Jaishankar પાકિસ્તાનમાં એન્ટ્રી અને પાકિસ્તાન સરકારનો ચોંકાવનારો નિર્ણય...

• પાકિસ્તાનમાં શાંઘાઈ કોઓપરેશન ઓર્ગેનાઈઝેશન (SCO) સમિટ યોજાશે
• વિદેશ મંત્રી એસ. જયશંકર ઈસ્લામાબાદમાં યોજાનારી આ બેઠકમાં દેશનું પ્રતિનિધિત્વ કરશે
• જયશંકરની મુલાકાત વખતે પાકિસ્તાનમાં રસ્તા પર તૈનાત રહેશે પાકિસ્તાન આર્મી
• વિદેશ મંત્રી તરીકે જયશંકરની પાકિસ્તાનની પ્રથમ મુલાકાત

Jaishankar visits Pakistan : પાકિસ્તાન શાંઘાઈ કોઓપરેશન ઓર્ગેનાઈઝેશન (SCO) સમિટની યજમાની કરવા જઈ રહ્યું છે. તેમાં અનેક દેશોના રાષ્ટ્રાધ્યક્ષો ભાગ લે તેવી શક્યતા છે. ભારત પણ SCO નું સભ્ય છે અને વિદેશ મંત્રી એસ. જયશંકર (Jaishankar visits Pakistan)ઈસ્લામાબાદમાં યોજાનારી આ બેઠકમાં દેશનું પ્રતિનિધિત્વ કરશે. ચીન અને રશિયા જેવા દેશો પણ તેના સભ્ય છે. હવે પાડોશી દેશ પાકિસ્તાનથી મોટા સમાચાર આવી રહ્યા છે. ઈસ્લામાબાદમાં SCO સમિટ પહેલા સુરક્ષા માટે સૈનિકો તૈનાત કરવાનો નિર્ણય લેવામાં આવ્યો છે. સેનાના જવાનો શહેરની સુરક્ષામાં મહત્વની ભૂમિકા ભજવશે. આ અંગે સરકારે આદેશ પણ જારી કર્યો છે.

રાજધાની ઈસ્લામાબાદમાં કાયદો અને વ્યવસ્થા જાળવવા માટે સેનાને તૈનાત કરવાનો નિર્ણય

પાકિસ્તાન સરકારે શુક્રવારે SCO સમિટ દરમિયાન રાજધાની ઈસ્લામાબાદમાં કાયદો અને વ્યવસ્થા જાળવવા માટે સેનાને તૈનાત કરવાનો નિર્ણય લીધો છે. પાકિસ્તાન પહેલીવાર 15-16 ઓક્ટોબરે આ શિખર બેઠકનું આયોજન કરવા જઈ રહ્યું છે. ગૃહ મંત્રાલય દ્વારા જારી કરાયેલા આદેશ અનુસાર, સેનાને તૈનાત કરવાનો નિર્ણય બંધારણની કલમ 245 હેઠળ લેવામાં આવ્યો છે, જે સરકારને શાંતિ જાળવવામાં નાગરિક પ્રશાસનને મદદ કરવા માટે સેનાને તૈનાત કરવાનો અધિકાર આપે છે. મંત્રાલયે કહ્યું કે કેન્દ્ર સરકારે રાજધાની ઈસ્લામાબાદમાં 5 થી 17 ઓક્ટોબર સુધી સેના તૈનાત કરવાનો નિર્ણય લીધો છે.

આ પણ વાંચો----Pakistan : શિયા-સુન્ની આવ્યા આમને-સામને, હિંસામાં 25 લોકોના મોત

સુરક્ષાની જવાબદારી સેનાના ખભા પર

સરકારી આદેશ અનુસાર, સેના ઈસ્લામાબાદમાં મોટી સરકારી ઈમારતો અને સંવેદનશીલ વિસ્તારોની સુરક્ષાની જવાબદારી સંભાળશે. જો કે રાજધાનીમાં પાકિસ્તાની રેન્જર્સના સૈનિકો પહેલેથી જ તૈનાત છે. આમ છતાં SCO સમિટ દરમિયાન સુરક્ષાને વધુ મજબૂત કરવા માટે સેનાને તૈનાત કરવામાં આવશે. કેન્દ્ર સરકારે આ કાર્યક્રમની તૈયારીઓ પૂર્ણ કરી લીધી છે, જેમાં SCOના 8 સભ્ય દેશોના રાજ્યોના વડાઓ અને પ્રતિનિધિમંડળો ભાગ લેશે.

જયશંકર પાકિસ્તાન જશે

પાકિસ્તાનના ગૃહમંત્રી મોહસિન નકવીએ કહ્યું કે SCO સમિટની સુરક્ષા વ્યવસ્થા માટે પાકિસ્તાન આર્મી, રેન્જર્સ, ફ્રન્ટિયર કોર્પ્સ (FC) અને પંજાબ પોલીસના વધારાના જવાનોને તૈનાત કરવામાં આવશે. કાઉન્સિલ ઓફ હેડ્સ ઓફ ગવર્નમેન્ટ (SCO-CHG)ની બેઠકમાં ભાગ લેવા માટે વિદેશ મંત્રી એસ જયશંકરની પાકિસ્તાનની મુલાકાતની જાહેરાત વચ્ચે પાકિસ્તાને આ નિર્ણય લીધો છે.

વિદેશ મંત્રી તરીકે જયશંકરની પાકિસ્તાનની પ્રથમ મુલાકાત

ભારતીય વિદેશ મંત્રાલયના પ્રવક્તા રણધીર જયસ્વાલે કહ્યું કે વિદેશ મંત્રી 15 અને 16 ઓક્ટોબરે ઈસ્લામાબાદમાં યોજાનારી SCO સમિટમાં ભાગ લેવા માટે અમારા પ્રતિનિધિમંડળનું નેતૃત્વ કરશે. જો કે, તેમણે એ નથી જણાવ્યું કે જયશંકર આ બેઠકની બાજુમાં પાકિસ્તાનના કોઈ નેતાને મળશે કે નહીં. લગભગ એક દાયકામાં કોઈ ભારતીય વિદેશ મંત્રીની પાકિસ્તાનની આ પહેલી મુલાકાત હશે. SCOની રચના વર્ષ 2001માં થઈ હતી. તેનો ઉદ્દેશ્ય આ ક્ષેત્રમાં રાજકીય, આર્થિક અને સુરક્ષા સહયોગને પ્રોત્સાહન આપવાનો છે.

આ પણ વાંચો----Pakistan ના ખૈબર પખ્તુનખ્વામાં ફરી આતંકી હુમલો, 6 સુરક્ષાકર્મીઓના મોત, 11 ઘાયલ