે મૃતકોની ચોક્કસ સંખ્યા નથી, જોકે તેઓ માનતા હતા કે કુલ મૃત્યુઆંક 10 કરતા ઓછો હતો. વડા પ્રધાને પત્રકારોને જણાવ્યું હતું કે, તે એક સંપૂર્ણ દુર્ઘટના છે. તે એક ભયંકર પરિસ્થિતિ છે. શું થયું અને શા માટે થયું તેની ચોક્કસ તપાસ થશે. પરંતુ હાલ માટે, સ્પષ્ટપણે પરિસ્થિતિનો સામનો કરવા પર ધ્યાન કેન્દ્રિત કરવું પડશે. ઈમરજન્સી અધિકારીઓએ જણાવ્યું હતું કે ઈમારતમાં કોઈ અગ્નિશામક સાધનો નથી.

આ પણ વાંચો---PAKISTAN માં IMRAN KHAN ને ફાંસી આપવાની ઉઠી માંગ, જામીન આપનાર જજને…

ગુજરાત ફર્સ્ટ તમને સમાચારોથી હંમેશા અવગત રાખશે
ગુજરાતની નંબર 1 ગુજરાતી ન્યૂઝ ચેનલ એટલે ગુજરાત ફર્સ્ટ (Gujarat First) – જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ગુજરાત ફર્સ્ટ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android અને iOS એપ. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ