New York: બોલિવુડ અભિનેત્રી Nargis Fakhriની બહેન પર હત્યાનો આરોપ

• બોલિવુડ અભિનેત્રી નરગીસ ફખરીની બહેન આલિયા ફખરી પર પૂર્વ બોયફ્રેન્ડની હત્યાનો આરોપ
• ન્યૂયોર્ક પોલીસે નરગીસની બહેન આલિયાની ધરપકડ કરી
• ભૂતપૂર્વ બોયફ્રેન્ડ એડવર્ડ જેકોબ્સ અને તેની વર્તમાન ગર્લફ્રેન્ડ એટીનીની હત્યા કરી
• નરગીસની બહેને ન્યૂયોર્કમાં તેના પૂર્વ બોયફ્રેન્ડના ઘરના ગેરેજમાં આગ લગાવી દીધી
• આગમાં તેના ભૂતપૂર્વ બોયફ્રેન્ડ અને તેની ગર્લફ્રેન્ડનું મૃત્યુ થયું

New York : બોલિવુડ અભિનેત્રી નરગીસ ફખરી (Nargis Fakhri)ની બહેનને લઈને એક ચોંકાવનારા સમાચાર સામે આવ્યા છે. નરગીસ ફખરીની બહેન પર તેના પૂર્વ બોયફ્રેન્ડની હત્યાનો આરોપ છે. રિપોર્ટ્સ અનુસાર, ન્યૂયોર્ક પોલીસે (New York) નરગીસની બહેન આલિયાની ધરપકડ કરી છે. પોલીસ તેની પૂછપરછ કરી રહી છે.

નરગીસની બહેન પર તેના પૂર્વ બોયફ્રેન્ડની હત્યાનો આરોપ

મળતી માહિતી મુજબ, નરગીસ ફખરીની બહેન આલિયા ફખરી તેના એક્સ બોયફ્રેન્ડ સાથે પેચઅપ કરવા માંગતી હતી. પરંતુ તેના ભૂતપૂર્વ બોયફ્રેન્ડ એડવર્ડ જેકોબ્સે તેની સાથે ફરીથી સંબંધ બાંધવાનો ઇનકાર કર્યો હતો. આનાથી ગુસ્સે થઈને નરગીસની બહેને તેના પૂર્વ બોયફ્રેન્ડ અને તેની વર્તમાન ગર્લફ્રેન્ડ એટીનીની હત્યા કરી નાખી.

આલિયાએ તેના પૂર્વ બોયફ્રેન્ડની કેવી રીતે હત્યા કરી?

આ સમગ્ર મામલે ફરિયાદીનું કહેવું છે કે બોલિવૂડ એક્ટ્રેસ નરગીસની બહેને ન્યૂયોર્કમાં તેના પૂર્વ બોયફ્રેન્ડના ઘરના ગેરેજમાં આગ લગાવી દીધી હતી. આ આગમાં તેની ભૂતપૂર્વ બોયફ્રેન્ડ અને તેની ગર્લફ્રેન્ડનું મૃત્યુ થયું હતું. આ ઘટના બાદ પોલીસે નરગીસની બહેનને કસ્ટડીમાં લીધી છે. પોલીસે તેઓની પૂછપરછ કરી વધુ તપાસ હાથ ધરી છે.

ઘરના ગેરેજમાં ઇરાદાપૂર્વક જીવલેણ આગ લગાડવાનો આરોપ

ક્વીન્સ ડિસ્ટ્રિક્ટ એટર્ની મેલિન્ડા કાત્ઝે એક અખબારી યાદીમાં જણાવ્યું હતું કે આલિયા ફખરી પર ફર્સ્ટ-ડિગ્રી હત્યાના ચાર ગુનાઓ તેમજ અન્ય આરોપો લગાવવામાં આવ્યા છે. તેણી પર જમૈકા, ક્વીન્સમાં તેના પૂર્વ બોયફ્રેન્ડના ઘરના ગેરેજમાં ઇરાદાપૂર્વક જીવલેણ આગ લગાડવાનો આરોપ છે, જેમાં તેના ભૂતપૂર્વ બોયફ્રેન્ડ એડવર્ડ જેકોબ્સ, 35, અને તેની ગર્લફ્રેન્ડ અનાસ્તાસિયા એટિની, 33ની હત્યા કરવામાં આવી હતી.

આ પણ વાંચો---ISKCONની સલાહ, કટ્ટરપંથીઓથી બચવા હિન્દુઓ આટલું કરે...

ઈમારત આગની લપેટમાં આવી ગઈ

તપાસ અને આરોપો અનુસાર, પ્રેસ રિલીઝમાં વધુમાં જણાવાયું છે કે આલિયા ફખરી સવારે 6:20 વાગ્યે જેકબ્સના બે માળના ઘરે પહોંચી હતી અને આગ લગાડતા પહેલા "તમે બધા આજે મરી જવાના છો" એવી બૂમો પાડી હતી. ત્યારબાદ આલિયાએ બિલ્ડિંગના ગેરેજમાં આગ લગાવી દીધી. જ્યારે એટિને આગ જોઈ, ત્યારે તે ઝડપથી નીચે દોડી ગઈ, જ્યાં જેકબ્સ ગેરેજના બીજા માળે સૂતા હતા. એટિને તેને બચાવવાનો પ્રયાસ કર્યો. પરંતુ ઈમારત આગની લપેટમાં આવી ગઈ હતી અને બંને ત્યાં જ ફસાઈ ગયા હતા. એટર્ની મેલિન્ડા કાત્ઝે કહ્યું છે કે ધુમાડા અને સળગી જવાને કારણે પીડિતોનું દુઃખદ મૃત્યુ થયું છે.

આલિયા પર ઘણા આરોપો

મળતી માહિતી મુજબ, આલિયા ફખરીની 26 નવેમ્બરે ધરપકડ કરવામાં આવી હતી. બીજા દિવસે, એક ગ્રાન્ડ જ્યુરીએ તેના પર ફર્સ્ટ-ડિગ્રી મર્ડર અને ચાર સેકન્ડ-ડિગ્રી મર્ડરનો આરોપ મૂક્યો. એવું કહેવામાં આવી રહ્યું છે કે જો તેના પરના આ ગંભીર આરોપો સાબિત થાય છે તો તેને આજીવન કેદની સજા થઈ શકે છે.

નરગીસની માતા પોતાની પુત્રીને નિર્દોષ માને છે

નરગીસ અને આલિયા ફખરીની માતાએ ન્યૂયોર્ક ડેઈલી ન્યૂઝને કહ્યું કે તેમને નથી લાગતું કે તેમની પુત્રીને આગ સાથે કોઈ લેવાદેવા છે. આલિયા ફખરીને તેની આગામી સુનાવણી સુધી રાઈકર્સ આઈલેન્ડના રોઝ એમ. સિંગર સેન્ટરમાં રાખવામાં આવી છે. કોર્ટમાં તેની આગામી સુનાવણી 9 ડિસેમ્બરે થશે. જોકે, આલિયાએ આ આરોપોમાંથી પોતાને નિર્દોષ જાહેર કરી છે. પરંતુ હવે આ સમગ્ર મામલે કોર્ટ શું નિર્ણય લે છે તે જોવું રહ્યું.

આ પણ વાંચો---શપથ લીધા પહેલા Donald Trump નું આકરું વલણ, કહ્યું- 'Middle East' નો અંત નક્કી...!