• સ્ટીવ સ્મિથે રચ્યો ઈતિહાસ, એશિયામાં ઓસ્ટ્રેલિયાના ટોચના ટેસ્ટ સ્કોરર બન્યો!
• ટેસ્ટ ક્રિકેટમાં 10,000 રનનો માઇલસ્ટોન સર કરનાર સ્ટીવ સ્મિથે તોડ્યો પોન્ટિંગનો રેકોર્ડ!
• શ્રીલંકાની ધરતી પર સ્મિથનો દબદબો, એશિયામાં ઓસ્ટ્રેલિયાના સર્વશ્રેષ્ઠ ટેસ્ટ બેટ્સમેન બન્યો!

Steve Smith created history : શ્રીલંકા અને ઓસ્ટ્રેલિયા વચ્ચે ટેસ્ટ સીરીઝ રમાઇ રહી છે. આ સીરીઝની બીજી મેચ શ્રીલંકાના ગાલે આંતરરાષ્ટ્રીય સ્ટેડિયમ (Galle International Stadium) ખાતે રમાઈ રહી છે. ત્યારે શ્રીલંકાની ધરતી પર સ્ટીવ સ્મિથ એક પછી એક ઐતિહાસિક માઇલસ્ટોન સર કરી રહ્યો છે. તાજેતરમાં તેણે ટેસ્ટ ક્રિકેટમાં 10,000 રન પૂરા કર્યા છે.

સ્ટીવ સ્મીથ બન્યો એશિયામાં ઓસ્ટ્રેલિયાનો સર્વશ્રેષ્ઠ ટેસ્ટ રનસ્કોરર

જણાવી દઇએ કે, ઓસ્ટ્રેલિયન બેટ્સમેન સ્ટીવ સ્મીથ (Steve Smith) એશિયામાં ઓસ્ટ્રેલિયા તરફથી સર્વાધિક ટેસ્ટ રન બનાવનાર ખેલાડી બની ગયો છે, જેમાં તેણે રિકી પોન્ટિંગ (Ricky Ponting) નો રેકોર્ડ તોડી નાખ્યો છે. આ સાથે, ચાલુ ટેસ્ટ સિરીઝમાં સ્મિથે સદી (Century) ફટકારી છે અને દિવસના અંત સુધી તે ક્રીઝ પર રહ્યો છે. પેટ કમિન્સની ગેરહાજરીમાં, તે આ પ્રવાસમાં ટીમનું નેતૃત્વ પણ કરી રહ્યો છે. સ્ટીવ સ્મિથ હવે એક એવા તબક્કે પહોંચી ગયો છે, જ્યાં તે દરેક સારી ઈનિંગ સાથે નવા રેકોર્ડ બનાવી રહ્યો છે. શ્રીલંકા સામેની બીજી ટેસ્ટ મેચમાં તેણે એક મહત્ત્વપૂર્ણ સિદ્ધિ હાંસલ કરી છે. સ્મીથ એશિયામાં ઓસ્ટ્રેલિયા તરફથી સૌથી વધુ ટેસ્ટ રન બનાવનાર ખેલાડી બન્યો છે. આ સિદ્ધિ સાથે તેણે રિકી પોન્ટિંગનો રેકોર્ડ પણ તોડી નાખ્યો છે, જેણે એશિયામાં કુલ 1889 રન બનાવ્યા હતા, જ્યારે એલન બોર્ડર 1799 રન સાથે ત્રીજા સ્થાને છે.

Test century no. 3️⃣6️⃣ for Australia talisman Steve Smith 👏#WTC25 | #SLvAUS 📝: https://t.co/PVPw6kFuGn pic.twitter.com/PpKPvAqOj7

— ICC (@ICC) February 7, 2025

બેટમાંથી ફરી અડધી સદી આવી

શ્રીલંકા સામેની પહેલી ટેસ્ટમાં 141 રન બનાવનાર સ્મિથ બીજી મેચમાં પણ સારી બેટિંગ કરી રહ્યો છે. આજના દિવસના અંત સુધીમાં સ્ટીવ સ્મીથે પોતાની સદી પૂરી કરી દીધી હતી અને હજું પણ તે 120 રન સાથે ક્રિઝ પર છે. જણાવી દઇએ કે, ટ્રેવિસ હેડ અને માર્નસ લાબુશેનના ​​વહેલા આઉટ થયા પછી, સ્મિથે ઉસ્માન ખ્વાજા સાથે મળીને ઓસ્ટ્રેલિયન ઇનિંગ્સને સ્થિર કરી અને અડધી સદીની ભાગીદારી કરી. ખ્વાજા આઉટ થયા બાદ, સ્મિથે એલેક્સ કેરી સાથે ચોથી વિકેટ માટે સદીની ભાગીદારી કરી છે. પોતાની ઇનિંગમાં, સ્મિથે અત્યાર સુધીમાં 9 ચોગ્ગા અને 1 છગ્ગો ફટકાર્યો છે. અગાઉ, ટોસ જીતીને બેટિંગ પસંદ કર્યા બાદ, શ્રીલંકાની ટીમ 257 રનમાં ઓલઆઉટ થઈ ગઈ હતી.

આ પણ વાંચો : બાંગ્લાદેશમાં રૂપિયા ન મળતા બસ ડ્રાઈવરે ક્રિકેટરોનો સામાન પડાવી લીધો