ગુજરાતના દરિયામાંથી ઝડપાયું ડ્રગ્સનું સૌથી મોટુ કન્સાઇનમેન્ટ

ગુજરાતના દરિયા કાંઠેથી અત્યાર સુધીનું સૌથી મોટું ડ્રગ્સ કન્સાઇનમેન્ટ ઝડપાયું હોવાના અહેવાલ મળી રહ્યા છે. મળતી માહિતી મુજબ ગુજરાતના દરિયામાંથી નેવી દ્વારા 2500 કિલો ડ્રગ્સનો જથ્થો ઝડપી લીધો છે.

ગુજરાતના દરિયાઇ માર્ગેથી ડ્રગ્સ ઘુસાડવાના સંખ્યાબંધ મામલા તાજેતરમાં બહાર આવ્યા છે ત્યારે ફરી એક વાર ગુજરાતના દરિયાનો રસ્તા તરીકે ઉપયોગ કરવા ડ્રગ માફિયાઓ સક્રિય બન્યા છે. મળેલી માહિતી મુજબ ઇન્ડિયન નેવીના ઇન્ટેલિજન્સ યુનિટ અને NCBએ ગુજરાતના દરિયામાં સંયુક્ત સર્ચ ઓપરેશન ચલાવીને અંદાજે 2500 કિલો ડ્રગ્સનો જથ્થો ઝડપી લીધો છે. જેની આંતરરાષ્ટ્રિય બજારમાં 12 હજાર કરોડની કિંમત હોવાનું મનાઇ રહ્યું છે.

સુત્રોએ કહ્યું કે આ ડ્રગ્સ ઇરાનથી આવી રહ્યું હતું અને ગુજરાતના દરિયા કાંઠે પહોંચે તે પહેલાં જ તેને દરિયામાંથી જ ઝડપી લેવાયું છે. સમગ્ર મામલાની વધુ માહિતીની રાહ જોવાઇ રહી છે.

ઉલ્લેખનિય છે કે હજું ગઇ કાલે જ રાજકોટમાં ખંડેરી સ્ટેડિયમની પાસેથી 217 કરોડનું હેરોઇન ઝડપાયું હતું. આ ડ્રગ્સને પાકિસ્તાનથી મોકલાયું હતું અને એક નાઇજીરીયન વ્યક્તિ તેને દિલ્હી લઇ જવાનો હતો.

આ પણ વાંચો---TET-1નું પરિણામ જાહેર, બોર્ડની વેબસાઇટ પર જોઈ શકાશે પરિણામ

ગુજરાત ફર્સ્ટ તમને સમાચારોથી હંમેશા અવગત રાખશે
ગુજરાતની નંબર 1 ગુજરાતી ન્યૂઝ ચેનલ એટલે ગુજરાત ફર્સ્ટ (Gujarat First) – જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ગુજરાત ફર્સ્ટ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android અને iOS એપ. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ