અમદાવાદ પોલીસ ડ્રોન કેમેરાથી રાખી રહી છે બાજનજર, પહેલીવાર થઈ રહ્યો છે આ સિસ્ટમનો ઉપયોગ
અમદાવાદમાં ભગવાન જગન્નાથજીની 146મી રથયાત્રાનો પ્રારંભ થઈ ચૂક્યો છે. આ વખતે રથયાત્રામાં સુરક્ષાને લઈને ગુજરાત પોલીસ દ્વારા ટેથર્ડ ડ્રોનનો ઉપયોગ કરવામાં આવી રહ્યો છે. આ ડ્રોનની મદદથી ગુજરાત પોલીસ મોનિટરિંગ કરશે અને અસામાજિક તત્વો પર ચાંપતી નજર રાખશે.
#RathYatra2023 | ભગવાન જગન્નાથની રથયાત્રાનો અદભુત ડ્રોન નજારો #RathYatraAhmedabad #RathYatra #Rathyatra2023 #JagannathRathYatra #DivineChariot #PuriRathYatra #FestivalofChariots #DevotionalJourney #RathayatraCelebration #ChariotFestival #Pilgrimage2023 #Ahmedabad @Bhupendrapbjp… pic.twitter.com/M05NC9tPQ7
— Gujarat First (@GujaratFirst) June 20, 2023
તમને જણાવી દઈએ કે, રથયાત્રામાં પ્રથમ વખત 3ડી મેપિંગ કરવામાં આવ્યું છે. આ 3D મેપિંગ માટે 1600 ફૂટની ઊંચાઈથી વિઝ્યુઅલ લેવામાં આવી રહ્યા છે. વર્ચ્યુઅલ રિયાલિટી દ્વારા રથયાત્રા રૂટનું શૂટિંગ કરવામાં આવી રહ્યું છે અને તેની સાથે જ તમામ સ્થળે શું પરિસ્થિતિ છે, તે તમામ માહિતી પોલીસ કંટ્રોલરૂમ મેળવી રહી છે.
Ahmedabad city police control room video wall.
Using latest technologies of 3D mapping, layering, AI imaging pic.twitter.com/Y3MUyImRTj— Harsh Sanghavi (@sanghaviharsh) June 20, 2023
ભગવાન જગન્નાથની રથયાત્રામાં આ વખતે ભગવાનનો રથ ખરેખર ક્યાં પહોંચ્યો, તેની પળેપળની ખબર પોલીસને મળી રહી છે. કારણ કે, આ વખતે રથયાત્રાની સાથે જીપીએસ કનેક્ટ વાહનો તેમજ રથની મૂવમેન્ટ ક્યાં છે અને કયા રથનું ક્યાં લોકેશન છે? તે સ્પષ્ટ જાણી શકાય છે. આ માટે અમદાવાદ ક્રાઈમ બ્રાન્ચ અને શહેર પોલીસ દ્વારા ખાસ પ્લાન તૈયાર કરવામાં આવ્યો હતો.
#RathYatra2023 Police control room, Ahmadabad city @sanghaviharsh @GujaratPolice @InfoGujarat pic.twitter.com/X93ZTYvsBT
— Ahmedabad Police અમદાવાદ પોલીસ (@AhmedabadPolice) June 20, 2023
આ સાથે જ પોલીસે હર્ષ સંઘવીને રથયાત્રાનું લાઈવ બતાવી પૂરી સિસ્ટમ કઈ રીતે કામ કરે છે, તે સમજાવ્યું હતું. અહીં ઉલ્લેખનીય છે કે, વડોદરામાં હનુમાન જયંતીની શોભાયાત્રામાં થયેલ પથ્થરમારા બાદ ગુજરાત હાઈકોર્ટે આ પ્રકારના ધાર્મિક તહેવારો કે પછી રથયાત્રાઓનું લાઈવ ડ્રોનથી રેકોર્ડિંગ કરવાનું જણાવ્યું હતું. આ લાઈવ રેકોડિંગના કારણે કોમી રમખાણો કે અન્ય કોઈ ઘટનાને બનતા ટાળી શકાય છે.
આ પણ વાંચો : ડાકોરના કાળીયા ઠાકોરની રથયાત્રા આવતીકાલે યોજાશે, વાંચો કેમ..!