Champions Trophy: ભારત સામે પાકિસ્તાન ટીમ મેચ પહેલા માનશે હાર? જાણો કારણ

• ભારત અને પાકિસ્તાન દુબઈમાં રમાશે
• ભારતે ટુર્નામેન્ટની શરૂઆત જીત સાથે કરી
• મેચ પહેલા પાકિસ્તાન ટીમ પર દબાણ રહેશે

IND vs PAK :ભારત અને પાકિસ્તાન (IND vs PAK )વચ્ચેની મેચ 23 ફેબ્રુઆરીએ દુબઈમાં રમાશે. બંને ટીમોએ ટુર્નામેન્ટમાં એક-એક મેચ રમી છે. ભારતે ટુર્નામેન્ટની શરૂઆત જીત સાથે કરી હતી જ્યારે પાકિસ્તાન ન્યુઝીલેન્ડ સામે હારી ગયું હતું. આ મેચમાં ભારતનો હાથ ઉપર હોય તેવું લાગે છે. રોહિત શર્માની કેપ્ટનશીપ હેઠળ, ટીમ ઈન્ડિયા દરેક વિભાગમાં પાકિસ્તાનથી આગળ હોય તેવું લાગે છે. પાકિસ્તાન સામે જીત મેળવીને ટીમ ઈન્ડિયા સેમિફાઇનલ તરફ એક મજબૂત પગલું ભરશે.

પાકિસ્તાન ટીમ કોના દબાણમાં?

ભારત સામેની મેચ પહેલા પાકિસ્તાન ટીમ પર દબાણ રહેશે. પહેલી મેચ હાર્યા બાદ, પાકિસ્તાન હવે ટુર્નામેન્ટમાંથી બહાર થવાના ખતરોનો સામનો કરી રહ્યું છે. જો પાકિસ્તાન ટીમ ઈન્ડિયા સામે હારી જાય છે, તો તે ટુર્નામેન્ટમાંથી સીધું બહાર થઈ જશે. આ મેચ માટે પાકિસ્તાને દુબઈ આવવું પડશે, આ કરો યા મરોનો મુકાબલો હશે. આ મેચ માટે ભારતને ફેવરિટ માનવામાં આવી રહ્યું છે.

આ પણ  વાંચો -Sourav Ganguly નો ભયાનક અકસ્માત, અચાનક ટ્રક સામે આવી ગયો અને...

પાકિસ્તાન ટીમમાં સાતત્યનો અભાવ

પાકિસ્તાન ટીમમાં સાતત્યનો અભાવ હોય તેવું લાગે છે. ટીમ એક મેચમાં સારું પ્રદર્શન કરે છે પણ પછીની મેચોમાં નિષ્ફળ જાય છે. ત્રિકોણીય શ્રેણીમાં પણ પાકિસ્તાનની આવી જ હાલત જોવા મળી હતી. ન્યુઝીલેન્ડ સામેની હાર બાદ ટીમના ઉપ-કેપ્ટને કહ્યું હતું કે, “જો આપણે વિશ્વની શ્રેષ્ઠ ટીમો સામે જીત મેળવવા માંગતા હોઈએ તો આપણે આપણી રમતમાં સાતત્ય લાવવું પડશે. આપણે એક મેચમાં સારું અને બીજી મેચમાં ખરાબ રમી શકતા નથી.

આ પણ  વાંચો -ભારત-પાક મેચ પર IIT બાબાની ભવિષ્યવાણી, જાણો ટીમ ઈન્ડિયા જીતશે કે પછી મળશે હાર

ન્યુઝીલેન્ડ ગ્રુપમાં ટોચ પર

ગ્રુપ A માં ભારત, ન્યુઝીલેન્ડ, પાકિસ્તાન અને બાંગ્લાદેશ ટીમો છે. આ ગ્રુપની બે મેચ રમાઈ છે જેમાં ભારત અને ન્યુઝીલેન્ડ જીત્યા છે. પાકિસ્તાન સામેની મોટી જીતને કારણે, ન્યુઝીલેન્ડનો રન રેટ ભારત કરતા સારો છે અને તે ગ્રુપમાં ટોચ પર છે. જો ભારત પાકિસ્તાન સામે જીતે છે તો સેમિફાઇનલમાં તેનો પ્રવેશ લગભગ નિશ્ચિત થઈ જશે.