Asia Cup 2023 : 11 મી વખત એશિયા કપની ફાઇનલમાં ભારતની એન્ટ્રી, ટાઈટલ મેચ શ્રીલંકા અથવા પાકિસ્તાનમાંથી કોઈ એક સામે રમાશે

ભારતે મંગળવારે સુપર-4 મેચમાં શ્રીલંકાને 41 રને હરાવીને 11મી વખત એશિયા કપની ફાઇનલમાં પ્રવેશ કર્યો છે. ભારત આ પહેલા 10 વખત એશિયા કપની ફાઈનલ રમ્યું છે. 10 ફાઈનલ રમીને ભારત અત્યાર સુધીમાં 7 વખત એશિયા કપ ટ્રોફી કબજે કરી ચૂક્યું છે. ટીમ ઈન્ડિયાની નજર હવે એશિયા કપના આઠમા ટાઈટલ પર છે. એશિયા કપ 2023ની ફાઇનલમાં ભારતનો મુકાબલો પાકિસ્તાન અથવા શ્રીલંકામાંથી એક થઈ શકે છે. ગુરુવારે 14 સપ્ટેમ્બરે પાકિસ્તાન અને શ્રીલંકા વચ્ચે સુપર-4 મેચ રમાશે. આ મેચમાં જે પણ ટીમ વિજેતા બનશે તે એશિયા કપ 2023ની ફાઈનલ મેચ 17 સપ્ટેમ્બરે ભારત સામે રમશે.

𝗧𝗵𝗿𝗼𝘂𝗴𝗵 𝘁𝗼 𝘁𝗵𝗲 𝗙𝗶𝗻𝗮𝗹! 🙌

Well done #TeamIndia 👏👏#AsiaCup2023 | #INDvSL pic.twitter.com/amuukhHziJ

— BCCI (@BCCI) September 12, 2023

ભારત 11મી વખત એશિયા કપની ફાઇનલમાં પ્રવેશ્યું છે

એશિયા કપ 2023માં મંગળવારે સુપર-4 મેચમાં ભારતે શ્રીલંકાને 41 રને હરાવ્યું હતું. એશિયા કપ 2023માં ભારતની 4 મેચમાં આ ત્રીજી જીત છે. ભારતે આ પહેલા એશિયા કપ 2023ની ગ્રુપ-A મેચમાં નેપાળને 10 વિકેટ (DLS)ના માર્જીનથી હરાવ્યું હતું. આ સિવાય 2 સપ્ટેમ્બરે એશિયા કપ 2023ના ગ્રુપ-Aમાં પાકિસ્તાન સામે ભારતની બીજી મેચ વરસાદને કારણે અનિર્ણિત રહી હતી. સુપર-4ની પોતાની પહેલી જ મેચમાં ભારતે પાકિસ્તાનને 228 રનથી હરાવી શાનદાર શરૂઆત કરી હતી. સુપર-4માં શ્રીલંકા સામેની મેચ 41 રને જીતીને ભારત હવે 11મી વખત એશિયા કપની ફાઇનલમાં પ્રવેશ્યું છે.

Consecutive wins in Colombo for #TeamIndia 🙌

Kuldeep Yadav wraps things up in style as India complete a 41-run victory over Sri Lanka 👏👏

Scorecard ▶️ https://t.co/P0ylBAiETu#AsiaCup2023 | #INDvSL pic.twitter.com/HUVtGvRpnG

— BCCI (@BCCI) September 12, 2023

ભારતની જીતમાં આ ખેલાડીઓ ચમક્યા હતા

ભારતીય ટીમે ટોસ જીતીને પ્રથમ બેટિંગ કરીને 213 રન બનાવ્યા હતા. શ્રીલંકા તરફથી ડુનિથ વેલાલેગે સૌથી વધુ 5 વિકેટ લીધી હતી. કોલંબોના આર પ્રેમદાસા સ્ટેડિયમની પીચ પર દુનિથ વેલાલાગે શુભમન ગિલ (19), વિરાટ કોહલી (3), રોહિત શર્મા (53), કેએલ રાહુલ (39) અને હાર્દિક પંડ્યા (5)ને પેવેલિયનનો રસ્તો બતાવ્યો હતો. જવાબમાં શ્રીલંકાની ટીમ 172 રનમાં સમેટાઈ ગઈ હતી. શ્રીલંકા તરફથી દુનિત વેલાલેગે સૌથી વધુ અણનમ 42 રન બનાવ્યા હતા. ધનંજય ડી સિલ્વાએ 41 રન બનાવ્યા હતા. બંનેએ 7મી વિકેટ માટે 63 રનની ભાગીદારી કરી હતી. ભારત તરફથી કુલદીપ યાદવે 4, રવિન્દ્ર જાડેજા અને જસપ્રિત બુમરાહે 2-2 વિકેટ ઝડપી હતી. આ સિવાય મોહમ્મદ સિરાજ અને હાર્દિક પંડ્યાએ 1-1 વિકેટ લીધી હતી.

Asia Cup 2023 | India defeat Sri Lanka by 41 runs in the fourth match of Super Fours

(Pic: BCCI) pic.twitter.com/xMrdCi2TzO

— ANI (@ANI) September 12, 2023

ટીમ ઈન્ડિયાએ 213 રન બનાવ્યા હતા

અગાઉ, દુનિથ વેલાલાગે (40 રનમાં પાંચ વિકેટ) અને ચરિત અસલંકાના (18 રનમાં ચાર વિકેટ)ના કારકિર્દીના સર્વશ્રેષ્ઠ પ્રદર્શનના આધારે શ્રીલંકાએ ભારતીય ટીમને 49.1 ઓવરમાં 213 રનમાં આઉટ કરી દીધી હતી. છેલ્લી 13 મેચોમાં સતત જીતનો સ્વાદ ચાખતા શ્રીલંકા માટે લેફ્ટ આર્મ સ્પિનર ​​વેલાલાગે તેની કારકિર્દીમાં પ્રથમ વખત 10 ઓવરમાં 40 રન આપીને પાંચ વિકેટ લીધી હતી, જ્યારે આ મેચ પહેલા તેણે 38 રનમાં માત્ર એક જ વિકેટ લીધી હતી. મેચ ODI કારકિર્દી. જમણા હાથના કામચલાઉ બોલર અસલંકાએ તેની 9 ઓવરમાં માત્ર 18 રન જ ખર્ચ્યા. મહિષ તીક્ષાણાને સફળતા મળી.