Delhi Water Crisis : દેશની રાજધાનીમાં પાણીના એક ટીપા માટે મથામણ, Video
Delhi Water Crisis : દેશભરમાં ગરમીથી લોકો પરેશાન છે, ખાસ કરીને ઉત્તર ભારત (North India) માં આકરી ગરમી પડી રહી છે. ખાસ કરીને દેશની રાજધાની દિલ્હી (Delhi) માં સ્થિતિ ખરાબ જોવા મળી રહી છે. અહીં તાપમાન (Temperature) નો પારો સતત ઉપર જઇ રહ્યો છે અને ભૂતકાળના તમામ રેકોર્ડ તોડી (Breaking all Past Records) રહ્યો છે. આ વચ્ચે સમાચાર મળી રહ્યા છે કે દિલ્હીમાં ગરમીની સાથે સાથે પાણીની પણ સમસ્યા વધી ગઇ છે. આવી સ્થિતિમાં આકરા તાપ અને આકરા તડકામાં લોકોને પાણી માટે લાંબી લાઈનોમાં ઉભા રહેવાની ફરજ પડી રહી છે.
ગરમી વચ્ચે દિલ્હીવાસીઓ પીવાના એક ટીપા માટે મારી રહ્યા છે વલખા
ઉત્તર ભારતના ઘણા વિસ્તારો અસાધારણ ગરમીથી ત્રસ્ત છે. હાલમાં દિલ્હીના લોકો આકરી ગરમીથી પરેશાન છે અને આ દરમિયાન દિલ્હીમાં પીવાના પાણીની કટોકટી સર્જાઈ છે. દિલ્હીના કેટલાક વિસ્તારોમાં લોકોને ટેન્કર દ્વારા પાણી આપવામાં આવી રહ્યું છે. ટેન્કર આવતાની સાથે જ લોકો ટેન્કર તરફ દોડી રહ્યા છે અને પાણી ભરી રહ્યા છે. આનો એક વીડિયો પણ સોશિયલ મીડિયા પર વાયરલ થયો છે જેમાં જોવા મળી રહ્યું છે કે કેવી રીતે લોકોને પોતાના માટે પીવાનું પાણી ભેગું કરવું પડી રહ્યું છે. વીડિયો જોયા પછી તમને ખબર પડશે કે દિલ્હીના કેટલાંક વિસ્તારોમાં પાણીની કેટલી સમસ્યાનો સામનો કરવો પડી રહ્યો છે. હાલમાં દિલ્હીના ચાણક્યપુરીનો વીડિયો સોશિયલ મીડિયા પર વાયરલ થઈ રહ્યો છે, જેને ન્યૂઝ એજન્સી ANIએ શેર કર્યો છે. રાજધાની વધી રહેલા જળ સંકટને રોકવા માટે સરકારે સુપ્રીમ કોર્ટનો સંપર્ક કર્યો છે. દિલ્હી સરકારે સુપ્રીમ કોર્ટમાં અરજી દાખલ કરીને પડોશી રાજ્યો પાસેથી પાણીની માંગણી કરી છે. જોકે સુપ્રીમ કોર્ટે હજુ સુધી આ કેસની સુનાવણી કરી નથી.
#WATCH | Delhi: Due to the water crisis, people are facing problems in many areas of Delhi. Water is being supplied to the people through tankers.
(Visuals from Chanakyapuri's Sanjay Camp area) pic.twitter.com/5HgqL7tj5O
— ANI (@ANI) May 31, 2024
ભાજપનું જળ સંકટને લઇને વિરોધ પ્રદર્શન
છેલ્લા કેટલાક દિવસોથી દિલ્હીના ઘણા વિસ્તારોમાં પાણીની તંગી છે. રોજબરોજના કામની વાત તો ભૂલી જાવ, લોકો પાસે પીવાનું પાણી પણ નથી. આવી સ્થિતિમાં ઘણા લોકો ખાલી ડોલ લઈને ટેન્કરની રાહ જોઈ રહ્યા છે. કાળઝાળ ગરમીમાં પણ લોકો પાણી માટે લાંબી લાઈનોમાં ઉભા છે. ટેન્કર આવતાની સાથે જ લોકો પાણી મેળવવા માટે ધક્કામુક્કી કરવા માંડે છે. આવી સ્થિતિમાં કેટલાક લોકોને પાણી મળે છે તો કેટલાકને ખાલી ડોલ લઈને પરત ફરવું પડે છે. આ વચ્ચે ઘણા વીડિયો સામે આવ્યા છે જેમા લોકો પોતાનો જીવ જોખમમાં મુકીને ટેન્કરમાંથી પાણી કાઢવાનો પ્રયાસ કરતા જોવા મળ્યા હતા. બીજી તરફ, ભારતીય જનતા પાર્ટીના મહિલા મોરચાના અધિકારીઓએ ગુરુવારે દિલ્હી સરકારના મંત્રી આતિષીના ઘરની બહાર જળ સંકટને લઈને વિરોધ પ્રદર્શન કર્યું હતું. વિરોધીઓએ તેમના ખભા પર માટીના વાસણો લઈને પ્રદર્શન કર્યું.
#WATCH | A resident Rudal says, "It's a very big problem, only one tanker comes and the colony is so big. We have written two applications to the govt but who listens to the poor..." pic.twitter.com/E5OE10eq6E
— ANI (@ANI) May 31, 2024
સ્થાનિકોની ફરિયાદ
દિલ્હીની ગીતા કોલોની અને ચાણક્યપુરી વિસ્તારમાં લોકો ટેન્કરને જોતાની સાથે જ ખાલી ડોલ લઈને દોડી જાય છે. તેમ છતાં માત્ર એક ટેન્કરથી લોકોને પાણી પહોંચાડવામાં આવતું નથી. સ્થાનિક લોકોની ફરિયાદ છે કે એક ટેન્કર આટલી મોટી વસાહતની તરસ છીપાવી શકતું નથી. અમે સરકારને બે વખત પત્ર લખીને પાણીની સમસ્યાથી વાકેફ કર્યા હતા. પરંતુ ગરીબોની વાત સાંભળવામાં આવતી નથી. પરિસ્થિતિ એવી છે કે પાણી ખરીદીને પીવું પડે છે. એક બોટલ 20 રૂપિયામાં મળે છે અને અમારી આવક આ પાણીથી આખા પરિવારને ખવડાવવા માટે પૂરતી નથી.
દિલ્હીના મુખ્યમંત્રીએ માંગી ભાજપ પાસેથી મદદ
દિલ્હીના મુખ્યમંત્રી અરવિંદ કેજરીવાલે શુક્રવારે જળ સંકટ પર કહ્યું, 'આ વખતે સમગ્ર દેશમાં ખૂબ ગરમી છે જેના કારણે સમગ્ર દેશમાં પાણી અને વીજળીની કટોકટી છે. આવી આકરી ગરમીમાં પાણીની માંગ ઘણી વધી ગઈ છે. તેમણે 'X' પર લખ્યું, 'દિલ્હીને પડોશી રાજ્યોમાંથી જે પાણી મળતું હતું તે પણ ઓછું થઈ ગયું છે. એટલે કે માંગ ઘણી વધી અને પુરવઠો ઘટ્યો. આપણે સૌએ સાથે મળીને આનો ઉકેલ લાવવો પડશે. હું જોઉં છું કે ભાજપના મિત્રો અમારી સામે વિરોધ કરી રહ્યા છે. આનાથી સમસ્યા ઉકેલાશે નહીં. કેજરીવાલે લખ્યું, 'જો ભાજપ હરિયાણા અને યુપીની પોતાની સરકારો સાથે વાત કરે અને એક મહિના માટે દિલ્હીને થોડું પાણી પહોંચાડે, તો દિલ્હીના લોકો ભાજપના આ પગલાની ખૂબ પ્રશંસા કરશે. આવી ભારે ગરમી કોઈના કાબૂ બહારની વાત છે. પરંતુ જો આપણે બધા સાથે મળીને કામ કરીએ તો લોકોને રાહત આપી શકીશું.
इस बार पूरे देश में अभूतपूर्व गर्मी पड़ रही है जिसकी वजह से देश भर में पानी और बिजली का संकट हो गया है। पिछले वर्ष, दिल्ली में बिजली की पीक डिमांड 7438 MW थी। इसके मुक़ाबले इस साल पीक डिमांड 8302 MW तक पहुँच गयी है। पर इसके बावजूद दिल्ली में बिजली की स्थिति नियंत्रण में है, अन्य…
— Arvind Kejriwal (@ArvindKejriwal) May 31, 2024
પાણીનો બગાડ અટકાવવા માર્ગદર્શિકા બહાર પાડવામાં આવી
દિલ્હી સરકાર અનુસાર, અહીં યમુના નદીનું સ્તર 674 ફૂટ હોવું જોઈએ, પરંતુ તે માત્ર 670.3 ફૂટ છે. જેના કારણે દિલ્હીના વિવિધ ભાગોમાં પાણીની ભારે અછત છે. દિલ્હીમાં પાણીની તંગી અંગે આતિશી કહે છે કે દિલ્હીમાં યમુના નદીનું જળસ્તર સામાન્ય કરતાં લગભગ 3.5 ફૂટ ઓછું છે. દિલ્હીમાં પાણીની અછત માટે દિલ્હી સરકાર હરિયાણાને જવાબદાર ઠેરવી રહી છે. દિલ્હી સરકારના મતે હરિયાણા દિલ્હીના હિસ્સાનું પાણી છોડતું નથી. દિલ્હી સરકારે પાણીનો બગાડ અટકાવવા માટે અનેક માર્ગદર્શિકા જાહેર કરી છે.
આ પણ વાંચો - દેશમાં ચોમાસાનો પ્રારંભ, ગુજરાતમાં ક્યારે આવશે મેઘસવારી ?
આ પણ વાંચો - Monsoon Updates : હવામાન વિભાગની આગાહીના એક દિવસ પહેલા કેરળ પહોંચ્યું ચોમાસું