iPhone 16 ખુબ જ ખતરનાક, ભારત સરકારે આ મોડલ અંગે આપી ચેતવણી

iPhone 16 Series CERT-In High Risk Warning : Apple ધ્વારા હાલમાં જ નવી iPhone 16 સિરીઝ લૉન્ચ કરી છે, પરંતુ તેમાં અનેક ખામીઓ હોવાનો ચોંકાવનારો ખુલાસો થયો છે. ભારતીય કમ્પ્યુટર ઇમર્જન્સી રિસ્પોન્સ ટીમ એટલે કે CERT-In એ Apple ની અનેક પ્રોડક્ટમાં ગંભીર સુરક્ષા ક્ષતીઓ શોધી કાઢી છે. આ આ ક્ષતીઓનો લાભ લઈને, હેકર્સ ઉપકરણને હેક કરી શકે છે અને તમારી વ્યક્તિગત માહિતીની ચોરી કરે તેવી પણ શક્યતા છે. ઉપકરણને નુકસાન પહોંચાડી શકે છે અથવા તમારા ઉપકરણ પર નિયંત્રણ પણ લઈ શકે છે.

એપલના કયા ઉત્પાદનોને અસર થાય છે?

સરકારી એજન્સીના જણાવ્યા અનુસાર, iPhone, iPad, Mac, Apple Watch, Apple TV અને Apple ના ડેવલપમેન્ટ ટૂલ્સ Xcode સહિત લગભગ તમામ Apple ઉત્પાદનોમાં આ ખામીઓ જોવા મળી છે. CERT-In એ એક યાદી પણ બહાર પાડી હતી. જેમાં કહેવામાં આવ્યું છે કે, iOS, iPadOS, macOS, watchOS અને visionOS પર ચાલતા ઉપકરણો પર મોટુ જોખમ છે.

અનેક પ્રકારના હુમલા થઈ શકે છે અને આ ખામીઓનો લાભ લઈને, હેકર્સ તમારા ઉપકરણ પર ઘણા પ્રકારના હુમલાઓ કરી શકે છે.

• વ્યક્તિગત માહિતીની ચોરી: હેકર્સ તમારા ફોટા, વીડિયો, સંદેશાઓ અને અન્ય સંવેદનશીલ ડેટાને ઍક્સેસ કરી શકે છે.
• ઉપકરણને નુકસાન: હેકર્સ તમારા ઉપકરણને ક્રેશ કરી શકે છે અથવા તેને સંપૂર્ણપણે નકામું બનાવી શકે છે.
• ઉપકરણ નિયંત્રણ: હેકર્સ તમારા ઉપકરણને રિમોટ પર લઇને નિયંત્રિત કરી શકે છે, જેમ કે તમારા કેમેરા અને માઇક્રોફોનનો ઉપયોગ પણ કરી શકે છે.
• નેટવર્ક હુમલા: હેકર્સ તમારા ઉપકરણનો ઉપયોગ અન્ય ઉપકરણો અથવા નેટવર્ક પર હુમલો કરવા માટે કરી શકે છે.

તો હવે તમારો ફોન કઇ રીતે સુરક્ષીત રાખી શકશો?

• તમારા ઉપકરણને અપડેટ કરો: Apple એ આ ખામીઓને સુધારવા માટે નવા સોફ્ટવેર અપડેટ્સ બહાર પાડ્યા છે. તમારા iPhone, iPad, Mac અને Appleના અન્ય ઉપકરણોને શક્ય તેટલી વહેલી તકે નવું સોફ્ટવેર અપડેટ કરો.
• સાવચેત રહો: ​​અજાણ્યા સ્ત્રોતોમાંથી એપ્લિકેશન્સ ડાઉનલોડ કરશો નહીં અને શંકાસ્પદ લિંક્સ પર ક્લિક કરશો નહીં.
• મજબૂત પાસવર્ડ્સ: તમારા Apple ID અને અન્ય ઑનલાઇન એકાઉન્ટ્સ માટે મજબૂત પાસવર્ડ્સ સેટ કરો.
• ટુ ફેક્ટર ઓથેન્ટિકેશન: તમારી સુરક્ષા વધારવા માટે તમારા Apple ID માટે ટુ ફેક્ટર ઓથેન્ટિકેશન સેટ કરો.