દેડકા, આંગળીઓ... ખાવાની વસ્તુઓમાં શું-શું મળે છે, આ વખતે Vande Bharat Train માં થયો કાંડ!

ભોપાલથી આગ્રા જઈ રહેલા વંદે ભારત ટ્રેનના (Vande Bharat Train) મુસાફરે ભોજન અંગે ફરિયાદ નોંધાવતા હોબાળો મચ્યો છે. મુસાફરનો આરોપ છે કે તેને ટ્રેનના ફૂડમાં મૃત વંદો મળ્યો છે. તેણે આ ઘટનાને સોશિયલ મીડિયા પર વાયરલ કરી છે અને રેલ્વેમાં ફરિયાદ કરી છે. તમે વાયરલ થઇ રહેલા ફોટોઝમાં મરેલો વંદો જોઈ શકો છો.

મુસાફરે આ તસવીર શેર કરી અને પોતાની નિરાશા વ્યક્ત કરતા કહ્યું, "આજે 18-06-24 ના રોજ મારા કાકા અને કાકીને વંદે ભારત (Vande Bharat Train) દ્વારા મુસાફરી કરતી વખતે IRCTC દ્વારા પીરસવામાં આવતા ભોજનમાં વંદો જોવા મળ્યો. કૃપા કરીને વેચનાર સામે તાત્કાલિક પગલાં લો. ખાતરી કરો કે આવી ઘટનાઓ ફરીથી ન બંને." આ પોસ્ટ વાયરલ થયા બાદ ઇન્ડિયન રેલ્વે કેટરિંગ એન્ડ ટુરિઝમ કોર્પોરેશન (IRCTC) એ ફૂડ પ્રોવાઇડર પર દંડ ફટકાર્યો છે. IRCTC એ પોસ્ટ કર્યું છે કે તેમાં વધારો થયો છે.

લોકો તરફથી આકરી પ્રતિક્રિયા આવી...

એક અહેવાલ અનુસાર, આ પોસ્ટ પછી ભારતીય ટ્રેનોમાં સ્વચ્છતા અને વ્યવસ્થાપન વિરુદ્ધ લોકો તરફથી આકરી પ્રતિક્રિયા આવી હતી. ઘણા યુઝર્સે રેલ્વે મંત્રી અશ્વિની વૈષ્ણવને સોશિયલ મીડિયા પર ટેગ કર્યા અને સ્પષ્ટતાની માંગ કરી.

મુસાફરે કરી પોસ્ટ...

મુસાફરે કરેલા પોસ્ટમાં એક યુઝરે જવાબ આપ્યો કે, "આ એક ગંભીર સમસ્યા છે કારણ કે ભારતની સૌથી પ્રીમિયમ ટ્રેન વંદે ભારત (Vande Bharat Train)માં પણ આ સમસ્યાઓ છે." અન્ય એક યુઝરે ટિપ્પણી કરી કે, "સરકાર શા માટે જાહેર આરોગ્ય પ્રત્યે ગંભીર નથી." ત્રીજા યુઝરે કહ્યું કે, "દુઃખ છે કારણ કે તમે જાણો છો કે કોઈ પગલાં લેવામાં આવશે નહીં, તે જ વેન્ડર દ્વારા સમાન સમસ્યા સાથે ફરીથી તે જ ખોરાક પીરસવામાં આવશે પરંતુ કોઈને તેની પરવા નથી."

આ પણ વાંચો : ધર્મેન્દ્ર પ્રધાને આપ્યું મોટું નિવેદન, કહ્યું- NEET પરીક્ષા નહીં થાય રદ્દ…

આ પણ વાંચો : દિલ્હીના CM અરવિંદ કેજરીવાલને મળ્યા જામીન, રાઉઝ એવન્યુ કોર્ટે આપી રાહત…

આ પણ વાંચો : મુંબઈમાં Ice cream માંથી નીકળેલી આંગળીનો ભેદ ઉકેલાયો, જાણો… કોની હતી આંગળી