BCCI એ શુભમન ગિલને આપ્યો મોટો ઝટકો, વધુ એક ભૂલ થશે તો Banned...

IPL માં GT અને ચેન્નાઇ સુપર કિંગ્સ વચ્ચે 10 તારીખે મેચ રમાઈ હતી. આ મેચમાં GT એ ચેન્નાઇ સુપર કિંગ્સને 35 રનથી હરાવ્યું હતું. આ મેચમાં વિજય સાથે GT એ પ્લેઓફમાં જવાની આશા જીવંત રાખી છે. આ દરમિયાન BCCI એ GT ના કેપ્ટન શુભમન ગિલને મોટો ફટકો આપ્યો છે. વાસ્તવમાં શુભમન ગિલને શુક્રવારે નરેન્દ્ર મોદી સ્ટેડિયમમાં CSK સામે IPL 2024 ની મેચ દરમિયાન ધીમો ઓવર રેટ જાળવવા બદલ તેની મેચ ફીના 25 ટકા દંડ ફટકારવામાં આવ્યો છે.

શુભમન ગિલ પર પ્રતિબંધની ધમકી!

BCCI અને IPL એ દંડની પુષ્ટિ કરતું નિવેદન બહાર પાડ્યું હતું, જેમાં નોંધ્યું હતું કે ધીમા ઓવર રેટના ઉલ્લંઘનને લગતી IPL ની આચાર સંહિતા હેઠળ તે ટીમનો સીઝનનો બીજો ગુનો હતો. જેના કારણે, ઉલ્લંઘનની ગંભીરતાને દર્શાવતા, ગિલ પર 24 લાખ રૂપિયાનો દંડ ફટકારવામાં આવ્યો છે. વધુમાં, IPL ના નિયમો અનુસાર, ઈમ્પેક્ટ પ્લેયર્સ સહિત પ્લેઈંગ ઈલેવનના બાકીના સભ્યોને 6 લાખ રૂપિયા અથવા તેમની મેચ ફીના 25 ટકાના વ્યક્તિગત દંડનો સામનો કરવો પડ્યો હતો. આવી સ્થિતિમાં, જો શુભમન ગિલની કપ્તાનીવાળી GT ટીમ ફરી એકવાર આ નિયમનું ઉલ્લંઘન કરશે, તો ગિલ પર એક મેચનો પ્રતિબંધ મૂકવામાં આવશે.

કેવી રહી મેચ?

CSK ને મહત્વની મેચમાં GT સામે હારનો સામનો કરવો પડ્યો હતો. આ મેચમાં હાર સાથે તેની ટીમને પોઈન્ટ ટેબલમાં નેટ રન રેટમાં હારનો સામનો કરવો પડ્યો છે. આ મેચમાં CSK ના કેપ્ટન રૂતુરાજ ગાયકવાડે ટોસ જીતીને પ્રથમ બોલિંગ કરવાનો નિર્ણય કર્યો હતો. આ પછી પ્રથમ બેટિંગ કરતા GT ટીમે શુભમન ગિલ અને સાઈ સુદર્શનની સદીના આધારે 20 ઓવરમાં ત્રણ વિકેટ ગુમાવીને 231 રન બનાવ્યા હતા. આ મેચમાં શુભમને 55 બોલમાં 104 રનની શાનદાર ઈનિંગ રમી હતી અને સાઈ સુદર્શને 51 બોલમાં 103 રનની શાનદાર ઈનિંગ રમી હતી. જ્યારે બીજી ઈનિંગમાં CSK ટીમને શરૂઆતી ઝટકો લાગ્યો હતો અને આ મેચમાં તેમનો ટોપ ઓર્ડર સંપૂર્ણપણે નિષ્ફળ ગયો હતો. જોકે મિચેલ અને મોઈને વચ્ચેની ઓવરોમાં એકસાથે કેટલાક રન બનાવ્યા હતા, પરંતુ ટીમ 20 ઓવરમાં 8 વિકેટ ગુમાવીને માત્ર 196 રન સુધી જ પહોંચી શકી હતી અને GT એ આસાનીથી મેચ જીતી લીધી હતી.

આ પણ વાંચો : T20 WC 2024: ન્યૂઝીલેન્ડને મોટો ઝટકો, આ ખેલાડીએ લીધો સંન્યાસ

આ પણ વાંચો : PBKS VS RCB : RCB નો સતત ચોથો વિજય, પંજાબને તેના જ ઘરમાં આપી હાર

આ પણ વાંચો : ટીમ ઈન્ડિયાના આગામી Head Coach કોણ ? BCCI સેક્રેટરીએ કર્યો ખુલાસો