Vijay Rupaniના આ વાક્યથી હોલમાં સહુ હસી પડ્યા...!
- મુંબઈમાં યોજાયેલી ભાજપ વિધાનમંડળની બેઠકમાં દેવેન્દ્ર ફડણવીસના નામને મંજૂરી
- એક પ્રસંગ એવો આવ્યો જ્યારે સભામાં હાજર તમામ લોકો જોરથી હસી પડ્યા
- કેન્દ્રીય નિરીક્ષક ગુજરાતના પૂર્વ મુખ્યમંત્રી વિજય રૂપાણી એવું કંઇ બોલ્યા તો હોલમાં સહુ હસી પડ્યા
- તમારું નામ ન આપતા.. અને પછી બધા હસી પડ્યા
Vijay Rupani : મહારાષ્ટ્રમાં વિધાનસભા ચૂંટણીના પરિણામો જાહેર થયાના 12 દિવસ બાદ મુખ્યમંત્રીને લઈને સસ્પેન્સનો અંત આવ્યો છે અને મુંબઈમાં યોજાયેલી ભાજપ વિધાનમંડળની બેઠકમાં દેવેન્દ્ર ફડણવીસ (Devendra Fadnavis)ના નામને મંજૂરી આપવામાં આવી છે. એવું કહેવામાં આવી રહ્યું છે કે દેવેન્દ્ર ફડણવીસ 5 ડિસેમ્બરે સાંજે 5 વાગ્યે સીએમ તરીકે શપથ લેશે. ચંદ્રકાંત પાટીલ અને સુધીર મુનગંટીવારે મહારાષ્ટ્રના નવા મુખ્ય પ્રધાનના નામનો પ્રસ્તાવ મૂક્યો હતો, જ્યારે પંકજા મુંડેએ તેમના નામને મંજૂરી આપી હતી. આ દરમિયાન એક પ્રસંગ એવો આવ્યો જ્યારે સભામાં હાજર તમામ લોકો જોરથી હસી પડ્યા હતા. ભાજપના કેન્દ્રીય નિરીક્ષક ગુજરાતના પૂર્વ મુખ્યમંત્રી વિજય રૂપાણી (Vijay Rupani)એવું કંઇ બોલ્યા તો હોલમાં સહુ હસી પડ્યા હતા
તમારું નામ ન આપતા.. અને પછી બધા હસી પડ્યા
ધારાસભ્ય દળની બેઠક માટે ભાજપે કેન્દ્રીય નિરીક્ષક તરીકે કેન્દ્રીય મંત્રી નિર્મલા સીતારમણ અને ગુજરાતના પૂર્વ મુખ્યમંત્રી વિજય રૂપાણીની નિમણૂક કરી છે. આ દરમિયાન વિજય રૂપાણીએ પાર્ટીના વરિષ્ઠ નેતાઓને સંબોધીને મુખ્યમંત્રી પદ માટે તેમની પસંદગીના નેતાના નામનો પ્રસ્તાવ મૂકવા વિનંતી કરી હતી. આ દરમિયાન તેમણે એમ પણ કહ્યું કે તેમણે આ માટે પોતાનું નામ ન આપવું જોઈએ. આટલું કહીને તે હસી પડ્યા અને પછી સભામાં હાજર બધા જોરથી હસવા લાગ્યા હતા
આ પણ વાંચો---Fadnavis: નેતૃત્વ કૌશલ્ય અને વ્યવહારિક અભિગમ માટે જાણીતા..!
VIDEO | Maharashtra: The name of Devendra Fadnavis was proposed for the party leader (Maharashtra CM) during BJP legislature party meeting being held in Mumbai.#MaharshtraCM #DevendraFadnavis pic.twitter.com/0rm9PjZ2g8
— Press Trust of India (@PTI_News) December 4, 2024
મહારાષ્ટ્ર વિધાનસભા ચૂંટણીમાં મહાયુતિની બમ્પર જીત
20 નવેમ્બરના રોજ મહારાષ્ટ્રની તમામ 288 વિધાનસભા બેઠકો પર મતદાન થયું હતું અને 23 નવેમ્બરના રોજ ચૂંટણી પરિણામો જાહેર કરવામાં આવ્યા હતા, જેમાં મહાયુતિ ગઠબંધનનો બમ્પર વિજય થયો હતો. ભારતીય જનતા પાર્ટી (BJP), જે મહાગઠબંધનનો ભાગ હતી, તેણે 288 વિધાનસભા બેઠકોમાંથી 132 બેઠકો મેળવી, જે રાજ્યમાં તેનું અત્યાર સુધીનું શ્રેષ્ઠ પ્રદર્શન છે. આ ઉપરાંત ભાજપના સહયોગી એકનાથ શિંદેના નેતૃત્વમાં શિવસેનાએ 57 બેઠકો અને અજિત પવારની રાષ્ટ્રવાદી કોંગ્રેસ પાર્ટી (NCP) 41 બેઠકો પર જીત મેળવી હતી. બીજેપીની આગેવાની હેઠળની મહાયુતિ પાસે 230 સીટોની પ્રચંડ બહુમતી છે. તે જ સમયે, મહાવિકાસ ગઠબંધનમાં સમાવિષ્ટ શિવસેના (યુબીટી) એ 20 બેઠકો, કોંગ્રેસ 16 અને એનસીપી (શરદ પવાર) 10 બેઠકો જીતી હતી.
આ પણ વાંચો---Maharashtraના નવા મુખ્યમંત્રી તરીકે દેવેન્દ્ર ફડણવીસના નામને મંજૂરી
