ઓસ્ટ્રેલિયામાં શ્રીલંકાના ઓપનર બેટ્સમેન પર દુષ્કર્મનો આરોપ, કરાઈ ધરપકડ

સિડની પોલીસના જણાવ્યા અનુસાર, 29 વર્ષીય મહિલા પર આ અઠવાડિયાની શરૂઆતમાં રોઝ બે સ્થિત તેના ઘરે દુષ્કર્મ કરવામાં આવ્યો હતો. ન્યૂ સાઉથ વેલ્સ પોલીસના નિવેદનમાં કહેવામાં આવ્યું છે કે, "મહિલા એક ઓનલાઈન ડેટિંગ એપ્લિકેશન દ્વારા ઘણા દિવસોની વાતચીત પછી તે પુરુષને મળી હતી; એવો આરોપ છે કે તેણે બુધવાર 2 નવેમ્બર 2022 ના રોજ સાંજે તેના પર જાતીય હુમલો કર્યો હતો." ચાલુ તપાસના ભાગ રૂપે, નિષ્ણાત પોલીસે ગઈકાલે રોઝ બેમાં આપેલા સરનામે ક્રાઈમ સીનની તપાસ કરી હતી. પોલીસે જણાવ્યું હતું કે, "વધુ પૂછપરછ પછી, સિડનીમાં સસેક્સ સ્ટ્રીટ પરની એક હોટલમાંથી 31 વર્ષીય વ્યક્તિ મળી આવ્યો હતો જેની આજે સવારે 1 વાગ્યા પહેલા (રવિવાર 6 નવેમ્બર 2022) ધરપકડ કરવામાં આવી હતી.