Chandrayaan-3: આજે બે ભાગમાં વહેંચાઇ જશે ચંદ્રયાન-3, ISRO માટે મહત્વનો દિવસ

સમગ્ર દેશની નજર ચંદ્રયાન-3 (Chandrayaan-3) પર ટકેલી છે કારણ કે આજે આ યાત્રામાં એક મહત્વપૂર્ણ માઈલસ્ટોન સર્જાવા જઇ રહ્યો છે.આજે વિક્રમ લેન્ડર પ્રોપલ્શન મોડ્યુલથી અલગ થઈ જશે અને લેન્ડિંગ સુધી  મુસાફરી કરશે.  ISROના વૈજ્ઞાનિકો આજે મિશન ચંદ્રયાન-3 (Mission Chandrayaan-3)ને લઈને એક મહત્વપૂર્ણ પ્રક્રિયા હાથ ધરશે. આજે લેન્ડર વિક્રમને પ્રોપલ્શન મોડ્યુલથી અલગ કરવામાં આવશે. બપોરે લગભગ 1 વાગ્યે, પ્રોપલ્શન મોડ્યુલની મદદથી, વિક્રમ લેન્ડર રોવર સાથે ચંદ્રની ભ્રમણકક્ષામાં પહોંચશે, ત્યારબાદ લેન્ડર વિક્રમ પોતાની જાતે આગળની મુસાફરી નક્કી કરશે.

જ્યારે ચંદ્રથી લઘુત્તમ અંતર 30 કિમી હશે, ત્યારે લેન્ડર ચંદ્રની સપાટી પર ઉતરવાની યાત્રા શરૂ કરશે અને તે 23 ઓગસ્ટે સાંજે 5.47 કલાકે થશે. જોકે, સોફ્ટ લેન્ડિંગની આ પ્રક્રિયામાં હજુ પણ ઘણા પડકારો છે. ચંદ્રયાન-3 એ ચંદ્ર અવકાશયાનનો અડધો ભાગ પૂર્ણ કરી લીધો છે અને તે 23 ઓગસ્ટે ચંદ્ર પર ઉતરશે.

 ભારત ચંદ્રયાન-3 દ્વારા ચંદ્રનો અભ્યાસ કરવા માંગે છે. તે ચંદ્ર સંબંધિત તમામ રહસ્યો પરથી પડદો હટાવી દેશે. ચંદ્રયાન-3 ચંદ્રની સપાટીની તસવીરો મોકલશે. તે પર્યાવરણ, ખનિજો, માટી વગેરેને લગતી તમામ માહિતી એકત્રિત કરશે. 2008 માં, જ્યારે ISRO એ ભારતનું પ્રથમ ચંદ્ર મિશન ચંદ્રયાન-1 સફળતાપૂર્વક લોન્ચ કર્યું, ત્યારે તેણે ચંદ્રની પરિક્રમા કરી અને ચંદ્રની સપાટી પર પાણીના અણુઓ શોધ્યા હતા.

આ પણ વાંચો---અયોધ્યામાં પ્રતિ સેકન્ડ ત્રણ ભક્તો રામમંદિરમાં દર્શન કરી શકશે, રોજના 1 લાખ ભક્તોના આગમનની શક્યતા