વર્લ્ડ કપ T-20 સેમિફાઇનલમાં હારને કારણે ભારતીય મહિલા ક્રિકેટ ટીમ તૂટી ગઈ, અનુષ્કાએ કહી આ વાત

23 ફેબ્રુઆરીના રોજ ભારત (India) અને ઓસ્ટ્રેલિયા (Australia)ની મહિલા ક્રિકેટ (Women's Cricket) ટીમ વચ્ચે મેચ રમાઈ હતી. આ મેચ શાનદાર રહી. બંને ટીમોએ પોતપોતાની બાજુથી સારું પ્રદર્શન કર્યું હતું. જોકે ટીમ ઈન્ડિયા આ મેચ ઓસ્ટ્રેલિયા સામે માત્ર 5 રનથી હારી ગઈ હતી. જે બાદ ભારતીય ટીમ રડતી જોવા મળી હતી. આ દરમિયાન કેમેરામાં મહિલા ટીમની રડતી તસવીરો અને વીડિયો પણ સામે આવ્યા હતા. જે બાદ હાલમાં જ ભારતીય ક્રિકેટર વિરાટ કોહલીની પત્ની અને બોલિવૂડની જાણીતી અભિનેત્રી અનુષ્કા શર્મા (Anushka Sharma)ની પ્રતિક્રિયા સામે આવી છે.

આ હાર બાદ અનુષ્કા શર્માએ ભારતીય મહિલા ટીમની કેપ્ટન હરમનપ્રીત (Harmanpreet Kaur)ને પ્રોત્સાહિત કરી છે. તેમણે પોતાના ઈન્સ્ટાગ્રામ પર એક સ્ટોરી શેર કરી છે. અનુષ્કાએ તેમાં લખ્યું છે - મને તમારા અને તમારી આખી ટીમ પર ગર્વ છે, કેપ્ટન. આ સાથે અનુષ્કાએ બ્લુ હાર્ટ ઈમોજી પણ મૂક્યું છે. અનુષ્કાએ સ્ટોરી પર એક વીડિયો પણ શેર કર્યો છે. તે ICC T20 વર્લ્ડ કપનો વીડિયો છે, જેમાં તેણે લખ્યું છે - આ મહિલાઓ. આ વીડિયોમાં પૂર્વ કેપ્ટન અંજુમ ચોપરા હરમનપ્રીત કૌરને શાંત કરવાનો પ્રયાસ કરતી જોવા મળી રહી છે.

ICC T20 વર્લ્ડ કપની સેમિફાઇનલમાં હાર્યા બાદ આખી ભારતીય મહિલા ટીમ ખૂબ જ નિરાશ હતી. આ હાર બાદ તમામ ખેલાડીઓ રડતા જોવા મળ્યા હતા. મેચ પૂરી થયા બાદ હરમનપ્રીત જ્યારે સ્ટેજ પર પહોંચી ત્યારે તેમણે કાળા સનગ્લાસ પહેર્યા હતા. તે દરમિયાન હરમનપ્રીત ખૂબ જ ભાવુક હતી.

તમને જણાવી દઈએ કે આ સેમીફાઈનલમાં હરમનપ્રીત કૌરે 34 બોલમાં 52 રન બનાવ્યા હતા. જે બાદ તે રનઆઉટ થઈ હતી. તે દરમિયાન ભારતને જીતવા માટે માત્ર 5 રનની જરૂર હતી, જેના કારણે હરમનપ્રીત વધુ હેબતાઈ ગઈ હતી.

આ પણ વાંચો--દક્ષિણ આફ્રિકાએ રચ્યો ઇતિહાસ, ઇંગ્લેન્ડને હરાવીને પ્રથમ વખત ફાઇનલમાં