Sydney Test : એવું તો શું થયું કે બુમરાહ ચાલુ મેચમાં જ સ્ટેડિયમની બહાર જોવા મળ્યો...! Video

• ઓસ્ટ્રેલિયા સામે ભારતને મોટો ફટકો
• Sydney Test માં બુમરાહે મેચ વચ્ચે મેદાન છોડ્યું
• વિરાટ કોહલી પાસે કેપ્ટનશિપની જવાબદારી

ભારતીય ટીમને ઓસ્ટ્રેલિયા સામે સિડની ટેસ્ટ (Sydney Test)માં મોટો ઝટકો લાગ્યો છે, જ્યાં ટીમના કેપ્ટન જસપ્રિત બુમરાહને મેદાન છોડવું પડ્યું છે. બોર્ડર-ગાવસ્કર ટ્રોફીની પાંચમી ટેસ્ટ (Sydney Test)ના બીજા દિવસે પીડા અનુભવ્યા બાદ બુમરાહ મેદાનની બહાર નીકળી ગયો હતો. તેનો એક વીડિયો દેખાઈ રહ્યો છે, જેમાં તે બે સપોર્ટ સ્ટાફ મેમ્બર્સ સાથે સ્કેન માટે સ્ટેડિયમની બહાર જતો જોવા મળે છે.

લંચ બાદ બુમરાહે માત્ર એક ઓવર ફેંકી હતી...

બુમરાહ લંચની 30 મિનિટ પહેલા મેદાન છોડી ગયો હતો, પરંતુ બાદમાં પાછો ફર્યો હતો. લંચ પછીના સેશનમાં, બુમરાહ માત્ર એક ઓવર રમીને ફરીથી મેદાનની બહાર નીકળી ગયો હતો. તેના સ્થાને અવેજી ફિલ્ડર અભિમન્યુ ઇશ્વરન મેદાનમાં આવ્યો હતો. રોહિત પ્લેઈંગ ઈલેવનમાં ન હોવાને કારણે બુમરાહની ગેરહાજરીમાં વિરાટ કોહલીએ કેપ્ટનશિપની જવાબદારી લીધી છે.

આ પણ વાંચો : Rohit Sharma એ તોડ્યું મૌન, સંન્યાસ વિશે ખુલાસો કરીને ચાહકોના દિલ જીતી લીધા

બુમરાહે અત્યાર સુધી 32 વિકેટ ઝડપી...

બુમરાહે આ મેચમાં અત્યાર સુધી પોતાની 10 ઓવરમાં બે વિકેટ ઝડપી છે. એકંદરે, જમણા હાથના ફાસ્ટ બોલરે આ શ્રેણીમાં 32 વિકેટ લીધી છે. આ શ્રેણીમાં ભારતનો બીજો સર્વશ્રેષ્ઠ બોલર મોહમ્મદ સિરાજ છે જેણે અત્યાર સુધી 18 વિકેટ ઝડપી છે.

આ પણ વાંચો : Sourav Ganguly ની પુત્રીની કારનો અકસ્માત, બસે ટક્કર મારી, સના આબાદ બચાવ

ટીમની કમાન બુમરાહના હાથમાં...

બુમરાહની ઈજા આ ટેસ્ટ (Sydney Test) અને શ્રેણીના પરિણામમાં મહત્વની ભૂમિકા ભજવી શકે છે. તે માત્ર ભારતનો સર્વશ્રેષ્ઠ સ્ટ્રાઈક બોલર નથી પણ નિયમિત સુકાની રોહિત શર્માની ગેરહાજરીમાં આ ટેસ્ટ (Sydney Test) માટે સુકાની પણ છે, જેણે બેટમાં ખરાબ ફોર્મને કારણે શ્રેણીના નિર્ણાયકમાંથી ખસી જવાનો નિર્ણય લીધો હતો.

આ પણ વાંચો : Border-Gavaskar Trophy : ટીમ ઈન્ડિયાનાં બોલર્સનો દબદબો, ઓસ્ટ્રેલિયાની ટીમ માત્ર 181 રનમાં સમેટાઈ