ભયાનક Cyclone Milton ત્રાટક્યું ફ્લોરિડામાં, ચારે તરફ તબાહી...
- મેક્સિકોના અખાતમાં સર્જાયેલ ચક્રવાતી તોફાન મિલ્ટને ફ્લોરિડામાં લેન્ડફોલ કર્યું
- તોફાન ગઈકાલે રાત્રે સિએસ્ટા નજીકના દરિયાકાંઠે ત્રાટક્યું
- 120 માઇલ પ્રતિ કલાકની ઝડપે પવન ફૂંકાયો
- 8 થી 10 ફૂટ ઉંચા મોજા દરિયા કિનારે અથડાઈ રહ્યા છે
- 15 લાખ લોકોનું સ્થળાંતર
Cyclone Milton : મેક્સિકોના અખાતમાં સર્જાયેલ ચક્રવાતી તોફાન મિલ્ટને (Cyclone Milton)ફ્લોરિડામાં લેન્ડફોલ કર્યું છે. તોફાન ગઈકાલે રાત્રે સિએસ્ટા નજીકના દરિયાકાંઠે ત્રાટક્યું હતું. ત્યારથી ટેમ્પા, સેન્ટ પીટર્સબર્ગ અને ફોર્ટ માયર્સ ખાતે 120 માઇલ પ્રતિ કલાકની ઝડપે પવન ફૂંકાયો હોવાનું નોંધાયું છે. 8 થી 10 ફૂટ ઉંચા મોજા દરિયા કિનારે અથડાઈ રહ્યા છે. વાવાઝોડાના કારણે 20 લાખથી વધુ લોકો દિવસ-રાત અંધકારમાં વિતાવી રહ્યા છે. લગભગ 15 લાખ લોકો તેમના ઘર છોડીને સ્થળાંતર કરી ચૂક્યા છે. તોફાનનું કદ એટલું વિશાળ છે કે દક્ષિણ ફ્લોરિડાના વિસ્તારોમાં ટોર્નેડોની ચેતવણી આપવામાં આવી છે. પશ્ચિમ-મધ્ય ફ્લોરિડા હજુ પણ ફ્લડ કટોકટી હેઠળ છે. જમીન પર ઓછામાં ઓછા 7 ટોર્નેડો જોવા મળ્યા હતા. સીએનએનના અહેવાલ મુજબ, મિલ્ટન આ વર્ષે અમેરિકામાં ત્રાટકનાર 5મું વાવાઝોડું છે. આ પહેલા 27 સપ્ટેમ્બરે હરિકેન હેલેને જ્યોર્જિયા અને કેરોલિનાસમાં તબાહી મચાવી હતી.
Florida.#Milton #HurricanMilton #HurricaneMilton #miltonhurricane #FloridaStorm #TampaBay #Venezuela #Caracas #YaCasiVenezuela #Guayaquil #JENNIE_Mantra #ParoNacional #LaRevuelta pic.twitter.com/gl6NJZhnWJ
— Hacking white_hat (@anonymous_hat2) October 10, 2024
રાષ્ટ્રપતિ અને પોલીસનો લોકોને સંદેશ
ફ્લોરિડાના ગવર્નર રોન ડીસેન્ટિસે રાજ્યની 67 કાઉન્ટીઓમાંથી 51 માટે કટોકટીની સ્થિતિ જાહેર કરી છે. હોમ્સ બીચ પોલીસ વડા વિલિયમ ટોકઝારે લોકોને તેમના નામ, જન્મતારીખ અને આઈડી નંબર શાર્પીઝ સાથે શરીરના ભાગો પર લખવાની સલાહ આપી હતી જેથી કંઈક અપ્રિય બને તો ઓળખમાં મદદ મળે. વ્હાઇટ હાઉસમાંથી પોતાના સંબોધનમાં રાષ્ટ્રપતિ જો બિડેને કહ્યું કે આ સદીનું સૌથી મોટું તોફાન છે. તેમણે લોકોને સ્થાનિક અધિકારીઓની સલાહ પર ધ્યાન આપવા વિનંતી કરી. નેશનલ હરિકેન સેન્ટરે ચેતવણી આપી છે કે હરિકેન મિલ્ટન ગુરુવારે રાત્રે ફ્લોરિડાથી પૂર્વ તરફ પસાર થતી વખતે વાવાઝોડું બની રહેશે અને એટલાન્ટિક મહાસાગરમાં પ્રવેશતા પહેલા ઓર્લાન્ડોને પાર કરશે અને ભારે વિનાશ સર્જી શકે છે. લોકોને તેમના ઘરની અંદર રહેવાની અને આવશ્યક ચીજવસ્તુઓ પેક કરવાની સલાહ આપવામાં આવે છે.
આ પણ વાંચો---US જતા પહેલા ચેતી જજો, અમેરિકાના માથે છે આ સંકટ, 1 મિલિયનથી વધુ લોકોને અસર
Hurricane Milton makes landfall near Siesta Key, Florida as a Category 3 storm. pic.twitter.com/gXIRkCy6st
— CIRA (@CIRA_CSU) October 10, 2024
મિલ્ટનના કારણે ફ્લોરિડામાં ઇંધણની અછત
બુધવારે બપોરે ફ્લોરિડાના લગભગ એક ક્વાર્ટર પેટ્રોલ સ્ટેશનોમાં બળતણ સમાપ્ત થઈ ગયું હતું તેવો રોઇટર્સે અહેવાલ આપ્યો હતો, કારણ કે હજારો રહેવાસીઓએ તોફાનથી બચવા માટે તેમની કાર ઇંધણથી ભરી દીધી હતી. મિલ્ટન રાજ્યના પશ્ચિમ કિનારે પહોંચ્યું ત્યારે, 1 મિલિયન લોકો દરિયાકાંઠાના વિસ્તારોમાંથી ભાગી ગયા હતા. ફ્લોરિડામાં 8000 પેટ્રોલ પંપ છે અને લગભગ 24 ટકા ઇંધણ સમાપ્ત થઈ ગયું છે. ટેમ્પા-સેન્ટ પીટર્સબર્ગમાં પાવર આઉટેજની જાણ કરવામાં આવી છે. વોશિંગ્ટન પોસ્ટની કેપિટલ વેધર ગેંગ ટીમના જણાવ્યા અનુસાર ટામ્પા ખાડીના સેન્ટ પીટર્સબર્ગ શહેરમાં છેલ્લા 24 કલાકમાં 406 મિલીમીટર (16 ઇંચ)થી વધુ વરસાદ નોંધાયો છે. રાતોરાત એક કલાકમાં 127 મિલીમીટર (5 ઇંચ) થી વધુ વરસાદ પડ્યો. નેશનલ હરિકેન સેન્ટરે ફ્લોરિડાના મધ્યથી ઉત્તરીય ભાગોમાં 152 થી 305 મીમી (6 થી 12 ઈંચ) વરસાદની આગાહી કરી છે, જેમાં સ્થાનિક વિસ્તારોમાં 457 મીમી (18 ઈંચ) સુધીનો વરસાદ પડશે.
આ પણ વાંચો---ભયંકર વાવાઝોડું Cyclone Yagi 3800 કિમીની મુસાફરી કરી ભારતમાં....