એમ્પાયરે LBWની અપીલ પર આઉટ ન આપ્યું તો પાકિસ્તાની બોલરે કરી શરમજનક હરકત, Video

ક્રિકેટમાં ઘણી વખત એવા દ્રશ્યો જોવા મળી જાય છે કે જે તમે વિચારી પણ ન શકો. આવું જ કઇંક પાકિસ્તાનમાં જોવા મળ્યું હતું. પાકિસ્તાની બોલર હસન અલીનો એક વિડીયો તાજેતરમાં ખૂબ જ વાયરલ થઇ રહ્યો છે, જેમા તેણે એક એવી હરકત કરી છે કે જેને જોઇ તેના સાથી ખેલાડીઓ થોડી ક્ષણ માટે ચોંકી ગયા હતા. 

ક્રિકેટને એક જેન્ટલમેન ગેમ કહેવાય છે. આ જેન્ટલમેન ગેમમાં ઘણીવાર એવી ક્ષણો બની જાય છે કે જેના કારણે તમે થોડીવાર માટે આશ્ચર્યમાં પડી જાઓ છો કે ખરેખર થઇ શું રહ્યું છે. આવું જ કઇંક પાકિસ્તાનના રાવલપિંડી સ્ટેડિયમમાં જોવા મળ્યું હતું, જ્યા પાકિસ્તાનના બોલર હસન અલી બેટ્સમેનને બોલ ફેંક્યા બાદ LBWની અપીલ કરતા જોવા મળે છે. સોશિયલ મીડિયામાં વાયરલ આ વિડીયો મુજબ જ્યારે હસન અલીએ LBWની અપીલ કરી અને એમ્પાયરે બેટ્સમેનને આઉટ ન આપ્યો ત્યારે હસન અલી દોડતો એમ્પાયર પાસે પહોંચી ગયો અને એમ્પાયરનો હાથ જબરદસ્તી ઉઠાવી બેટ્સમેનને આઉટ આપવાનું કહેવા લાગ્યો. જોકે, આ વિડીયોમાં તે પણ સ્પષ્ટ થઇ જાય છે કે આ એક મજાક હતો. હસન અલી દ્વારા કરવામાં આવેલા આ મજાક બાદ એમ્પાયર પોતે પણ આ ઘટના પર હસતા જોવા મળી જાય છે. 

મહત્વનું છે કે, પાકિસ્તાને તાજેતરમાં શ્રીલંકાના પ્રવાસ માટે 18 સભ્યોની ટીમની જાહેરાત કરી હતી. ઓસ્ટ્રેલિયા સામેની શ્રેણીમાં આ ટીમના મોટાભાગના ખેલાડીઓ હાજર હતા. પરંતુ તેમાં માત્ર થોડા ફેરફારો છે - ઝાહિદ મહેમૂદ અને સાજિદ ખાનની જગ્યાએ અનકેપ્ડ ઓલરાઉન્ડર આગા સલમાન, સરફરાઝ અહેમદ અને નસીમ શાહનો સમાવેશ કરવામાં આવ્યો છે. ઉલ્લેખનીય છે કે, પાકિસ્તાન ક્રિકેટ ટીમ શ્રીલંકા સામે 2 ટેસ્ટ મેચોની શ્રેણી રમશે. આ શ્રેણીની પ્રથમ ટેસ્ટ 16 જુલાઈથી રમાશે. વળી, બીજી મેચ 24 જુલાઈથી કોલંબોમાં રમાવાની છે. શ્રીલંકા સિરીઝ માટે પાકિસ્તાનની ટીમ હાલમાં રાવલપિંડી સ્ટેડિયમમાં પ્રેક્ટિસ માટે પરસ્પર મેચ રમી રહી છે.  

આ પણ વાંચો - હુડ્ડાએ પ્રથમ T20 સદી ફટકારી તોડ્યો સચિન તેંડુલકરનો આ રેકોર્ડ