મોહમ્મદ શમીની વાપસી પર રોહિત શર્માએ શું કહ્યું..
- મોહમ્મદ શમીની વાપસી પર રોહિત શર્માએ આપ્યું અપડેટ
- ODI વર્લ્ડ કપ 2023માં શાનદાર પ્રદર્શન કર્યું
- રોહિતએ કહ્યું કે શમી સંપૂર્ણ રીતે ફિટ નથી
Mohammed Shami:ભારતીય ટીમના સ્ટાર ફાસ્ટ બોલર મોહમ્મદ શમી (MohammedShami)વર્લ્ડ કપ 2023 બાદ ભારતીય ટીમ માંથી બહાર રહ્યો હતો. તેની ફિટનેસને લઈને અનેક સમાચાર આવતા રહે છે. વર્લ્ડ કપ બાદ સ્ટાર બોલરે લંડનમાં સર્જરી કરાવી હતી, જે બાદ તે અત્યાર સુધી ટીમ ઈન્ડિયામાં પરત ફરી શક્યો નથી. જો કે હવે રોહિત શર્મા(RohitSharma)એ પોતાની વાપસીને લઈને એક મોટું અપડેટ આપ્યું છે.
મોહમ્મદ શમી ક્યારે વાપસી કરશે?
એવી અપેક્ષા રાખવામાં આવી રહી હતી કે ન્યુઝીલેન્ડ સામે રમાનારી ત્રણ મેચની ટેસ્ટ શ્રેણી માટે શમીની પસંદગી કરવામાં આવશે. પરંતુ અહીં પણ શમીને ટીમમાં તક આપવામાં આવી ન હતી, કારણ કે તે સંપૂર્ણ રીતે ફિટ નહોતો. જોકે, હવે રોહિતે શમીને લઈને એક મોટું અપડેટ આપ્યું છે. તેણે કહ્યું છે કે શમીને આંચકો લાગ્યો છે અને તેના ઘૂંટણમાં સોજો આવી ગયો છે, જેના કારણે તેણે થોડું પાછળ હટીને ફરી શરૂઆત કરવી પડી હતી. તે ડોક્ટરો અને ફિઝિયો સાથે NCAમાં છે. અમે નબળા શમીને ઓસ્ટ્રેલિયા લાવવા માંગતા નથી. અમે આશા રાખીએ છીએ કે તે સ્વસ્થ રહે. રોહિતના નિવેદનથી સ્પષ્ટ થઈ ગયું છે કે શમી અત્યારે સંપૂર્ણ રીતે ફિટ નથી. બોર્ડર ગાવસ્કર ટ્રોફી માટે શમીની પસંદગી થવાની શક્યતાઓ ઓછી છે.
Rohit Sharma said "Shami had a setback & had swelling in his knees, that put him back a little bit & had to start again. He is at the NCA with doctors & physios. We don't want to bring undercooked Shami to Australia. We are keeping our fingers crossed". [RevSportz] pic.twitter.com/gHNi16YT1K
— Johns. (@CricCrazyJohns) October 15, 2024
આ પણ વાંચો -T20 World Cup: મેદાનમાં ધ્રૂસકે-ધ્રૂસકે રડી પાકિસ્તાનની કેપ્ટન,જુઓ Video
શમી સર્જરી માટે લંડન ગયો હતો
વર્લ્ડ કપ 2023 પછી, શમીની દક્ષિણ આફ્રિકા સામે રમાયેલી 2 ટેસ્ટ મેચની શ્રેણી માટે પસંદગી કરવામાં આવી હતી. પરંતુ BCCIની મેડિકલ ટીમે શમીને રમવા દેવાની ના પાડી દીધી હતી. આ પછી તે સર્જરી માટે લંડન ગયો હતો. સફળ સર્જરી પછી જ્યારે તે ભારત પાછો ફર્યો, ત્યારે તે બેંગલુરુમાં નેશનલ ક્રિકેટ એકેડમીમાં પુનર્વસન હેઠળ છે. જોકે, શમી તેની ફિટનેસ સાથે જોડાયેલા વીડિયો સોશિયલ મીડિયા પર શેર કરતો રહે છે.
"We don't want to bring an undercooked Shami to Australia": Rohit Sharma provides update on Mohammed Shami's fitness
Read @ANI Story | https://t.co/QW4Rs8k0CJ#RohitSharma #MohammedShami #India #Australia pic.twitter.com/hiIoIqRWWO
— ANI Digital (@ani_digital) October 15, 2024
આ પણ વાંચો -PAK vs ENG: બાબરની જગ્યાએ કામરાન ગુલામને મળી તક! જાણો આંકડા
વર્લ્ડ કપ 2023માં શાનદાર પ્રદર્શન કર્યું હતું
શમીએ ભારતમાં આયોજિત ODI વર્લ્ડ કપ 2023માં શાનદાર પ્રદર્શન કર્યું હતું. આજે પણ ભારતીય ચાહકો ઈંગ્લેન્ડ અને ન્યુઝીલેન્ડ સામેની ઘાતક બોલિંગને ભૂલી શકતા નથી. શમી ટૂર્નામેન્ટનો સૌથી વધુ વિકેટ લેનાર બોલર પણ બન્યો હતો. તેણે માત્ર 7 મેચમાં 24 વિકેટ ઝડપી હતી. આ સમયગાળા દરમિયાન, તેણે 10.70ની એવરેજ અને 5.26ના ઈકોનોમી રેટથી રન આપ્યા હતા.