સુરતના સરથાણા પ્રાણી સંગ્રહાલયમાં પાંજરામાં મુકાયા હિટર

છેલ્લા ત્રણ દિવસથી સુરત (Surat)નું તાપમાન 14.6 ડિગ્રીએ પહોંચ્યું છે. જેના કારણે શહેરમાં લોકો શીત લહેર અનુભવી રહ્યા છે. શહેરીજનો ઠંડીથી બચવા માટે પોત-પોતાની રીતે બચાવ કરી રહ્યા છે. ત્યારે સુરતના સરથાણા વિસ્તાર ખાતે આવેલા પ્રાણી સંગ્રહાલય (Zoo) ખાતે રહેતા પ્રાણીઓને પણ ઠંડીથી બચવા માટે ખાસ વ્યવસ્થા તંત્ર દ્વારા કરવામાં આવી રહી છે.

સુરતમાં પ્રાણી સંગ્રહાલયમાં પ્રાણીઓને ઠંડી ન લાગે તે માટે અનોખી વ્યવસ્થા કરવામાં આવી છે.આ અંગે ઝૂ ઇન્ચાર્જ હિના પટેલે જણાવ્યું હતું કે ઠંડી વધતા સુરતમાં પ્રાણી સંગ્રહાલયમાં સિંહ અને વાઘના પાંજરામાં હિટર મૂકવામાં આવ્યા સાથે જ પશુ ઓ માટે આગનું તાપણું કરી ગરમાટો આપવાની વ્યવસ્થા કરાઇ છે.ઋતુ બદલાતાં સાથે જ પ્રાણીઓનાં ડાયટ પ્લાનનું પણ ખાસ ધ્યાન રાખવામાં આવે છે.હાલ સુરત શહેરમાં લોકો શીત લહેર અનુભવી રહ્યા છે. શહેરીજનો ઠંડીથી બચવા માટે પોત-પોતાની રીતે બચાવ કરી રહ્યા છે. પ્રાણીઓ પણ આ ઠંડીનો ચમકારો અનુભવી રહ્યાં છે. રાજ્યમાં ધીમેધીમે શિયાળો જામી ગયો છે. ત્યારે સુરતના સરથાણા વિસ્તાર ખાતે આવેલા પ્રાણી સંગ્રહાલય ખાતે રહેતા પ્રાણીઓને પણ ઠંડીથી બચવા માટે ખાસ વ્યવસ્થા તંત્ર દ્વારા કરવામાં આવી છે.

સુરત શહેરમાં શીતલહેર છવાઈ રહી છે.રાજ્યભરમાં કાતિલ ઠંડીનો એહસાસ માનવીની સાથે પશુઓ અને પ્રાણીઓ પણ અનુભવી રહ્યાં છે.કડકડતી ઠંડી પડતી હોય ત્યારે મનુષ્ય તો ગરમ કપડાં અને તાપણા દ્વારા ઠંડીથી રક્ષણ મેળવી લે છે પરંતુ મૂંગા પશુ પક્ષી માટે તો વ્યવસ્થા કરી દેવાની જવાબદારી ઝૂ ના કર્મચારીની અને વનવિભાગની રહેતી હોય છે.

સુરતના સરથાણા પ્રાણી સંગ્રહાલયમાં પ્રાણીઓ માટે અનોખી વ્યવસ્થા કરવામાં આવી છે. ઝૂમાં પ્રાણીઓ માટે હિટર મુકવામાં આવ્યા છે.શિયાળાથી રક્ષણ મળે તે માટે વસાણા આપવામાં આવ્યા છે. આ ઉપરાંત ઠંડીથી રક્ષણ આપવા માટે પાંજરામાં ઘાસ પણ પાથરવામાં આવ્યું છે.સિંહ અને વાઘના પાંજરામાં હીટર મૂકવામાં આવ્યા,ઠંડીના કારણે પ્રાણીઓની હાલત કફોડી થઈ ગઈ હતી. હાલ હીટરમાંથી ગરમ હવા મળતા ઝૂમાં હાજર પ્રાણીઓને ઠંડીથી રાહત મેળવશે.

આ પણ વાંચો--લોન એપ્લિકેશન અને વેબસાઇટ પર અમદાવાદ સાયબર ક્રાઇમની સર્જિકલ સ્ટ્રાઇક