Election : PM MODI એ જાતે સંભાળ્યો મોરચો, આજે સાંજે BJP ની મહત્વની બેઠક
આગામી કેટલાક મહિનામાં યોજાનારી અનેક રાજ્યોની વિધાનસભાની ચૂંટણી ( assembly elections) માટે ભાજપે (BJP) તૈયારીઓ તેજ કરી દીધી છે. પીએમ નરેન્દ્ર મોદી (narendra modi) પોતે આ તૈયારીઓની સમીક્ષા કરી રહ્યા છે અને આજે ભાજપ મુખ્યાલયમાં તેમની અધ્યક્ષતામાં એક બેઠક યોજાવા...
આગામી કેટલાક મહિનામાં યોજાનારી અનેક રાજ્યોની વિધાનસભાની ચૂંટણી ( assembly elections) માટે ભાજપે (BJP) તૈયારીઓ તેજ કરી દીધી છે. પીએમ નરેન્દ્ર મોદી (narendra modi) પોતે આ તૈયારીઓની સમીક્ષા કરી રહ્યા છે અને આજે ભાજપ મુખ્યાલયમાં તેમની અધ્યક્ષતામાં એક બેઠક યોજાવા જઈ રહી છે. સાંજે યોજાનારી આ બેઠકમાં ચૂંટણીની તૈયારીઓ અંગે ચર્ચા કરવામાં આવશે. આ બેઠકમાં અમિત શાહ, પાર્ટી અધ્યક્ષ જેપી નડ્ડા અને કેન્દ્રીય ચૂંટણી સમિતિ (Central Election Committee)ના અન્ય સભ્યો પણ હાજર રહેશે. ભાજપની કેન્દ્રીય ચૂંટણી સમિતિ એ પક્ષની સર્વોચ્ચ સંસ્થાઓમાંની એક છે, જે ચૂંટણીની વ્યૂહરચના બનાવે છે. આ ઉપરાંત ઉમેદવારોની પસંદગી પર પણ તેની મહોર લાગે છે.
રાજસ્થાન, મધ્યપ્રદેશ, છત્તીસગઢ અને તેલંગાણામાં વિધાનસભાની ચૂંટણી
સામાન્ય રીતે કેન્દ્રીય ચૂંટણી સમિતિની બેઠકો ચૂંટણીની જાહેરાત પછી જ યોજાતી હોય છે, પરંતુ કેટલાક મહિનાઓ અગાઉ બેઠક બોલાવવી એ દર્શાવે છે કે ભાજપ કોઈ ચાન્સ લેવા માંગતું નથી. આ વર્ષે રાજસ્થાન, મધ્યપ્રદેશ, છત્તીસગઢ અને તેલંગાણામાં વિધાનસભાની ચૂંટણીઓ યોજાવા જઈ રહી છે. આ સિવાય પૂર્વોત્તર રાજ્ય મિઝોરમમાં પણ ચૂંટણી યોજાવાની છે. તેમાંથી છત્તીસગઢ, રાજસ્થાન અને તેલંગાણામાં વિપક્ષની સરકાર છે. ભાજપ 2024ની સામાન્ય ચૂંટણી પહેલા અહીં જીતવા માંગે છે. ત્રણેય રાજ્યોમાં મોટી સંખ્યામાં લોકસભા બેઠકો છે.
મધ્યપ્રદેશ માટે રણનીતિ
મિઝોરમમાં પણ ભાજપ માટે સ્થિતિ બહુ અનુકૂળ દેખાતી નથી. મિઝોરમમાં ભાજપના સહયોગી મિઝો નેશનલ ફ્રન્ટે સંસદમાં તાજેતરના વિશ્વાસ મત દરમિયાન તેની વિરુદ્ધ મતદાન કર્યું હતું. પાર્ટીએ ભાજપ પર મણિપુરની સ્થિતિને સંભાળવામાં નિષ્ફળ જવાનો આરોપ લગાવ્યો. જ્યારે મધ્યપ્રદેશમાં ભલે ભાજપ લાંબા સમય સુધી સત્તામાં રહ્યું હોય પરંતુ આ વખતે કોંગ્રેસ એકજૂથ જોવા મળી રહી છે. બે દાયકાની એન્ટી ઈન્કમ્બન્સી અને કોંગ્રેસની તાકાત તેમના માટે પડકાર બની શકે છે. પરંતુ ભાજપ શિવરાજ સિંહ ચૌહાણનો ચહેરો અને લાડલી બહના યોજના જેવી નવી યોજનાઓ દ્વારા નવો પ્રવેશ કરવાનો પ્રયાસ કરી રહી છે.
લોકસભા ચૂંટણીમાં પણ તેનો ફાયદો મેળવવા માંગે છે
મધ્યપ્રદેશ, રાજસ્થાન અને છત્તીસગઢ ભાજપ માટે ખાસ મહત્વના છે. આ ત્રણ રાજ્યોમાંથી કુલ 65 લોકસભા સીટો આવે છે. આવી સ્થિતિમાં, ભાજપ ત્રણેય રાજ્યોમાં સત્તા પર પહોંચવા અને લોકસભા ચૂંટણીમાં પણ તેનો ફાયદો મેળવવા માંગે છે. આ ચૂંટણીઓને 2024ની સેમિફાઇનલ તરીકે પણ જોવામાં આવી રહી છે. જો કે 2018માં રાજસ્થાન, મધ્યપ્રદેશ અને છત્તીસગઢમાં ભાજપનો પરાજય થયો હતો, પરંતુ 2019ની સામાન્ય ચૂંટણીમાં તેને બમ્પર જીત મળી હતી. જો કે, બાદમાં મધ્યપ્રદેશમાં પણ તેણે સિંધિયા જૂથને તોડીને ફરીથી સત્તા મેળવી.
Advertisement