જોની બેયરસ્ટોના રન આઉટ વિવાદ બાદ ફેન્સને MS Dhoni આવી રહ્યો છે યાદ, Video
ટીમ ઈન્ડિયાના ભૂતપૂર્વ કેપ્ટનકૂલ MS Dhoni આજે પણ ક્રિકેટ જગતમાં યાદ કરવામાં આવે છે. થોડા દિવસો પહેલા ઈંગ્લેન્ડના ખેલાડી જોની બેયરસ્ટો (Jonny Bairstow) ના રન આઉટ પર વિવાદ થતા ક્રિકેટ જગત આખું ઓસ્ટ્રેલિયન ખેલાડીઓને ખરી ખોટી સંભળાવી રહ્યું છે. આ વિવાદમાં બ્રિટનના વડાપ્રધાન ઋષિ સુનક પણ નિવેદન આપી ચુક્યા છે. સમગ્ર વિવાદ વચ્ચે લોકો ટીમ ઈન્ડિયાના ભૂતપૂર્વ કેપ્ટન ધોનીને ખૂબ જ યાદી કરી રહ્યા છે.
બેયરસ્ટો રન આઉટ વિવાદ, ધોની દર્શકોને આવ્યો યાદ
ઈંગ્લેન્ડ અને ઓસ્ટ્રેલિયા વચ્ચે લોર્ડ્સમાં રમાયેલી એશિઝ સિરીઝ 2023ની બીજી ટેસ્ટ વિવાદોથી ભરેલી હતી. મેચ દરમિયાન ઈંગ્લેન્ડના બેટ્સમેન જોની બેરસ્ટોની વિકેટ ચર્ચામાં હતી. જોની બેયરસ્ટોના વિવાદાસ્પદ રન આઉટે ઈન્ટરનેટ પર ચાહકો, દર્શકો અને ક્રિકેટ જગતના પંડિતોમાં ચર્ચા જગાવી છે. ખેલદિલી પર સવાલો ઉઠી રહ્યા છે. ઓસ્ટ્રેલિયન વિકેટકીપર એલેક્સ કેરીએ ખૂબ જ વિચિત્ર રીતે બેયરસ્ટોને સ્ટમ્પ કર્યા હતા. ક્રિકેટ જગત હવે આ વિકેટ પર બે ભાગમાં વહેંચાયેલું જોવા મળે છે. બેયરસ્ટોના વિવાદાસ્પદ રન આઉટ બાદ પૂર્વ ભારતીય કેપ્ટન મહેન્દ્ર સિંહ ધોની સોશિયલ મીડિયા પર ઘણો ટ્રેન્ડ કરી રહ્યો છે. તાજેતરમાં ધોનીનો જૂનો વીડિયો ઝડપથી વાયરલ થઈ રહ્યો છે. જેમાં ધોનીએ ઈંગ્લેન્ડના ઈયાન બેલને આઉટ જાહેર કર્યા બાદ ખેલદિલી બતાવીને પાછો બોલાવ્યો હતો. ICCએ આ ઘટનાને 'સ્પિરિટ ઓફ ધ ડિકેડ' એવોર્ડથી સન્માનિત કરી હતી.
2011માં ભારત અને ઈંગ્લેન્ડ વચ્ચે રમાયેલી મેચનો વીડિયો સામે આવ્યો
વર્ષ 2011ની વાત છે. ટ્રેન્ટ બ્રિજ ખાતે ભારત અને ઈંગ્લેન્ડ વચ્ચે ટેસ્ટ મેચ રમાઈ રહી હતી. ઇયાન બેલ ટી બ્રેક પહેલા છેલ્લા બોલ પર વિવાદાસ્પદ સંજોગોમાં રનઆઉટ થયો હતો. જ્યારે પ્રવીણ કુમારે બાઉન્ડ્રી રોકીને બોલ એમએસ ધોનીના હાથમાં પાછો ફેંક્યો હતો. ધોનીએ ગિલ્લી ઉડાવી. બેલ અડધી ક્રિઝ પર પોતાના પાર્ટનર સાથે વાતચીતમાં વ્યસ્ત હતો. ટીવી રિપ્લેએ પાછળથી પુષ્ટિ કરી કે તે બાઉન્ડ્રી ન હોતી અને બેલને રનઆઉટ જાહેર કરવામાં આવ્યો હતો. જોકે, ધોનીએ અપીલ પાછી ખેંચી લીધી અને ચાના વિરામ પછી બેલ ક્રિઝ પર પાછો ફર્યો. જ્યારે, રમતના કાયદા હેઠળ, તે તેની અપીલને સમર્થન આપવા માટે હકદાર હતો. ધોનીની ખેલદિલીના વખાણ થયા હતા. ટ્વિટર યુઝર્સે ધોની અને બેલને સંડોવતા ઘટનાના વીડિયોને ફરીથી શેર કરવાનું શરૂ કર્યું છે, જે ભૂતપૂર્વ ભારતીય સુકાની દ્વારા રાખવામાં આવેલા ક્રિકેટની ભાવનાના ધોરણો પર ટિપ્પણી તરીકે કાર્ય કરી રહ્યું છે.
એલેક્સ કેરીએ ધોની જેવી ખેલદિલી દેખાડી નથી
ચાહકોનું કહેવું છે કે, ધોનીએ જે પ્રકારની ખેલદિલી 2011માં દેખાડી હતી, તેવી જ ખેલદિલી ઓસ્ટ્રેલિયાના વિકેટકીપર એલેક્સ કેરીને બતાવવાની જરૂર હતી. બીજી એશિઝ ટેસ્ટના અંતિમ દિવસે ઓસ્ટ્રેલિયાના કેમેરોન ગ્રીનના ધીમા બાઉન્સરનો સામનો કરતી વખતે ઈંગ્લેન્ડનો બેટ્સમેન બેયરસ્ટો નમી ગયો અને બોલ વિકેટકીપર એલેક્સ ક્યુરી પાસે ગયો હતો. બેયરસ્ટો સમજ્યો કે બોલ 'ડેડ' થઈ ગયો છે અને તે ક્રિઝની બહાર નીકળી ગયો. કેરીએ તેને સ્ટમ્પ આઉટ કર્યો. બેયરસ્ટો શોટ રમીને ક્રિઝની બહાર આવ્યો ત્યારે ઓસ્ટ્રેલિયન વિકેટકીપર કેરીએ તેને આઉટ કર્યો હતો. જોકે તે રન લઈ રહ્યો ન હતો. ઓસ્ટ્રેલિયાએ બીજી ટેસ્ટ 43 રને જીતીને એશિઝ શ્રેણીમાં 2-0ની લીડ મેળવી લીધી છે.
આ પણ વાંચો - ODI વર્લ્ડ કપ 2023 માં ક્વોલિફાય ન થયા બાદ આ ટીમના કેપ્ટને પદ પરથી આપ્યું રાજીનામું
ગુજરાત ફર્સ્ટ તમને સમાચારોથી હંમેશા અવગત રાખશે
ગુજરાતની નંબર 1 ગુજરાતી ન્યૂઝ ચેનલ એટલે ગુજરાત ફર્સ્ટ (Gujarat First) – જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ગુજરાત ફર્સ્ટ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android અને iOS એપ. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ