Assembly Elections : મધ્યપ્રદેશમાં 71.16 ટકા અને છત્તીસગઢમાં 67.34% મતદાન

મધ્યપ્રદેશ અને છત્તીસગઢમાં વિધાનસભા ચૂંટણી માટે આજે સાંજે 5 વાગે મતદાન પૂર્ણ થયું છે. સાંજે 5 વાગ્યા સુધી મધ્યપ્રદેશમાં 71.16% મતદાન થયું છે. જ્યારે છત્તીસગઢમાં 67.34% મતદાન નોંધાયું હતું.

માલવા જિલ્લામાં સૌથી વધુ મતદાન

મધ્યપ્રદેશમાં વિધાનસભા ચૂંટણી માટે શુક્રવારે મતદાન થયું હતું. સાંજે 5 વાગ્યા સુધી રાજ્યમાં 71.16% મતદાન થયું હતું. અગાઉ 3 વાગ્યા સુધી 60.52 ટકા, 1 વાગ્યા સુધી 45.40 ટકા અને સવારે 11 વાગ્યા સુધી 28.18 ટકા મતદાન થયું હતું. મધ્યપ્રદેશમાં, 71.16% લોકોએ સાંજે 5 વાગ્યા સુધી તેમના મતાધિકારનો ઉપયોગ કર્યો. અગર માલવા જિલ્લામાં સૌથી વધુ મતદાન થયું હતું. અહીં સાંજે 5 વાગ્યા સુધી 82 ટકા મતદાન નોંધાયું હતું.

છત્તીસગઢમાં 67.34% મતદાન

છત્તીસગઢની 70 વિધાનસભા સીટો પર બીજા તબક્કાનું મતદાન સમાપ્ત થઈ ગયું છે. તમામ બેઠકો પર મતદાનનો સમય સાંજે 5 વાગ્યાનો રાખવામાં આવ્યો હતો. બીજા તબક્કાના મતદાનમાં સાંજે 5 વાગ્યા સુધી છત્તીસગઢમાં 67.34% મતદાન નોંધાયું હતું.

સાંજે 5 વાગ્યા સુધી સૌથી વધુ મતદાન ધમતરીમાં

ચૂંટણી પંચના જણાવ્યા અનુસાર, સાંજે 5 વાગ્યા સુધી સૌથી વધુ મતદાન ધમતરીમાં થયું હતું, જ્યાં 79.89% લોકોએ મતદાન કર્યું હતું. જ્યારે સૌથી ઓછું મતદાન રાયપુરમાં થયું હતું, અહીં 58.83 ટકા લોકોએ તેમના મતાધિકારનો ઉપયોગ કર્યો હતો.

આ પણ વાંચો----હું નાનપણથી ગરબા નથી રમ્યો : PM MODI