Mary Millben : નીતિશ કુમારની 'અભદ્ર વાણી' પર ભડકી અમેરિકી સિંગર..! વાંચો અહેવાલ

બિહારના મુખ્યમંત્રી નીતિશ કુમાર ના વિવાદાસ્પદ નિવેદનની આફ્રિકી અમેરિકી એક્ટ્રેસ અને સિંગર મેરી મિલબેન એ નિંદા કરી તેમના રાજીનામાની માગ કરી છે. તેમણે પીએમ મોદીના વખાણ કરતાં કહ્યું કે તેઓ મહિલાઓની પાછળ ઉભા છે. મિલબેન એ ભારત અને ભારતીય નાગરીકોની પ્રગતિ માટે પીએમ મોદીને સૌથી શ્રેષ્ઠ નેતા ગણાવ્યા હતા.

'આજે ભારત નિર્ણાયક ક્ષણનો સામનો કરી રહ્યું છે

આફ્રિકન-અમેરિકન ગાયક મેરી મિલબેન એ એક વીડિયો જાહેર કરીને કહ્યું કે, 'આજે ભારત નિર્ણાયક ક્ષણનો સામનો કરી રહ્યું છે, બિહારના મુખ્યમંત્રી નીતીશ કુમારની ટિપ્પણી પછી હું માનું છું કે એક હિંમતવાન મહિલાએ આગળ આવીને બિહારના મુખ્યમંત્રી પદ માટે ચૂંટણી લડવી જોઈએ. પોતાની ઉમેદવારી જાહેર કરવી જોઈએ.

'...તો હું ચૂંટણી લડત'

મિલબેન એ કહ્યું, 'જો હું ભારતની નાગરિક હોત તો બિહાર જઈને મુખ્યમંત્રી પદ માટે ચૂંટણી લડી હોત... હું માનું છું કે નીતિશ કુમારે રાજીનામું આપવાનો સમય આવી ગયો છે.' તેમણે કહ્યું, 'બિહારમાં નેતૃત્વ કરવા માટે ભાજપે મહિલાઓને સશક્ત બનાવવી જોઈએ. આ મહિલા સશક્તિકરણ અને વિકાસની સાચી ભાવના હશે.'

'2024ની ચૂંટણીની મોસમ શરૂ થઈ ગઈ છે'

આફ્રિકન-અમેરિકન ગાયકે કહ્યું, '2024ની ચૂંટણીની સિઝન સમગ્ર વિશ્વમાં શરૂ થઈ ગઈ છે, અહીં અમેરિકામાં અને અલબત્ત ભારતમાં પણ. ચૂંટણીની મોસમ પરિવર્તનની તક પૂરી પાડે છે, જૂની નીતિઓ અને બિન-પ્રગતિશીલ નીતિઓને દૂર કરવાની અને એવા અવાજો અને મૂલ્યો લાવવાની કે જે તમામ નાગરિકોની માન્યતાઓને પ્રેરણા આપે છે અને સાચી રીતે જોડે છે અને જે રાષ્ટ્રને એક કરે છે અને એક રાષ્ટ્રના સામુહિક ભવિષ્ય માટે સૌથી શ્રેષ્ઠ છે.

'PM મોદી ભારત માટે શ્રેષ્ઠ નેતા છે'

મિલબેને કહ્યું, 'ઘણા લોકો પૂછે છે કે હું શા માટે વડાપ્રધાન મોદીને સમર્થન આપું છું અને શા માટે હું ભારતની બાબતોને આટલી નજીકથી ફોલો કરું છું. જવાબ સરળ છે. હું ભારતને પ્રેમ કરું છું... અને હું માનું છું કે વડાપ્રધાન મોદી ભારતની પ્રગતિ માટે શ્રેષ્ઠ નેતા છે. તેઓ યુએસ-ભારત સંબંધો અને વિશ્વની વૈશ્વિક આર્થિક સ્થિરતા માટે શ્રેષ્ઠ નેતા છે...વડાપ્રધાન મહિલાઓની તરફેણમાં છે.

આ પણ વાંચો---- અયોધ્યામાં પહેલીવાર CM યોગીનો ‘દરબાર’, કેબિનેટ સભ્યોએ હનુમાનગઢીમાં પૂજા અર્ચના કરી