Chandrayaan-3 : વિક્રમ લેન્ડર પ્રોપલ્શન મોડ્યુલથી અલગ… હવે લેન્ડિંગ સુધીની યાત્રા પૂર્ણ કરશે

Chandrayaan-3ના વિક્રમ લેન્ડરે ચંદ્રની સપાટી પર ઉતરવા માટે છેલ્લા 100 કિલોમીટરની મુસાફરી એકલા હાથે કરવી પડશે. તેણે પોતાના એન્જીન એટલે કે થ્રસ્ટર્સનો ઉપયોગ કરીને તેની ઝડપ ધીમી કરવી પડે છે. તેમજ ઉંચાઈ પણ ઘટાડવી પડશે. 17 ઓગસ્ટ 2023 ના રોજ બપોરે વિક્રમ લેન્ડર તેના પ્રોપલ્શન મોડ્યુલથી અલગ થઈ ગયું.

હવે 18 અને 20 ઓગસ્ટના રોજ યોજાનારી ડીઓર્બીટીંગ દ્વારા, વિક્રમ લેન્ડરને 30 કિલોમીટર પેરીલ્યુન અને 100 કિલોમીટરની એપોલ્યુન ઓર્બિટમાં મૂકવામાં આવશે. પેરીલ્યુન એટલે ચંદ્રની સપાટીથી ઓછું અંતર. એપોલ્યુન એટલે ચંદ્રની સપાટીથી વધુ અંતર. અત્યાર સુધીની યાત્રા પ્રોપલ્શન મોડ્યુલ દ્વારા પૂર્ણ કરવામાં આવી છે. આ પછી વિક્રમે બાકીનું અંતર પોતે જ કાપવાનું છે.

Chandrayaan-3 Mission:

‘Thanks for the ride, mate! 👋’
said the Lander Module (LM).

LM is successfully separated from the Propulsion Module (PM)

LM is set to descend to a slightly lower orbit upon a deboosting planned for tomorrow around 1600 Hrs., IST.

Now, 🇮🇳 has3⃣ 🛰️🛰️🛰️… pic.twitter.com/rJKkPSr6Ct

— ISRO (@isro) August 17, 2023

પ્રોપલ્શન મોડ્યુલથી અલગ થયા પછી, વિક્રમ લેન્ડર ગોળાકાર ભ્રમણકક્ષામાં ફરશે નહીં. તે 30 કિમી x 100 કિમીની લંબગોળ ભ્રમણકક્ષામાં જવા માટે બે વાર ડિઓર્બિટ કરશે. એટલે કે તેની ઊંચાઈ ઘટાડશે. તેમજ સ્પીડ ધીમી કરશે. આ માટે તેના એન્જિનનું રિટ્રોફિટિંગ કરવામાં આવશે. એટલે કે, તેને વિરુદ્ધ દિશામાં ફેરવવામાં આવશે.

નિશ્ચિત યોજના મુજબ ભ્રમણકક્ષામાં થોડો તફાવત છે

ચંદ્રની આસપાસ Chandrayaan-3 ની છેલ્લી ભ્રમણકક્ષા 16 ઓગસ્ટ 2023 ના રોજ કરવામાં આવી હતી. Chandrayaan-3 હાલમાં 153 કિમી x 163 કિમીની ભ્રમણકક્ષામાં છે. જ્યારે લોન્ચિંગ થયું ત્યારે ઈસરોના વડા ડૉ. એસ. સોમનાથે કહ્યું હતું કે Chandrayaan-3 ને 100 કિલોમીટરની ગોળાકાર ભ્રમણકક્ષામાં લાવવામાં આવશે. તે પછી પ્રોપલ્શન અને વિક્રમ લેન્ડર મોડ્યુલ અલગ થઈ જશે.

Chandrayaan-2 ના નિશ્ચિત રૂટમાં પણ ફેરફાર કરવામાં આવ્યો હતો

જોકે, આ વખતે એવું થતું હોય તેવું લાગતું નથી. 2019 માં, Chandrayaan-2 સમયે પણ 100 કિમીની ગોળાકાર ભ્રમણકક્ષાની વાત થઈ હતી. આયોજન પણ હતું. પરંતુ લેન્ડિંગ પહેલા Chandrayaan-2 ની છેલ્લી ભ્રમણકક્ષા 119 કિમી x 127 કિમી હતી. મતલબ કે આયોજનની દ્રષ્ટિએ માત્ર થોડો તફાવત હતો.

Chandrayaan-3 ની ભ્રમણકક્ષામાં જોવા મળતો તફાવત કોઈ સમસ્યા નથી

ઈસરોના એક વરિષ્ઠ વૈજ્ઞાનિકે જણાવ્યું કે Chandrayaan-3ને 100 કે 150 કિમીની ગોળાકાર ભ્રમણકક્ષામાં મૂકવાની યોજના છે. હજુ પણ એ જ યોજના. આ નિર્ણય તાજેતરમાં લેવામાં આવ્યો છે. તેથી, 16 ઓગસ્ટ 2023 ના રોજ Chandrayaan-3 દ્વારા પ્રાપ્ત કરેલ ભ્રમણકક્ષા તે નિર્ણયનું પરિણામ હતું. હવે ઉતરાણમાં માત્ર છ દિવસ જ બાકી રહેશે.

આ પણ વાંચો : Himachal News : ભૂવૈજ્ઞાનિકોનો દાવો, NHAI એ પહાડો તોડીને વિનાશ લાવ્યો