ગુજરાત ટાઈટન્સના આ ખેલાડીએ ઘરને જ બનાવી દીધું મેદાન, Video

ન્યુઝીલેન્ડ ક્રિકેટ ટીમનો દિગ્ગજ ખેલાડી કેન વિલિયમસન (Kane Williamson) IPL 2023ની પ્રથમ મેચમાં ગુજરાત ટાઇટન્સ તરફથી ફિલ્ડિંગ કરતી વખતે ઘૂંટણમાં ઈજા થવાના કારણે ટૂર્નામેન્ટમાંથી બહાર થઇ ગયો હતો. વિલિયમસનને બાઉન્ડ્રી પર કેચ પકડતા સમયે ઈજા પહોંચી હતી, જે બાદ તેની સર્જરી કરાવવી પડી હતી. જોકે, વિલિયમસન હવે સાજો થઈ રહ્યો છે. તે આ દિવસોમાં ઘરે છે. તેઓએ ઘરને મેદાન બનાવી દીધું છે. તાજેતરમાં વિલિયમસન તેની પુત્રી સાથે ઘરે ક્રિકેટ રમતા જોવા મળ્યો છે. તેણે પોતે આ વીડિયો શેર કર્યો છે.

કેન વિલિયમસને ઘરને જ બનાવ્યું મેદાન

ન્યુઝીલેન્ડનો કેપ્ટન કેન વિલિયમસન હાલમાં ઈજામાંથી બહાર આવી ગયો છે અને સ્વસ્થ થઈ રહ્યો છે. વિલિયમસન ફિટનેસ પાછી મેળવવા માટે શ્રેષ્ઠ પ્રયાસ કરી રહ્યો છે. તે લાંબા સમયથી મેદાનની બહાર છે. જણાવી દઇએ કે, વિલિયમસને સોશિયલ મીડિયા પર એક વીડિયો શેર કર્યો છે જેમાં તે તેની પુત્રી સાથે તેના ઘરની અંદર ક્રિકેટ રમતા જોવા મળે છે. આ વીડિયોમાં દેખાઈ રહ્યું છે કે તે ઈજામાંથી સાજો થઈ રહ્યો છે. જણાવી દઇએ કે, એપ્રિલમાં IPL દરમિયાન તેને ઈજા થઈ હતી. આ પછી તે પોતાના દેશ પરત ફર્યો. IPLમાં પ્રથમ મેચ ચેન્નાઈ સુપર કિંગ્સ અને ગુજરાત ટાઇટન્સ વચ્ચે રમાઈ હતી. બંને ટીમો વચ્ચેની મેચ દરમિયાન વિલિયમસનને ઘૂંટણમાં ઈજા થઈ હતી. ફિલ્ડિંગ કરતી વખતે ઈજા થઈ હતી. ઈજાની ઊંડાઈને જોતાં કેન વિલિયમસન ખસી ગયો અને ટુર્નામેન્ટમાં આગળ રમ્યો નહીં. જણાવી દઈએ કે, ઈજાના થોડા સમય બાદ ન્યૂઝીલેન્ડમાં તેની સર્જરી થઈ હતી અને તે હાલમાં તેની રિકવરીના પ્રારંભિક તબક્કામાં છે અને તે જલ્દીથી જલ્દી ફિટ થઈને વર્લ્ડ કપમાં તેની ટીમનું પ્રતિનિધિત્વ કરવા માંગે છે. વિલિયમસને તેની પુત્રી સાથે ક્રિકેટ રમતાનો એક સુંદર વીડિયો ઈન્સ્ટાગ્રામ પર શેર કર્યો છે. ચાહકો આ વીડિયો પર ઉગ્ર કોમેન્ટ કરી પોતાનો પ્રેમ વરસાવી રહ્યા છે. વિલિયમસન અને તેની પુત્રીનો આ વીડિયો સોશિયલ મીડિયા પર ઝડપથી વાયરલ થયો છે.

વિલિયમસન ફિટનેસ પર આપી રહ્યો છે ધ્યાન

આ ઈજાના કારણે વિલિયમસનનું આગામી વનડે વર્લ્ડ કપમાં રમવું મુશ્કેલ બની ગયું છે. અગાઉ, કિવી સુકાનીએ મેગા ઈવેન્ટમાં ભાગ લેવા દોડવાને બદલે તેની સંપૂર્ણ ફિટનેસ પાછી મેળવવાની પ્રાથમિકતા પર ભાર મૂક્યો હતો. જો કિવી સુકાની આ મેગા ઈવેન્ટમાં રમવા માટે ફિટ છે તો તે ટીમ માટે મોટી વાત હશે. બીજી તરફ જો તે અનફિટ રહેશે તો તે ટીમ માટે મોટો ફટકો હશે. જમણા હાથના અનુભવી બેટ્સમેન કેન વિલિયમસનની ODI કારકિર્દી વિશે વાત કરીએ તો, તેણે 161 મેચ રમી છે અને 47.85ની એવરેજની મદદથી પોતાના ખાતામાં 6555 રન જોડવામાં સફળ રહ્યો છે. આ દરમિયાન તેના બેટથી 13 સદી અને 42 અડધી સદી જોવા મળી છે. ODI ક્રિકેટમાં ન્યૂઝીલેન્ડના કેપ્ટનનો સર્વોચ્ચ સ્કોર 148 રન છે.

આ પણ વાંચો - જોની બેયરસ્ટોના રન આઉટ વિવાદ બાદ ફેન્સને MS DHONI આવી રહ્યો છે યાદ, VIDEO

ગુજરાત ફર્સ્ટ તમને સમાચારોથી હંમેશા અવગત રાખશે

ગુજરાતની નંબર 1 ગુજરાતી ન્યૂઝ ચેનલ એટલે ગુજરાત ફર્સ્ટ (Gujarat First) – જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ગુજરાત ફર્સ્ટ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android અને iOS એપ. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ