Central Cabinet: કેન્દ્રીય સચિવાલયમાં મોટો ફેરબદલ,આરકે સિંહ નવા સંરક્ષણ સચિવ બન્યા

1. કેન્દ્રીય સચિવાલયમાં મોટા પાયે ફેરબદલ કરવામાં આવ્યા
2. નાણાકીય સેવાઓ વિભાગના સચિવ વિવેક જોશીને DoPT સચિવ તરીકે નિયુક્ત
3. IAS અધિકારી નાગરાજુ મદિરાલાને નાણાકીય સેવા સચિવ તરીકે નિયુક્ત

Central Cabinet: કેન્દ્રીય કેબિનેટ(CentralCabinet) ની નિમણૂક સમિતિએ કર્મચારીઓના મોટા ફેરબદલને મંજૂરી આપ્યા બાદ 20 અધિકારીઓના વિભાગ બદલવામાં આવ્યા છે. આ ક્રમમાં નવા સંરક્ષણ સચિવથી લઈને નવા સ્વાસ્થ્ય સચિવ સુધીમાં ફેરફાર કરાયા છે. આ મુજબ રાજેશ કુમાર સિંહને સંરક્ષણ સચિવ, વરિષ્ઠ અમલદાર દીપ્તિ ઉમાશંકરને ભારતના રાષ્ટ્રપતિના સચિવ,IAS અધિકારી નાગરાજુ મદ્દીરાલાને નાણાકીય સેવા સચિવ,નાણાકીય સેવા સચિવ વિવેક જોશીને DoPTસચિવ,લઘુમતી બાબતોના સચિવ કટિકિથલા શ્રીનિવાસને આવાસ અને શહેરી બાબતોના સચિવ,IAS અધિકારી પુણ્ય સલીલા શ્રીવાસ્તવને સ્વાસ્થ્ય સચિવ બનાવાયા છે.જ્યારે અન્ય 14 અધિકારીઓના વિભાગોમાં પણ ફેરબદલ કરવામાં આવ્યા છે.

તે જ સમયે, પુણ્ય સલિલ શ્રીવાસ્તવને નવા આરોગ્ય અને પરિવાર કલ્યાણ સચિવ તરીકે અને દીપ્તિ ઉમાશંકરને રાષ્ટ્રપતિના સચિવ તરીકે નિયુક્ત કરવામાં આવ્યા છે. જ્યારે, વિવેક જોશીને કર્મચારી અને તાલીમ વિભાગ, કર્મચારી મંત્રાલય, જાહેર ફરિયાદ અને પેન્શન, નાણાકીય સેવાઓ વિભાગ, નાણા મંત્રાલયમાં સચિવ તરીકે નિયુક્ત કરવામાં આવ્યા હતા. આ દરમિયાન IAS અધિકારી નાગરાજુ મદિરાલાને નાણાકીય સેવા સચિવ બનાવવામાં આવ્યા છે.

IAS અધિકારી બદલી

ચંદ્રશેખર કુમાર લઘુમતી બાબતોના સચિવ તરીકે નિયુક્ત

કોર્પોરેટ બાબતોના મંત્રાલયના સચિવ મનોજ ગોવિલને નાણાં મંત્રાલયના ખર્ચ વિભાગના સચિવ તરીકે નિયુક્ત કરવામાં આવ્યા છે. વંદના ગુરનાનીને કેબિનેટ સચિવાલય તરીકે સચિવ (સંકલન) નિયુક્ત કરવામાં આવ્યા છે. પંચાયતી રાજ મંત્રાલયના વિશેષ સચિવ ચંદ્રશેખર કુમારને લઘુમતી બાબતોના મંત્રાલયના સચિવ તરીકે નિયુક્ત કરવામાં આવ્યા છે. દરમિયાન, કાતિકીથાલા શ્રીનિવાસને આવાસ અને શહેરી બાબતોના મંત્રાલયના સચિવ તરીકે નિયુક્ત કરવામાં આવ્યા છે. મધ્યપ્રદેશ કેડરના 1992 બેચના IAS અધિકારી નીલમ શમ્મી રાવને સેન્ટ્રલ પ્રોવિડન્ટ ફંડ કમિશનર, કર્મચારી ભવિષ્ય નિધિ સંગઠન, શ્રમ અને રોજગાર મંત્રાલય, સચિવ, રાષ્ટ્રીય લઘુમતી આયોગ, લઘુમતી બાબતોના મંત્રાલય તરીકે નિયુક્ત કરવામાં આવ્યા છે. ભારત સરકારના સચિવના પગારની પોસ્ટ પર નિમણૂક કરવામાં આવી છે.

આ પણ  વાંચો -Everest :થેમે ગામમાં ભયાનક દુર્ઘટના, પૂરને કારણે આખું ગામ બેટમાં ફેરવાયું

સલીલા શ્રીવાસ્તવને આરોગ્ય અને પરિવાર કલ્યાણ વિભાગ

વિશેષ સચિવ, વડા પ્રધાન કાર્યાલય, પુણ્ય સલીલા શ્રીવાસ્તવને આરોગ્ય અને પરિવાર કલ્યાણ વિભાગ, આરોગ્ય અને પરિવાર કલ્યાણ મંત્રાલયના વિશેષ ફરજ પર અધિકારી તરીકે નિયુક્ત કરવામાં આવ્યા છે. IAS અધિકારી દીપ્તિ ગૌર મુખર્જીને કોર્પોરેટ બાબતોના મંત્રાલયમાં સચિવ તરીકે નિયુક્ત કરવામાં આવ્યા છે, જે પહેલા તેઓ નેશનલ હેલ્થ ઓથોરિટીમાં ચીફ એક્ઝિક્યુટિવ ઓફિસર તરીકે સેવા આપતા હતા. સંજીવ કુમારને સંરક્ષણ મંત્રાલયના સંરક્ષણ ઉત્પાદન વિભાગના સચિવ બનાવવામાં આવ્યા છે. આ પહેલા તેઓ નાગરિક ઉડ્ડયન મંત્રાલય હેઠળના એરપોર્ટ ઓથોરિટી ઓફ ઈન્ડિયાના અધ્યક્ષની જવાબદારી નિભાવી રહ્યા હતા.

આ પણ  વાંચો -Gita Gopinath એ કર્યો દાવો, 2027 સુધીમાં ભારત વિકસિત દેશ બનશે

કોણ છે વિવેક જોશી ?

વિવેક જોશીને DoPT સચિવ તરીકે નિયુક્ત કરાયા છે. હરિયાણા કેડરના 1989 બેચના આઈએએસ અધિકારી વિવેક જોશીએ જીનીવા ગ્રેજ્યુએટ ઇન્સ્ટિટ્યૂટમાંથી આંતરરાષ્ટ્રીય અર્થશાસ્ત્રમાં પીએચડી અને એમએ કર્યું છે. આ પહેલા તેમણે ઈન્ડિયન ઈન્સ્ટિટ્યૂટ ઑફ ટેક્નોલોજી, રૂરકીમાંથી મિકેનિકલ એન્જિનિયરિંગમાં સ્નાતકની ડિગ્રી મેળવી હતી.

કોણ છે રાજેશ કુમાર સિંહ ?

રાજેશ કુમાર સિંહને નવા સંરક્ષણ સચિવ બનાવવામાં આવ્યા છે. રાજેશ કુમાર સિંહ કેરળ કેડરના 1989 બેચના ભારતીય વહીવટી સેવા અધિકારી છે. તેમણે કેન્દ્ર સરકારમાં કમિશનર - ડીડીએ, સંયુક્ત સચિવ - પેટ્રોલિયમ અને કુદરતી ગેસ મંત્રાલય, સંયુક્ત સચિવ - કૃષિ, સહકાર અને ખેડૂત કલ્યાણ વિભાગ અને ચીફ વિજિલન્સ ઓફિસર - ફૂડ કોર્પોરેશન ઓફ ઈન્ડિયા જેવા ઘણા મહત્વપૂર્ણ હોદ્દા સંભાળ્યા છે. તેમણે કેરળ સરકારના શહેરી વિકાસ સચિવ અને નાણાં સચિવ તરીકે રાજ્ય સરકારમાં મહત્વપૂર્ણ હોદ્દાઓ પણ સંભાળ્યા છે.