America: નવા વર્ષની ઉજવણી કરી રહેલા લોકો પર ટ્રક ચઢાવી અંધાધૂંધ ગોળીબાર થયો, 12ના મોત 30 ઘાયલ
- આ ઘટના બોર્બન સ્ટ્રીટ અને ઇબરવિલેના ચાર રસ્તા પર બની
- ડ્રાઈવરે ટ્રકમાંથી નીચે ઉતરતાની સાથે જ ભીડ પર ગોળીબાર શરૂ કરી દીધો
- શંકાસ્પદની ધરપકડ અંગે હજુ સુધી કોઈ માહિતી બહાર આવી નથી
America ના ન્યૂ ઓર્લિયન્સમાં સવારે એક ટ્રકે ભીડને કચડી નાખી, જેમાં 12 લોકોએ જીવ ગુમાવ્યા અને 30થી વધુ ઘાયલ થયા છે. આ ઘટના બોર્બન સ્ટ્રીટ અને ઇબરવિલેના ચાર રસ્તા પર બની છે. તેમજ ડ્રાઈવરે ભીડ પર ગોળીબાર શરૂ કર્યો, જેના કારણે પોલીસ સાથે અથડામણ થઈ છે. ઘાયલોને સ્થાનિક હોસ્પિટલોમાં દાખલ કરવામાં આવ્યા છે.
At least 10 dead and 30 injured after SUV rammed into crowds celebrating the New Year on Bourbon Street in New Orleans' French Quarter. The driver got out, 'wearing full body armor' and 'armed with an assault rifle' and started firing a weapon, citing witnesses.
Video cr @alex504 pic.twitter.com/An4tIE8G5f— michaelstrahan2.0 (@michaeI_strahan) January 1, 2025
ન્યુ ઓર્લિયન્સમાં એક દુઃખદ અકસ્માત સર્જાયો
અમેરિકા (America)ના ન્યુ ઓર્લિયન્સમાં એક દુઃખદ અકસ્માત સર્જાયો છે. અહીં એક ટ્રકે તેજ ગતિએ ભીડને ટક્કર મારી હતી. જેમાં લોકો નવા વર્ષની ઉજવણી કરી રહ્યા હતા. આ અકસ્માતમાં 12 લોકોના મોત થયા છે અને 30થી વધુ લોકો ઘાયલ થયા છે. આ ઘટના સવારે 3.15 વાગ્યાની આસપાસ બોર્બોન સ્ટ્રીટ અને ઇબરવિલેના ચાર રસ્તા પર બની છે જેમાં આ ચાર રસ્તા નાઇટલાઇફ અને વાઇબ્રન્ટ કલ્ચર માટે પ્રખ્યાત છે.
ડ્રાઈવરે ટ્રકમાંથી નીચે ઉતરતાની સાથે જ ભીડ પર ગોળીબાર શરૂ કરી દીધો
અહેવાલો પ્રમાણે, ડ્રાઈવરે ટ્રકમાંથી નીચે ઉતરતાની સાથે જ ભીડ પર ગોળીબાર શરૂ કરી દીધો હતો. ઘટના સ્થળેથી જાહેર કરાયેલા વીડિયોમાં લોકોને રસ્તા પર ઉભેલા જોઈ શકાય છે અને ગોળીબારનો અવાજ સંભળાય છે. ઇજાગ્રસ્ત લોકો શેરીઓમાં જોઈ શકાય છે. એવું માનવામાં આવે છે કે ઘટના સ્થળે જ ઘણા લોકોના મોત થયા હતા. પ્રત્યક્ષદર્શીઓના જણાવ્યા પ્રમાણે, ન્યૂ ઓર્લિયન્સ પોલીસે પણ શંકાસ્પદ વ્યક્તિ પર ગોળીબાર કર્યો હતો. ઘટના બાદ પીડિતોને સારવાર માટે સ્થાનિક હોસ્પિટલમાં લઈ જવામાં આવ્યા હતા.
ઓર્લિયન્સમાં કટોકટી જેવી પરિસ્થિતિ
અકસ્માત અને ફાયરિંગની ઘટના બાદ આ વિસ્તારમાં સુરક્ષા વધારી દેવામાં આવી છે અને ઘટના સ્થળે ઈમરજન્સી જેવી સ્થિતિ સર્જાઈ છે. વીડિયો અને ફોટામાં પોલીસ (Police)ની કાર, એમ્બ્યુલન્સ અને કોરોનરની ઓફિસના વાહનો જોવા મળે છે, જ્યાં સ્થાનિક સત્તાવાળાઓ કેસની તપાસ કરી રહ્યા છે અને શંકાસ્પદ વ્યક્તિને પકડવાનો પ્રયાસ કરી રહ્યાં છે.
આ પણ વાંચો: Sunita Williams 16મી વખત અવકાશમાં કરી નવા વર્ષની ઉજવણી, જુઓ તસવીરો
જાન-માલના ભારે નુકસાનનો ભય
ન્યૂ ઓર્લિયન્સ પોલીસ વિભાગના પ્રવક્તાએ જણાવ્યું હતું કે "પ્રારંભિક અહેવાલો સૂચવે છે કે એક વાહને લોકોના જૂથને ટક્કર મારી હતી. જો કે, જાનહાનિ અને સંપત્તિના નુકસાનની હદ નક્કી કરવામાં આવી નથી અને કેટલાક લોકોના મૃત્યુની પુષ્ટિ કરવામાં આવી હતી. એવું કહેવામાં આવી રહ્યું છે કે નવા વર્ષની ઉજવણી કરવા માટે નજીકની બોર્બન સ્ટ્રીટ પર હજારો લોકો એકઠા થયા હતા. પોલીસે (Police) લોકોને અપીલ કરી છે કે તેઓ હાલ આ વિસ્તારમાં મુસાફરી કરવાનું ટાળે કારણ કે ઈમરજન્સી ટીમો ઘટનાની તપાસ કરી રહી છે.શંકાસ્પદની ધરપકડ અંગે હજુ સુધી કોઈ માહિતી બહાર આવી નથી.
આ પણ વાંચો: New Year 2025 નું ન્યુઝીલેન્ડમાં ગ્રાન્ડ સ્વાગત, ઓકલેન્ડમાં ભવ્ય આતશબાજી સાથે ઉજવણી
