U19 WC : સેમીફાઇનલમાં દક્ષિણ આફ્રિકાને કચડી ભારતની ફાઇનલ તરફ આગેકૂચ
U19 WC SEMIFINAL : એક તરફ ભારતની સીનિયર ટીમ જ્યારે ઇંગ્લૈંડ સામે ટેસ્ટ શ્રેણીમાં બાથ ભીડી રહ્યું છે ત્યારે ભારતની યુવા અંડર - 19 ટીમ વિશ્વકપમાં જીતના ઝંડા રોપી રહ્યું છે. અંડર - 19 વિશ્વકપમાં ભારત અને દક્ષિણ આફ્રિકાની ટીમ વચ્ચે સેમી ફાઇનલ મુકાબલો Benoni ના Willowmoore Park ખાતે રમાયો હતો. ભારતની યુવા ટીમે દક્ષિણ આફ્રિકાને બે વિકેટથી હરાવી આ મહા મુકાબલામાં હરાવી ફાઇનલ તરફ આગેકૂચ કરી છે.
The #BoysInBlue are into the FINAL of the #U19WorldCup! 🥳
A thrilling 2⃣-wicket win over South Africa U-19 👏👏
Scorecard ▶️ https://t.co/Ay8YmV8QDg#TeamIndia | #INDvSA pic.twitter.com/wMxe7gVAiL
— BCCI (@BCCI) February 6, 2024
દક્ષિણ આફ્રિકાએ પ્રથમ બેટિંગ કરતાં 244 રન બનાવ્યા
ભારત અને દક્ષિણ આફ્રિકા વચ્ચે રમાયેલ અંડર-19 વર્લ્ડ કપ ની સેમી ફાઇનલ મેચમાં દક્ષિણ આફ્રિકાની ટીમે પ્રથમ બેટિંગ કરી હતી. આ મેચમાં દક્ષિણ આફ્રિકા એ પ્રથમ બેટિંગ કરતા 50 ઓવરમાં 7 વિકેટ ગુમાવીને 244 રન બનાવ્યા હતા. દક્ષિણ આફ્રિકા તરફથી બેટિંગ કરતા લુઆન-ડ્રે પ્રિટોરિયસે સૌથી વધુ 76 રનની ઇનિંગ રમી હતી. આ સિવાય રિચર્ડે 64 રન બનાવ્યા હતા. ભારતીય ટીમ તરફથી બોલિંગ દરમિયાન રાજ લિંબાણીએ સૌથી વધુ 3 વિકેટ ઝડપી હતી. આ સિવાય મુશીર ખાને 2 અને સૌમ્યા પાંડેએ એક વિકેટ ઝડપી હતી.
ભારતે સફળતાપૂર્વક સ્કોર ચેસ કર્યો
દક્ષિણ આફ્રિકાએ ભારતીય ટીમને જીતવા માટે 245 રનનો ટાર્ગેટ આપ્યો હતો. જે ટાર્ગેટ ભારતની આ યુવા ટીમે 48.5 ઓવરમાં 8 વિકેટ ગુમાવીને ચેસ કર્યો હતો અને જીત હાંસલ કરી હતી. એક સમયે ભારતીય ટીમ મેચમાં ઘણી પાછળ હતી. ભારતીય ટીમને 8 રનની અંદર બે મોટા આંચકાઓ લાગ્યા હતા. ભારતનો ટોપ ઓર્ડર આ મેચમાં કઈ ખાસ કમાલ દેખાડી શક્યો ન હતો જેમાં મુશીર ખાન માત્ર 4 રન બનાવીને આઉટ થયો હતો. આ પછી સુકાની ઉદય સહારન અને સચિન દાસે ભારતીય દાવને સંભાળ્યો અને જીત અપાવવામાં મહત્વની ભૂમિકા ભજવી હતી.
સચિન અને ઉદયની વિનીંગ પારી કામમાં આવી
When the going got tough, Captain Uday Saharan got going 👏👏
For stitching a match-winning partnership with Sachin Dhas, #TeamIndia Captain receives the Player of the Match Award 🙌
Scorecard ▶️ https://t.co/Ay8YmV8QDg#U19WorldCup | #INDvSA pic.twitter.com/VKdeYq9CDp
— BCCI (@BCCI) February 6, 2024
આ મેચમાં સચિને ખૂબ જ સુંદર પારી રમી હતી, તે તેની સદી ચૂકી ગયો હતો પરંતુ તેણે શાનદાર ઇનિંગ રમી હતી. સચિને પોતાની ઇનિંગ દરમિયાન 11 ચોગ્ગા અને એક છગ્ગો ફટકાર્યો હતો. આ મેચમાં સચિને શાનદાર બેટિંગ કરતાં 96 રન બનાવ્યા હતા. આ સિવાય કેપ્ટન ઉદય સહારને 81 રનની ઇનિંગ રમી હતી. આ મેચમાં ઉદય સહારને કેપ્ટનશીપની ઇનિંગ્સ રમી હતી. એક છેડેથી સતત વિકેટો પડતી રહ્યા બાદ ઉદયે ટીમને જીતની ઉંબરે પહોંચાડી હતી.
સાતમી વખત ફાઇનલમાં પહોંચી ભારતની આ યુવા ટીમ
દક્ષિણ આફ્રિકાને હરાવીને ભારતીય ટીમે સાતમી વખત અંડર-19 વર્લ્ડ કપની ફાઇનલમાં જગ્યા બનાવી છે. આ સિવાય ટીમ ઈન્ડિયાએ પણ આ ખિતાબ સૌથી વધુ 5 વખત જીત્યો છે. ટીમ ઈન્ડિયાએ વર્ષ 2000, 2008, 2012, 2018 અને 2022માં અંડર-19 વર્લ્ડ કપનો ખિતાબ જીત્યો છે. ટીમ ઈન્ડિયા જે પ્રકારના ફોર્મમાં છે, તે ફરી એકવાર અંડર-19 વર્લ્ડ કપના ખિતાબની પ્રબળ દાવેદાર માનવામાં આવી રહી છે.
આ પણ વાંચો -- Bharuch : બંધ મકાનને નિશાન બનાવવાના પ્રયાસ કરનાર તસ્કરને લોકોએ પકડી પાડ્યો અને પછી…